Wir . Heynrich . Burgraue von Lymik bekennen an vnser(m) offenen briue als wir keynerley . reht haben gehalden an
dem . Czymelicz . das wir vns des genzlich wezygen kegen vns(er)m Omen hern Czymen von Colditz . vnde
sinen Erbe . das globe wir ym vnd sinen Erben by guten truen . zu eynem bekentnisse vnd zu einer sicher
heit . diser vorschriben redde das wir sy stete vnd gancz vnuerbrochlich halden . des henge wir . vnser In
sigel offenlich vnd willeklich an disen kegenwtigen brif . des sint Geczug . vns(er) lib(er) brud(er) . Burgraue .
Albrecht von Lymik . vns(er) Ome . her . Heydenrich von dem wald . vnser Ome her . Heynrich von Colditz .
h(er) . Heynrich . marschalk von froburgk . Czyman von Lympach . Ocke von korbenger . Vlrych von schellenbergk
vnd vil and(er) biderbe lute . diser brif ist ge geben . nach Gotes geburt . Tusent Iar . dry Hundert .
Iar . in dem firczigisten Iare an sente Gallen tage des heyligen bihtegers ~ ~ ~ ~ ~ ~