Wir Gerlach von gots gnaden Erczbischof zu meincz des heiligen Romischen Riches Erczkanczler in dutschen landen Bekennen und tun kunt offenlich mit disem briue allen den die in sehen oder horen lesen Wann
frid und gemach an der fursten hilfe nicht besteen mag und also uil dest mynn frides und ouch genaden ist so die hochgeborne fursten des heiligen Riches und bnamen die an den die kur und macht leit
ein houbt ze kiesen der cristenheit in iren herschaften irren und rechten gehindert und gesummet werden dauon ist notdurftig zetroste und ze gnaden der gemeine cristenheit daz man den fursten ire
recht an alles mynnunge in som genge behalte dauon wie wol daz sey das umb die recht des durchluchtige fursten und herren des hochgeborn kungs ze Beheim unsirs mitkurfursten keynerlei zwi
uel nye gewesen sey und ouch noch nicht sey noch gesin muge in dheinem wege Wann er von seinen vrenen elnen vetern und vordern glich uns und allen andern sin mitkurfursten geistlichen und wer
ltlichen in der wale und kure eins Romischen kuniges eins kunftigen keisers vollen kummne recht gehabe hat und ouch noch hat als dieselben ding wol luterlichen lantkundige und offenbar seind
von sulchen alten langen ziten die bei der lute gedenktnuzze ignit nicht gesein mugen durch langes alters willen doch sintdemal daz etliche kint der unsinnige die mit blinden ougen von d got
lichen warheit also geirret seind daz sie in der clarheit des anetages tappen glich als in den nechten und betrubnuzze und stricke machen der ungerechtikeit und ouch der sunden von rate tuuelischs
neydes und mugen die burde der warheit nicht getragen durch den last ir lugen und domit so vallen sie in die betrupnuzze die sie gemachet hatten und verweuen sich in die stricke ir ungerichte
meynugen also daz sie daz lieht ein vinstnuzze und daz vinstnuzze ein lieht entschaiden so meinen wir durch mer sicherheit und uf die rede daz d egen durchluchtige furste und herre der kung ze
Beheim sein erben und nachkomen kunige ze Beheim ewiclichen mit sicherheit bewart warden und das ouch absey alles zwiuels angenunge und daz mugigen claffern wege ir bosheit und lugen
nicht gelazen werden und dauon mit wolbedachtem mute nicht von irrefal oder unbedechtlichen sund von rechter underwisung die wir warhafticlichen wol erfinden haben mit sampt allen andern
unsir mitkurfursten geistlichen und werltlichen so erkennen wir uns und sprechen mit recht wizzen und kundigen daz offenbar allirmenglichen daz die durchluchtigen fursten die hochgeborn kunige
zu Beheim von iren vrenen elnen vetern eltern und vordern von sulcher lang zit der gedenknuzze bei den luten ignit nicht gesein mag durch langes alters willen allewege gehabe haben und
noch habn und ouch steticlichen haben sullen vollnkumliche recht und ouch stimme genczlich glich uns und andern unsir mitkurfursten geistlichen und werltlichen in der wal und kure eins Romischen
kunigs eins kunftigen keisers also wenn und als offte es zu sulchen schulden kumpt das man kiesen sol daz man denne den durchluchtigen fursten den hochgeborn herren den kunig ze Beheim
der massen winder zu derselben kure erberlichen rufen sol und der sol denne in der kure und wal als dauor begriffen ist alle seine recht stat und stimme und alle andire ding die dorzu ge
horen genczlichen haben und sich der frewen und geniezen od von seinen wegen seine boten die er dorzu sendet glich uns und allen andern unsir mitkurfursten geistlichen und werltlichen di nu
sind od in kunftigen ziten werden mit allen wirden und eren als durch recht und gewonheit des heiligen Riches sulche recht stimme und kure besessen haben in longangne ziten Ouch sprechn
bekenne und kundigen wir mit recht wizzen als dauor begriffen ist daz der egen durchluchtige furste der hochgeborne herre der kunig ze Beheim der meiste oder in guten wirdet des heilige R
omischen Riches obrist schenke ist und daz er das obriste schenkampt fur eynem keiser oder fur eynem Romischen kunige in erberigen hofen in kuniglich crone nicht schuldig ist ze thun es sey
denne daz er dazselbe tun wolle mit seinem guten willen doch mag derselbe kunig ze Beheim in gegenwrtikeit der keyser und der Romischen kunige in sulchen erberigen hofen geacrot siczen
steen und geen nach sein willekur als diselben sachen von hochgeborne kunigen ze Beheim und von iren eltn und vordern mit loblicher gewonheit von alter her kumen ist zur urkund dis
briues versigilt mit unsim Ingsigel der geben ist zu metze nach cristus geburte dreiczenhundert Jare dornoch in dem sechshundfunfzigsten Jare des nechsten sunntags vor sant lucen tag der
heiligen Juncfrowen