Wir Rudolf von gots gnaden herczog ze Sachſen des heiligen Romiſchen Reichs obriſter marſchalk Bekennen vnd tun kunt offenlichen mit
diſem briue allen den die in ſehen oder horen leſen Wann frid vnd gemach an der furſten hulfe nicht beſten mag vnd alſouil deſte mynner
frides vnd ouch gnaden iſt ſo die hochgebornen furſten des hailigen Reichs vnd beynämen die an den die kur vnd die macht liget am houbt
der criſtenheit zu kieſen in iren herſcheften eren vnd rechten gehindert vnd geſaumet werden Dauon iſt notdurftig zu troſte frid zu gnädn
der gemeinen criſtenheit daz man den furſten ire recht an alles mynnernuzze in ſeyn genge behalde dauon wie wol daz ſei daz vmb die recht
des durchleuchtigen furſten vnd herren des hochgebornen kuniges ze Beheim vnſers mitkurfurſten keynerlei zweifel nye geweſen ſei vnd
ouch noch nicht ſei noch geſein muge in dheinen weis wann er von ſeinen vrenen enen vetern vnd vorfarn geleich vns vnd allen andrn vnſrn mitkur
furſten Geiſtlichen vnd werltlichn in der wale vnd kure eins Romiſchen kuniges aines kunftigen keyſers vollenkomenes recht gehabt hat vnd
ouch noch hat als dieſelben ding wol luterlichen lantkundig vnd offenbar ſint von ſulchen alten langen zeiten die bei der lute gedechtnuzz iczunt
nicht geſein mugen durch langes alters willen doch ſint demal daz egliche kinder der vinſternizze die mit blinden ougn von der gotlichen war
heit alſo geirret ſeint daz ſie in der clarheit des mittages taſten glich als in den nachten vnd betrubnizze vnd ſtricke machen der vn
gerechtikeit vnd ouch der ſunden von rate tufeliſches neides vnd mugen die blicke der warheit nicht getragen durch den laſt irer lugen
vnd domit ſo vallen ſie in die betrubnizze die ſie gemachet hatten vnd vnewen ſich in die ſtricke ir vngerechten meynung alſo daz ſie
daz liecht an vinſternizze vnd daz vinſternizze an liecht entſchaiden ſo meinen wir durch mer ſicherheit vnd vf die rede daz der egen
durchlauchtig furſte vnd hre der kunig zu Beheim ſein Erbn vnd nachkomen kunige ze Beheim entlichen mit ſicherheit gewaret
werden vnd daz ouch abe ſey alles zweiuels engerung vnd daz munge claſſern wege ir boſheit vnd lugen nicht gelaʒen wrden Vnd da
uon mit wolbedachtem mute nicht von vreſal oder vnbedechtichait ſunder von rechter vnderweiſung die wir warhaftiglichn wol er
funden habn mitſampt allen andrn vnſrn antkurfurſten Geiſtlichen vnd werltlichen ſo erkennen wir vns vnd ſprechen mit rechter
wiʒʒen vnd kundigen daz offenbar allermenglichen daz die durchleuchtigen furſten die hochgeborn kunige von Beheim von iren vrene
Enen vetern Eltern vnd vorfarn von ſulcher langer zeit der gedechtnizze bei den leuten iczunt nicht geſein mag durch langes alters
willen allaweg gehabt habn vnd noch habn vnd ouch peticlichen haben ſullen vollenkumenliches recht vnd ouch ſtyme genczlich glich
vns vnd andrn vnſrn antkurfurſten Geiſtlichen vnd werltlichen in der wale vnd kure eins Romiſchen kuniges aines kunftigen
keyſers alſo wenn vnd als ofte ez zu ſulichn ſchulden kumet daz man kieſen ſol daz man denn den durchleuchtigen furſten den hochgebor
nen hren den kunig ze Beheim der in zeiten wirdet zu derſelben kure erberlichen ruffen ſol vnd der ſol denne in der kure vnd wal
als davor begriffen iſt alle ſeine recht ſtat vnd ſtyme vnd alle ander ding die dar zu gehoren genczlichen haben vnd ſich der frowen vnd
genieʒen oder von ſeinen wegen ſeine boten die er dar zu ſendet gleich vns vnd allen andrn vnſrn antkurfurſten Geiſtlichen vnd werlt
lichen die nu ſint oder in kunftigen zeiten werdent mit allen wirden vnd eren als durch recht vnd gewonheit des heiligen Reichs
ſulche recht ſtyme vnd kure beſeʒʒen habn in vorgangenen zeiten Ouch ſprechen bekennen vnd kundigen wir mit rechter wiʒʒen
als davor begriffen iſt daz der egen durchlauchtige furſte der hochgeborn herre der kunig zu Beheim der nu iſt oder in zeite wirdet
des heiligen Romiſchen Reichs obriſter ſchenk iſt vnd daz er daz obriſte aſchenkempt fur einem keyſer oder fur einem Romiſche kunige
in erberigen hofen in kuniglicher crone nicht ſchuldig iſt zu vben ez ſei dann daz er daʒſelbe tun welle mit ſeinem guten willen
Doch mag derſelbe kunig ze Beheim in gegenwertikeit der keyſer vnd der Romiſchen kunige in ſulichen erberigen hofen gecronet ſize
ſtan vnd gen nach ſeiner willekur als dieſelbn ſachen von hochgebornen kunigen von Beheim vnd von iren eltern vnd vorfarn mit
loblicher gewonheit von alter her komen iſt Mit vrkund diʒ briues verſigelt mit vnſerm Inſigel Der Gebn iſt zu mecz nach
criſtes geburt dreuzehn hundert Jar vnd dar nach in dem Sechs vnd funfzigiſtem Jar an dem nehſten Erichtag vor ſant Lucian tag :