Wir karl von gots gnaden Römischir keisir zu allen zeiten merer des Reichs vnd kü
nig zu Beheim bekenn vnd tun kunt offenlich mit disem briefe allen den die in sehent
odir hörent lesen daz wir den hochgeborn Ludweigen dem Römer Marggrafen zu Brande
burg des heiligen Römisch(e)n Reichs obristen Cam(er)er Pfallentzgraven by Ryne vnd hertzogen
in Beyrn vnd Marggrafen Otten seinem bruder vnsern liebn öheim vnd fürsten iren Erben
vnd nachkomen Marggrafen zu Brandemburg vnd zu Lusitz gelobt habn vnd gelobn auch
für vns vnsir Erben vnd nachkomen künige zu Beheim daz wir in iren landen vnd h(er)schaf
ten wo sie die habent vnd der sie in gew(er) seint dhein vesten stat odir gut kauffen noch dhei
nen man der in iren landen gesezzen sey zu diener emphahn wellen odir sullen Ez w(er)e denne
daz sie vns des mit gutem willen günnen wolten vnd dasselbe sullen die egenanten vns(er) oheim
ire Erben vnd nachkomen gen vns vns(er)n Erbn vnd nachkomen künign zu Beheim zutun phlich
tig sein gleichirweis als vor begriffen ist Mit urkunde ditz briefes versigelt mit vns(er)m keisirlich
im Ingsiegel der gebn ist zu Prage nach Cristes geburde dreizenhundirt iar darnach in dem
sechtzigistem iare an dem nahsten freitage vor vns(er) frawen tag zu der liechtmezze vns(er) Rei
che in dem vierzenden vnd des keisirtums in dem funften Jare