FERDINANDVS
diuina fauente clementia, Electus Romanorum Imperator, semper Augustus,
ac Germaniæ, Hungariæ, Boemiæ, Dalmatiæ, Croatiæ, Sclauoniæ &c Rex &c.
Infans Hispaniarum, Archidux Austriæ, Dux Burgundiæ, Brabantiæ, Styriæ,
Carinthiæ, Carniolæ, Marchio Morauiæ &c. Dux Lucemburgiæ, ac superioris
et inferioris Silesiæ, Wirtembergæ et Teckæ, Princeps Sueuiæ, Comes Habs=
purgi, Tyrol: Ferretis Kyburgi et Goritiæ, Landtgrauius Alsatiæ, Marchio
sacri Romani Imperij Burgouiæ, ac superioris et inferioris Lusatiæ, Dominus
Marchiæ Sclauonicæ Portus Naonis et Salinarum &c. Recognoscimus
pro nobis hæredibus et successoribus nostris Regibus Boemiæ &c. Quod cum à
multo iam tempore afflictissimi nostri Regni Boemiæ statum, maximè quoad
Religionem nostram catholicam, usq(ue) quaq(ue) ferè retroactis annis expulsam ac pro=
fligatam diligentius perpendissemus. Eumq(ue) eiusmodi esse reperissemus, ut nisi
breui de opportuno aliquo remedio illi dispexissemus, actum profecto de miseris ipsis
reliquijs prælibatæ nostræ Religionis catholicæ præsertim inualescentibus tot tantisq(ue)
indies nouis hæresibus, intra breuissimum tempus, cuiq(ue) uel mediocri iuditio
prædito uideri potuerit. Sanè ea cura ac cogitatione nihil prius uel antiquius
habuimus, quam ut huic malo aliquod efficacissimum antidotum inueniremus.
Quandoquidem itaq(ue) de almæ societatis IESV insigni pietate, alijsq(ue) innu=
merabilibus uirtutum mæritis, nec non sedula & incompa rabili eorum in insti=
tuenda Iuuentute tam moribus christianis, quam in bonis omnis generis l(ite)ris
diligentia, in habendisq(ue) concionibus ad populum ipsum assiduitate, multorum
fide dignorum relatione, atq(ue) experimentis exemplisq(ue) Cæsarei collegij nostri socie=
tatis eiusdem, quod multis ante annis Viennæ easdem ob causas instituimus,
edocti essemus: facile induximus in animum, Vt eos in hanc tam copiosam