Wir Hemrich Reuzze von Plawen Jechen offenlich vnd tůn kůnt allen den die disen brief sehent oder horent lesen
Daz wir mit wolbedachtem müt vnd mit Rat vnser freunt vnd manne vnser Haus vnd Burg genant der Steyn
gelegen zwo meil von Aldemburg der Stat mit allen zugehorungen Rechten Herrschaften vnd nuczen empfangen
haben zu einem rechten lehen vnd manschaften von dem Erwirdigen H(er)ren vnd fursten h(er)rn Dytrchen Byschof
ze Mynden des obristen Anewalten vnd Amptman des aller durchleuchtigisten Herren h(er)rn Karls des Romischen
keysers vnd künig ze Beheim zu der hant vnd wegen desselbn künigs zu Beheim vnd der kron daselbest vnd
habn gelobt vnd gesworn demselbn Byschof ze Mynden zehant vnd wegen des küniges ze Beheim fur vns vnser
Erben vnd nachkomen desselbn küniges vnd künigrichs ze Beheim von demselbn haus vnd gut rechte Erblehn
man sullen sein vnd in getwe holt vnd gewer dauon sullen sein vnd gen in tůn vnd awarten als ein lehn man
gen seinem rechten H(er)ren zu recht tůn sol Wer ouch daz wir vns mit vns(er)n vnd von vns(er)n gebrud(er)n teilten wenn
daz geschehe so geloben wir mit guten twen an alle argelist vnd geuerd daz dasselbe haus zu dem Steyne
mit allen seinen zugehorungen beleibn sol ewichlichen in lehenschaft vnd manschaft bei dem künigrich vnd
bei guten twen an alles geuerd als schier vnser Herre der keyser vnd künig ze Beheim wider gen Prag kůmet
vnd als vns daz ze wizzen wirt daz wir danne darnach in den vierzehen tagen mit vnser selbes leib gen
Prag komen wollen vnd sullen vnd daz vorgen haus zu dem Steyne vnd waz darzu gehoret als vorgeschri
ben ist von vns(er)m vorgen H(er)ren dem keyser als von eime künig ze Beheim vnd der kron daselbest ze Beheim
ze rechtem lehen vnd manschaft empfahen Wer ouch daz wir abe gingen daz got nicht engeb e wir mit vns(er)r
p(er)sone die egen lehn von vns(er)m vorgen H(er)ren dem keyser als von einem künig ze Beheim nicht empfiengen
so sullen doch dieselben lehen kraft vnd macht habn als ob wir dieselbn empfangen hetten gegenwerticlich
von vns(er)m egen H(er)ren dem künig vnd der kron ze Beheim Ouch geloben wir in guten twen an eydes stat
an alles geuerd daz wir gegen den gegenwertigen briefen vnd lehen die wir getan habn in dheinleyweis
wider komen sullen mit worten oder mit werken vnd ewichlich von vns vnd vns(er)n nachkomen gancz vnd
stet vnd vnubrochn beleiben sullen Vnd des zu vrkund geben wir disen brief versigelt mit vns(er)m anhangen
dem Insigel Der geben ist zu Prag do man zalt von Cristes geburt Dreuczehenhundert Jar darnach in dem
Acht vnd fůnfcigistem Jar an sant Clementen tag