Wir Ruprecht der elder von gots gnaden pfallenzgraf bei Reyn des heiligen Reichs oberster Truchsezze vnd herzog in Beyrn Entbieten allen Jren freyen mannen dienstleuten Rittern vnd knechten
Eigenleuten Burgern vnd gemeinschefften der Stete Schultheizen gebewren vnd allen Emsessen geistlichen vnd werntlichen Jnnem vnd fewssen die in den landen Eweigen vnd darumb
beiden der nachgeschribn vesten Steten vnd merkten gesessen sind oder darinne lehengute oder erbe besizzen vnser gnedlichen hulde Wanne wir mit wolbedachtem mute mit Rat vn
sern freunde vnd mit vestem wizzen dem allerdurchleuchtigsten fursten vnd herren hrn karl Romischem kunig zu alln zeiten merer des Reichs vnd kunig zu Beheim vnserm liebn gnedigem h(er)r(e)n
vnd seinen erbn vnd nachkomen kungen zu Beheim vnd der kronen des selbn kunigreichs erblichen vnd ewiclich vmb zwaintusent marg lotigs silbers damit er den hochgeborn fursten
hrn Ruprecht den Jungen vnsers bruders sun auz seinem vntuchnuzze von schussen gelediget vnd geloset hat die nachgeschribn vesten Newnstat Grawenstam hirschaw vnd liechtenstain vnd dar
nach vmb zweinzig tausent marg lotigs silbers die er auf seligs gedechtnuzze dem hochgebornen fursten hrn Rudolffen ettwenn pfallenzgrafen bei Reyn vnd herzogen in Beyrn vnserm liebn
bruder vns wizzenliche gewendet vnd im gelihen hat die nachgeschribn vesten Stete vnd markte Sulzbach Rosenberg hertenstain Nydstain Swirendorf hiltpoltstain hohenstain liechteneck
franckenegk lauffen esschenbach herspruck Aurbach Pegniz velden vnd Saz plech vnd alles daz vnser bruder der egn zu Beyrn inne gehabt vnd besizzen hat mit alln dorffn lewten herschaf
ten guten gewissen wunnen holtz geleytten haisten wisbennen gulten zinsen Nuzen velln welden Buschen geiagen vogtweydn wassern waidn wegn gulen wazzerleuffen Teychen visch
ey Bergen grunden Slichten gemercken freyden weichbildn vnd alln anigen ob vnd vnder der erdn wie man die benennen mag vnd auch mit Jren knechten mannen manschefften
lehen lehenschefften valschenten guten kirchlehen vnd gotsgawen Eyden Eigenlewten pfantschefften von dem Reiche oder sust von iemant ands vnd alln zugehorungen ebe vnd ege
als ez gelegen ist pfantschafft fur pfantschafft Recht vnd Redlichen verkaufft haben in aller der mazze als sie der obgn vnser brud(er) selig(er) inne gehabt hat vnd besazzen hat
vnd als sie von seinem tode auf vns erblichen verualln waren vnd habn vns dzigen fur vns vnser erbn vnd nachkomen ewiclichen alles rechten anspruch vnd anredung
die wir zu den obgn vesten Steten merkten vnd alln zugehorungen als sie dauor begriffen sind behabt habn haben oder gehabn mochten in dheinerweis vnd haben vns auch d(er)
zigen aller hilffe gaistliches vnd werntliches rechten vnd aller geseze keyserlicher vnd babstlicher buch der lande gewonheit vnd aller vbunge vnd behaltnuzze damit diser kauf
nihtte in dheineweis gehindert werdn vnd meynen daz wir vnser erbn vnd nachkomen vns damit nimm(er) in dheinen zeiten mit dem Rechten oder mit der tat mit worten oder
werken behelffen sullen oder wolln Auch habn wir gelobt mit guten trewn on geuarde fur vns vnser erbn vnd nachkomen dem obgn vnserm herren dem kunige seinen erbn vnd
nachkomen kungen zu Beheim daz wir in vnd der kronen des selbn kunigreichs alle die obgn vesten Stete merkte vnd zugehoringe als sie dauor begriffen sind schirmen vnd
entweren sulln vnd wollen bey namen fur vnser vettern keyser ludoweigs seligen kinden herzog Ruprecht den Jungen vnsers bruders sun den obgn vnd fur allermenglich
vnd fur aller anspruch eines ietlichn wie der genennet sei als in den landen recht vnd gewonlich ist Darumb mit wolbedachtem mut vnbezwungen vnd mit freyer wil
lekur sagen wir euch allesampt vnd ietlichen besunder ledig vnd los aller huldunge trewn gelubde vnd eyde damit ir vns vnsern erbn vnd nachkomen als pfallenzgra
ben Reyn vnd herzogen in Beyrn vnd der obgn lande chusn ebn von todes wegen vnsers bruder seligen oder sust in dheineweis vbunden gewesen seit oder gesem mochtet vnd
weisan euch an den obgn vnsern gnedigen h(er)r(e)n den Romischen kunig vnd kunig zu Beheim sein erbn vnd nachkomen kunig zu Beheim vnd an die kron des selbn kunigreichs vnd
wolln vnd gebiten euch allesampt vnd ietlichen besunder daz ir allesampt vnd ietlicher besunder zusamt vnuzogenlichen vnd on alles hindernuzze von ewren ewr erbn vnd nach
komen wegen ewiclichen dem vorgn vnserm h(er)r(e)n dem Romischen kunig als einem kunge zu Beheim seinen erbn vnd nachkomen kungen zu Beheim vnd der kronen des selbn kunig
reichs gancz trew gehorsam vnd vleizzig vndertanikeit geloben hulden vnd sweren sullet als ewrem rechten erbeherren vnd in die selbn leysten vnd uollefuren ewiclich als ir
ewrer erblichen herschafft zuvecht pflichtige seit Daruber zu grozzer ewr sicherheit gelobn wir euch mit guten trewn an geuarde daz wir euch allesampt vnd ietlichen besunder
wann wir des ermant werdn aller huldunge trewn vnd eyde damit ir vns in dheineweis vbunden gewesen seit oder gesem mochtet ledig vnd los sagen vnd lazen wolln innt vnd
selles munde vnd euch an den vorgn vnserm h(er)r(e)n den Romischen kunig vnd kunig zu Beheim sein erbn vnd nachkomen kunig zu Beheim vnd an die kronen des selbn kunigreichs
vnuzogenlichen weisen Mit vrkund diz briues v(er)sigelt mit vnserm Jnsigel der gebn ist zu hagenow nach christs geburt dreuzehenhundert vnd in dem dreivndfunfzig
stem Jar des nechsten dinstags vor aller heiligen tag