Wir Johanne vnd Gunth(e)r gebrud(e)r Grafen von Swarczburg bekennen vnd tun kunt offenlich
mit disem brife allen den die yn sehent od(e)r horent lesen das der Alludurchleuchtigst furste vnd
h(er)re her Karl Romisch(er) keis(er) zu allen zeiten mer(er) des Reichs vnd kunig zu Beheim vns(er) lieb(er) gne
dig(er) herre vns von besund(e)r gnaden zu gebn gelobt hat vnd gebn wil zwaehundirt schok be
hemisch(er) grozz(en) an zu hebn zu zelhen von sant M(er)tins tag der nu nehest kumpftig ist vnd
dornoch vff sant M(er)tins tag der denn schiriste kumpftig wirdet dorumb sein wir seine
burgmann worden vff seinem hause zu Sparremb(er)g vnd geloben vnd sweren in guten
trew(en) an geu(er)de ym seinen Erben vnd nachkomen kunigen zu Beheim getrew gehorsam
vnd vnd(er)tenig zu seyn als vns(er) rechte erplichen herschafft vnd als rechte erpliche man
zu tun pflichtig sint iren rechten erplichen herren an allen steten ir bestes zu w(er)ben
vnd seinen schaden zu wenden Mit urkund dicz brifes uersigilt mit vns(er) uorgen(anten) beid(e)r
anhangenden Jnsigel Gebn zu prage nach crists geburte dreytzehenhund(e)rt Jar vnd
in dem Neun vnd funfzigsten Jare an dem nehesten sunabend fur sant M(er)tins tage