Das sich die bilgedachten Stende der Cron Behem fast
vnnd hochlich thuen beclagen, von wegen ains schreibens
so von vnns In truck außgangen, Inn Welchem
die Stende, außserhalb ains kunigclichen, vnnd hochlich
beschwert, vnnd verunglimpft werden, Vnnd
derhalb an aine kunigclichen Wurd begern, Jnen ains
vnnd alls andern schlaffhen zuthun, Vnd aine ko(nigliche)
Wurd vnderthon, ainen tag fur aine kunigclichen,
wurd anzusetzen, Also wolten sie dem, was
alß von vnns außgeschrieben, nicht allain kain
stat geben, Sunder auch vil weniger glauben, das
wir solichs von aine kunigclichen wurd, Wahr machen,
mit angesetzter ajarung, Wo wir vnns, solich
stehen, off aine kunigclichen wurd taglaistung halben,
zupleiben nit vermainten, Das dann die Stende
aus Behem, an allen orten, Im Teutsch, hie durch Ir
schreiben, was wir Inen, vngepurlichs zugesagt, vnd
sohes, (alls Irer gemelt) erbotten hetten, den
annhanden machten,

Darzu geben wir die anntwurt, Das wir auß handlung
der Behem, furgeben nit leugnen mugen, Welchs
ain schreibens so sich, von vnns beschweren, dieweil
wir erstlich, die Acta zu Prag, vnnserm herrn vnd
freunden zugeschriben, Vnnd nachmals, ain außschreiben,
an die Ambtleut vnnd lanndtschoft beder herzogthumb
Slesien vnd Luttichaw, Inn Slesien, trucken vnnd
außgeen lassen, Aber sie mainen nun Welchs
sie wollen, So leugnen wir doch, dero kains theils,
dann Inn dem ersten, nichts annders zehen, noch
begriffenn, dann was offennlich zu Prag hin,
vnd wider schrifftlich vnd muntlich, geredet vnnd

gehandelt, So ist Inn dem anndern, auch nichts
gesagt, noch außgeschrieben, dann was billichs
begegnet, vnnd wir nachmals zu Speyer aine
kunigclichen Wurd, mit beystand etlicher vnser
herrn vnnd freund, aus gutem bestendigem grund
der warhait, furbraht haben, auch hie notturfft
weiter vnnd reitlicher darzuthun mugen,

Erwinden sich aber darInn nit finden, das wir die
gemainen Stende, der loblichen Cron zu Behem,
darInnen, mit Icht beschwert oder verunglimpft,
Sunder allain etliche vnsere, gu(n)stgunner, vnuerse
vnbenannt, angezogen, Vnnd allwegen gesagt vnd
geschriben haben, Sagen vnnd schreiben auch noch,
vnnd lassen es, hie notturfft, Wahr zumachen,
das wir nit, dafur gehaltten, Vnd noch nit,
das die loblichen vnnd hochbedachten, Stend der
Cron zu Behem, gemainclich, Inn berurtem
hanndel, wider vnns sein, Vnser offenbars
wol erlanngt, gerechtigkait, auch gemainer
Stende bewilligung anzesechen, Ob aber
etlich Behem, (wiewol auß vnwissenhait
vnnschuldt, aus neyd vnd haß wider vnns
sein, die sich vnsers außschreibens, (so allain
off vnsere misgunner gedent ist) annemen,
vnnd damit offentlich fur vnsere widerwertige
anzugennen bekhennen, des mu(e)ssen wir
geschehen lassen, Trosten vnns aber vnser
gerechtigkait, vnnd deß, das von vnns, nichts annders,
dann die lauter warhait geschriben, Welchs
auch so offenbar, das derwegen, mit denselben