Wir fridrich von gotes gnaden der Burggrafe zue Nurenberg Marggrafe zue Meyssen in dem osterland und zue der lawssitz und herre des landes zue plessen Bekennen
und tun kunt offenlich in disem brief allen den die in sehen horen oder lesen. Daz wir durch gemaynes nutzes willen frides und gemaches unsers landes lewte und auch umb sunders
dienstes und liebes willen die uns darzu furten von dem allerdurchleuchtigsten fursten und unserm gnedigen herrn herrn Karl Romischem kunige zue allen zeiten merer des Reichs und kunige
zue Beheim und den hochgeborn fursten und herrn Johans hertzogen zue kernden Marggraven zue Merhern und zue der lawssitz sinen brudern von erben und nachkomen kunigen zue Beheim
und der cronen do selbs Marggrafen zue Merhern und Marggrafen zue der lawssitz ein swer und ein hantgeloben sunder Balthasar ludwiges und Wilhelms uns suns und aller uns erben
von erben und nachkomen wegen fursten und herrn der vorgenanten unsern hochgeborn uns suns ein swer und ein hantgeloben mit worten und urkunden haben und sweren und
verbinden uns mit disem kegenwertigen brief und geloben wir geswornen aide in guten trewen an alles geverde daz wir und die vorgenanten uns suns fridrich Balthasar ludwig Wilhelm und uns aller
erben und nachkomen der kunige zue Beheim Marggraven zue Meyssen in dem osterland und zue der lawssitz an allen zue erben und herrn des landes zue plessen in allen irn erben und nach
komen kunigen zue Beheim und der cronen do selbs Marggraven zue Merhern und Marggrafen zue der lawssitz stete helfer und furderer zue ewigen und getrewen die sie geruchet
haben oder noch erkrigen und gewynnen wie oder von welchen sachen die sie kegenwertigen behalten sullen und wellen fur und allermeniglich niemanden uzgenomen an den sie an greiffen
gehindert oder beschedigt wurden oder von sie angriffen hyndern oder beschedigen wolten in deheinerley weis dann als ob hulfe unsern enden do wir beste mugen
an geverde. Und des zue urkund und ewiger gedechtnisse haben wir fridrich der kunige zue Beheim Marggrafe zue Meyssen in dem osterland und zue der lawssitz zue erben und herre des
landes zue plessen und wir fridrich und Balthasar sine sune vorgenanten uns Ingesigel gehangen an disen brief. Und ob wir daz geten wir alle dri mit gesampter hant mit geswornen aide in guten
trewen an geverde an die vorgenanten hochgeborn ludwigen und Wilhelm uns suns und uns bruder so mundig werden daz zue irn tagen kumen daz sie alle dise vorgenanten verbuntnisse aide
und gelubde eroffnen sullen und ir Ingesigel ligen an disen brief. Were aber daz sie ein hindernisse oder ein abganch sachen twelcherley die weren an disen brief nicht quemen darumb sal diser gegen
wertige brief alle kraft haben und in allen den gelubden eiden verbuntnisse und swere bliben als ob der selben uns suns und bruder Ingesigel daran gehangen weren. Auch ist bi getrewen gedingt und geredt
daz alle verbuntnisse gelubde swere teyding und artickel die zwischen dem allerdurchleuchtigsten herrn dem Romischen kunige und kunige zue Beheim uns und uns erben bewisunt und bescheident
sint in allen iren kreften englichen sin und bliben sullen nach lenger lute die der selbe gnedige herre uns geben wir ab uns vorgenanten suns uns und irn erben ab uns von uns erben und
unsers erben wegen in unser und iren landen und herschaften gewaltig ist von dem vorgenanten unsern herrn herrn Karl Romischen kunigen und kunige zue Beheim uns erben oder unser erben uns hulfe ge
meint werden. Der Bullen wir hinnan fur teuschen die nach der meynunge aller schrifte ouch nach einander volgen und ergan in teutscher sprachen in aller mase als vor geschriben stet. Mit urkund gezeug
die edeln Bassa von Eygra herre zue pernow her ulrich von hasenburg des vorgenanten unsers herrn camermeister her Bousse von Wartenberg herre zue tetschen her Jesse von trawt herre
von Eygra des obristen her fridrich von schonenburg des truchsessen her Jeschke von kolditz und marschalk uns stifter von miltitz und hovenwart und hochs getrewen gar getrewe die
sind. War gegebn ist zue dresden nach gotes gepurd dreytzehen hundert Jar darnach in dem acht und fierzigsten Jar an sand thomas tag des heiligen zwelfpoten