Wir Joh(an)s Lantsch(re)ib(er) zu dem Lwemb(er)g bekenn(en) und tůn kunt offenlich(e)n mit disem b(ri)ef allen den die in sehent od(er) ho(e)rent
lesen Daz wir durch fleizzig bet des edeln uns(er)s lieb(e)n o(e)heims f(ri)ed(er)ichs burgg(ra)fen zu Nůrn(n)b(er)g Und auch mit gůt
gewizzen r(a)t und vorbedachting geheizz(e)n und gelobt habn bey uns(er)m t(re)wn an eydes stat Daz der obgen(ant) uns(er) lieb(er)
o(e)heim abgieng und nicht mer sein so(e)lt des got lang nicht geb ee daz die hewratsschaft mit w(er)ken volfůrt w(ur)de die der
aller durchleuchtigist fůrst h(er)r Karl Romisch(er) keys(er) zu alln czeiten mer(er) des reichs un(d) kůnig zu Beheim uns(er) gnedig(er) h(er)re
gemacht un(d) gestift hat mit der elichen hewratsschaft vo(n) seiner kint wegen des hochgeborn(e)n h(er)rn Wenczlawen uns(er)s lieb(e)n h(er)rn den
er gelobt hat zu gebn zu ein(e)r elichen mahel der edeln elspeten des vorgen(anten) uns(er)s o(e)heim f(ri)ed(er)ichs burgg(ra)fen zu Nůrn(n)b(er)g tocht
ter Und die selbn sein tocht(er) uns(er)s h(er)rn dem iungen h(er)rn Wenczlawen zu geb(e)n in wenczczehen iar(e)n die nehist nach
einand(er) kume(n) So suln und welln auch wir bey dem obgen(anten) uns(er)m eyde getrewlich(e)n on geu(er)de nach aller uns(er)r macht als vil
wir v(er)můgen alles daz genczlich(e)n und unv(er)czogenlich(e)n enden und volfůren daz der vorgenant uns(er) o(e)heim gelobt und geheizz(e)n hat
in de(n) obgesch(ri)b(e)n sach(e)n in aller der weise und form sam die b(ri)ef sagen die der selb uns(er) o(e)heim darub gebn hat on geu(er)de Und
suln auch wir die vorgenante uns(er)s o(e)heims tocht(er) f(ri)ed(er)ichs burgg(ra)fen weisen und ernstlich(e)n darczu haltn als vil wir v(er)můgen nach
aller uns(er)r macht on geu(er)de daz sie die obgesetczt hewratsschaft mit ir(e)m ende halt und volfůre als uns(er) egend(er) o(e)heim ir va
ter die hat gemacht und als auch die b(ri)ef lůten und sprech(e)n die er darub geben hat W(er)e auch daz die vorgenant elspet ab
ging des got nicht enwelle ee daz die lobgesaczt hewratsschaft volzogen und volfůrt w(ur)de Und unser obgenant(er) o(e)heim von
got(es) f(ri)ed(er)ich ein ander tocht(er) od(er) mer gewin und het So suln und welln wir bey dem obgen(anten) eyde die vorgesaczt hewratsschaft
mit der eltesten sein(er) tocht(er) enden und volfůren in den czeilen und in aller der weyse als vorgesaczt ist und mit mahte
als die b(ri)ef sprech(e)n und lůten die der oftgenant unser lieb(er) o(e)heim f(ri)ed(er)ich burgg(ra)f darub hat gegebn als vil
wir v(er)můgen nach aller uns(er)r macht an alles geu(er)de Zu urk(un)d dicz b(ri)efes v(er)sigelt mit uns(er)m anhangende(n)
Insigel Der gebn ist zu prage Do man czalt von k(ri)stus gebůrt dreuczehenhund(er)t iar und in dem ein un(d)
sechczigistem iare an dem acht(e)n tag des halign leichnams uns(er)s h(er)rn