Wir Rudolf von gots gnaden hertzog zu Sachssen des heiligen Romischen Riches obrister Marschalk bekennen vnd tun
kunt offinlich mit disem briefe allen den die in sehen odir horen lesen daz vns kuntlich vnd wissentlich ist daz der hoch
geborn furste her Ruprecht der elter pfaltzgraff bij Rem des heiligen Riches obrister drossess vnd hertzog in Beyern
vnsir lieber oheim dem allirdurchluchtigistem fursten vnd herre(n) h(er)rn Karl Romischem keiser zu allen zeiten merer des Riches
vnd kunige zu Beheim vnsirm lieben gnedigen h(er)ren sulche briefe versigilt gegebn hat als von wort zu wort hernach
ist geschriben Wir Ruprecht der elter von gots gnaden pfaltzgraff bij Rme des heiligen Romischen Riches obrister
drossesse vnd hertzog in Beiern bekenne(n) vnd tun kunt offinlich mit disem briefe allen den die in sehent odir horent
lesen daz vns kuntlich vnd wissentlich ist vnd dazselbe vnsir eltirn vnd vordirn hertzogen zu Beyern an vns vnd selig(er)
gedechtnisse den hochgeborn hertzog Rudolf vnsirn bruder herbracht haben daz die vesten vnd merckte der hoenstein hers
prucke vnd Erbach die von vnsirs brudirs hertzog Rudolfes des vorgen(anten) tode vff vns verfallen waren vnd die wir dem alli(r)
durchluchtigistem fursten vnd h(er)ren h(er)rn Karl Romischem keiser zu allen zeiten merer des Riches vnd kunig zu Beheim vn
sirm liebn gnedigen herren als einem kunig zu Beheim vnd der cronen desselbn kunigrichs zu Beheim recht vnd redlich
verkaufft haben von niemand andirs ruren danne von dem heiligen Romischen Riche vnd wir vnsir eltirn vnd bruder ez
von niemand andirs gehabet haben nur von dem heiligen Riche als davor begriffen ist anr vrkunde ditz briefes vsiegelt
mit vnsirm Jnsiegel Geben zu heidilberg nach cristus geburt drutzehen hundirt Jare dornach in dem achten vnd funft
zigistem Jare am nechsten dornstage nach der heiligen tzwolfbotten sant petirs vnd sant pauls tage Vnd des zu vrkund
vnd daz vns die vorgen(anten) sachen in der meining als sie geschribn sin wol kuntlich vnd wissentlich sein so haben wir vnsir
Jnsiegil an diesen brieff tun henken der geben ist zu Nurenberg nach cristus geburt drutzehenhundirt Jar dornach in dem
achte vnd funfzigistem Jar an der heiligen sant Marien Magdalenen tag