W(ir) Burgermeyst(er) Radlute vnd dy gancze gemeynschaft all(er) vns(er) miteburger der stat czu dem Bunczlow Bekenn(en) vnd tun k(un)t offinlich mit disim brife allen den dy in sehin adir horin lesin Wen der hochgeborne furste vnd herre her Bolke herczoge von sles(ia)
herre czu furstinb(er)g czu der swydnycz vnd czu Jaw(er) vns(ir) lib(er) genedig(er) h(er)re mit wolbedachtim mute gutim willin vnd mit rate syn(er) getruw(in) mann(in) an gesehin hat dy besundirn fruntschaft vnd libe vnd ouch dy fruntliche truwe dy mite her dy all(er)durch
luchtigste furstin vnd frow(in) frow(in) Anna Rom(is)che kunigin czu allin czeitin mer(er)in des rich(is) vnd kunigin czu beheim etwen selig(er) gedechtnisse herczogin heynrichs vnsirs herrn synis brud(er) tocht(er) vnsir gnedigist(e) fraw(in) begriffin hat vnd von angeborm(er)
gut(er) truwe vnd libe hat ir der obgen(ante) vnsir fraw(in) vnd ir(er) lybis erbin by dis(er) geslechte sy dy mit dem all(er)durchluchtigist(in) furstin vnd herrn h(er)rn karl rom(is)chim kunige czu allin czeitin mer(er) des rich(is) vnd kunige czu beheim gewinnit alle syn(is) furstintu(m)b(is) her
czogetu(m)b vnd herschafte als der swidenicz vnd czu Jaw(er) mit allin andirn stetin vestyn vnd czugehorung(in) vorschrebin vnd vormacht in alle d(er) mase als in syn(is) furstlich(in) brif(is) do noch begriffin ist in semelich(in) worte W(ir) Bolke von gotis genadin herczog von sles(ia) her
re von furstinb(er)g czu der swydenicz vnd czu dem Jaw(er) bekenn(in) vnd tun k(un)t offinlich in disim brife allen den dy in sehin adir horin lesin das wir habin an gesehin dy sundirliche gnade vnd fruntliche gunst dy all(er)durchluchtigist(in) furst(in) vnd herrn h(er)rn karls rom(is)ch(is)
kunigis czu allin czeitin mer(er) des rich(is) vnd kunigis czu beheim vnsirs lib(in) gnedigin herrin dy her vns vnd vnsirm geslechte bewysit hat mit sonderlich(er) libe vnd ouch dy an eyme teyle vns der durluchtigist(in) furstin fraw(in) Anna der rom(is)ch(in) kunigin vnd kunigin
czu beheim vnsir libin frow(in) vnd mumin selig(er) herczogin heynrichs seligin vnsirs brud(er) tocht(er) an dem andirn vnd daru(m)be gebin mach(in) vnd vorschreib(in) w(ir) der obgen(antin) vnsir libin frow(in) vnd mumin als eyn(er) kunigin czu beheim vnd ir(is) libis erbin dy sy mit dem obgen(antin)
ir(im) herrin dem kunige habin word(in) vns(ir) herczogetu(m)b furstintu(m)b vnd herschaft der swydenicz vnd czu dem Jaw(er) mit den stetin landishut frymburg kymess(e) Jaw(er) lauban hirsteve bunczlow vnd golotyn mit den vestyn vnd merktin dorffin
lehin erbschaf(tin) den schonov kinsb(er)g gotsb(er)g vnd le(m)b(er)g mit allin den mann(in) manschaf(tin) lehin lenschaf(tin) vorlehnitu(m) gute gerichtin czollin m(un)czin czins(in) gulden czeys(in) waldin eck(er)n wis(in) pfu(n)din vnd gotis gabin waldin pusch(in) bergin thal(in) wass(er)n
wass(er)lo(u)ffin mulin wesh(in) weyden steyche volgilweyde rechtin nuczin geboth(in) vnd allin czugehorung(in) eyn man sy benennit mit ir(im) sund(er)lich(in) wort(in) n(ich)ts uszgenom(in) in alle der mase als wir is yczunt habin vnd her noch mit rechte czu vns brengin moch
tin insulchir bescheydinheyt dy das selbe das w(ir) von gotis vorhengnisse also vorscheidin das wir eliche lybis erbin mannis geslechte hindir vns nicht lasin das sy dy obgen(ante) vnsir genedige fraw(e) vnd libe mume vnd ir(e) lybis erbin sy sy mit vnsirm h(er)rn dem
kunige habin word(in) als do vor geschrebin stet sy selbin vns(ir) herczogetu(m)b furstintu(m)b vnd herschafte stete lant lute vnd alle andir czugehorunge als is vor begriffin ist erbin vnd besiczin sal genczlich vngehindirt vnd is mite tun vnd lasin noch ir(im) willekor als mit ir(im) rech
tin erbe vnschedelich doch der hochgeborn(in) furstin frow(in) Agnesin vnsir elich(in) wirtinne in ir(im) lybgedinge wen sy alle dy obgen(antin) furstintu(m)b lant vnd herschafte mit allin nuczin habin vnd besiczin sal nu(n) czu ir(in) lebtagin wer abir das wir mit gnadin gotis elich(e) lybis
erbin mannis geslechte gewunn(in) so sullin dy selbin vns(ir) erbin der obgen(antin) vns(ir) frow(in) vnd mumin adir ir(is) libis erbin ob sy nicht were czentusint schok grosir pfennige pragsch(er) m(un)cze mit gereytim gelde lenczlich(in) vnd beczalin adir dy vestin lauban vnd buncz
low mit vmbilse vestin rechtin nuczin vnd czugehorunge czu rechte(m) pfande seczin als lange vntz das sy dy obgen(antin) czentusint schok genczlich bereythin vnd beczalin vnd do mite sullin sen dy selbin vns(ir) erbin by den obgen(antin) vns(ir) furstintu(m)b herschafte vnd lan
din vngehindirt blybin wer ouch das wir eliche lybis erbin mannis geslechte nicht hettin vnd doch tocht(er) liesin so sullin dy obgen(antin) vnsir libe genedige fraw(e) adir ir(e) lybis erbin dy sy mit vns(ir) herrin dem kunige gewinnit yelich(er) vns(ir) tocht(er) czentusint schok gro
sir pfennige gebin vns czu bestatin noch rechtin gewonheyt als geborn furstin kindir Ouch habin wir globit vnd getedugit sy da is das dy obgen(ante) vnsir eliche wirtinne vnsirn tot gelebete das sy den noch der czeit vnsirs todis keynin burgreve pfleger adir a(m)p
man vf vestin husirn in stetin adir in landin vorseczin andirs adir wechsiln sal is sy den das sy eynin bidirman der do glich gut vnd getruwe sy dem erstin an syne stat secze an dem der obgen(ante) vns(ir) fraw(in) adir ir(in) erbin mogin billich(in) genugin vnd das der
selbe eyn vor sich allin globde eyde vnd truw(in) vorbindin habe der obgenant(in) vns(ir) fraw(in) der kuniginne adir ir(in) erbin glich eynin vorfarn an des stat he geseczt word(in) were ouch das dy obgen(ante) vns(ir) genedige fraw(e) vnd libe mume sturb(e) e das obgen(ante) anevall
he is wan sy is gelbet kome also sturbe das sy lybis erbin mit dem obgen(antin) vnsirm herrn nicht gelasin so sullin alle man ritt(er) knechte burger burgman(in) vnd alle lantsessin alle der obgen(antin) eyde vnd globde ledig syn doch in sulchir bescheydinheyt das dem obgen(antin) vns(ir)
herrin dem kunige adir synin erbin das obgen(ante) cgelt vnd heymstur(e) der obgen(antin) czentusint schok gefallin sal adir mit pfandin gesichirt werde in alle der mase als do vor begriffin ist das sy do mite tun vnd lasin noch ir(im) willekor vnd das gebin w(ir) en czu wellin
were ouch das dy obgen(ante) vns(ir) fraw(e) vnd mume den obgen(antin) vns(ir) herrin den kunig obir lebete vnd eynin andirn man neme ane vnsirn dank vnd willin so sullin beyde sy der man vnd alle kint dy sy mit im gewunne in dem obgen(antin) vns(ir) furstintu(m)b vnd herschaf(tin) nichtis
habin Ouch ist geredit vnd getedingit das dy obgen(ante) vns(ir) fraw(e) dy kunigin vnd lybe mume noch ymand von ir(in) wegin vns adir vnsirn erbin mannis geslechte vmb keyn(er)leye erbeteyl adir vmb keyne andir sache anredin adir anford(er)in sullin andirs den is do vor geschre
bin ist Ouch meynin vnd wellin w(ir) das vns(ir) stete das vns(ir) fraw(e) adir ir(e) erbin vns(ir) genant(in) mume eyme eyd(e) adir andir(er) geschede vnsir adir vnsir(er) mann(in) ere lip adir lasin das w(ir) den der selbin vns(ir) fraw(in) lant vnd lute getald(in) sy in tun vnd lasin doch in gutin
truw(in) vns an alle geuerde dornoch sint dem male das vns der obgen(ante) vnsir herre mit sulch(in) syn(in) gnadin g(un)stlich(in) vnd fruntlich(in) beang(in) hat so globin vnd wellin w(ir) im mit gutin truw(in) an geuerde bystand(in) vnd beholfin syn wid(er) allir menlich nymant vs czu nem(in)
vnd in nymm(er) wid(er) wegin czu lasin mit libe noch mit gute vnd alle syne vinde sullin vns(ir) vinde syn vnd meynin vnd wellin ouch keyne syne widirsache adir vinde cristin adir heydin in vns(ir) landin husin houen haldin adir vortedung(in) sy wid(er) das recht vns
vnd nicht recht tun wollin sy gunt w(ir) im vnd synin a(m)ptlutin das sy dy selbin angryfin vnd verhertigin sullin vnd mogin wo sy dy bekomen in alle vns(ir) herschaf(tin) vnd landin in(n)e wend(in) dis brifis besigilt mit vnsirm grosin ingesigil der gegebin ist czu der
swydenicz nach cristis geburt dryczenhundirt iar in dem dry vnd funfczigist(in) iare an der nehstin metewoch(in) noch sente petirs vnd paulis tak der heyligin cwelffbotin Do von vns(ir) sunderlich gebet des abgenant(in) furstin vnd herrin herczog bolkin vnsirs libin
genedigin herrin d(er) vns das gebotin vnd geheysin hat mit leb(in)dir stymme vnd in offinbar(er) kegenwartikeyt syn(er) edelin getruw(in) mann(in) so habin w(ir) mit wolbedachtim mute mit worte g(un)st wissin vnd willin der ganczin gemeynschaft all(er) vns(ir) miteburger der
obgen(antin) all(er)durchluchtigist(in) furstinne d(er) rom(is)ch(in) kuniginne vnd kunige czu beheim fraw(in) ann(in) vns(ir) genedigin fraw(in) vnd ir(is) lybis erbin dy sy mit dem obgen(antin) furstin vnd herrn kunig karl ir(im) elich(in) wirte gewinne gehuldet vnd globit vnd gesworn
huldin globin vnd swern das w(ir) is wen is czu sulchin sachin ku(m)pt als do vor geschribin stet vns vndirtan(in) syn wollin vnd sullin als vnsir naturliche vnd angeborm(e) herschaf in allin den punctin meynung(in) vnd artickiln vnd in all(er) mase als dy obgen(ante) vns(ir)
herrin herczogin bolk in disim sprechin vsgenom(in) doch den artickil der czu lenczin in den selbin brifin stet vm dy hulfe dy beyde der obgen(ante) kunig karl vnd ouch vns(ir) herre herczoge bolke eynandir tun vnd leystin sullin wen vns dy selbin globde nicht an
gen vnd czu den andirn vns(ir) sachin doruf w(ir) gehuldet vnd gesworn habin nicht gehort in vrk(un)de dis brifis der besigilt ist mit vns(ir) stat ingesigil der do gegebin ist czu der swydenicz noch cristis geburt dryczenhundirt jar czu noch in dem dry vnd funf
czigist(in) jare des nehstin dinstagis noch sente petir vnd paulis tak der heyligin cwelffbotin