Wir Carl von gots gnaden Römischer kays(er) ze allen zeiten merer des Reichs Wir Wenczla auch von gots gnaden künig ze Beheim vnd marggraf ze Brandenburg des vorgenanten vns(er)s libn h(er)rn vnd vatters kays(er) Carls sun vnd wir Johans von den
selbn gots gnaden margraf ze mähr(e)n desselbn vns(er)s h(er)rn des kays(er)s brüder an ainn tail Vnd wir Rudolf Albr(echt) vnd Lüpold gebrüder von gots gnaden h(er)czogen ze ost(er)r(eich) ze steyr vnd ze k(er)ndten h(er)rn ze krain vf d(er) windisch(e)n march vnd ze
portenaw grafen ze habspurg ze tyrol ze pfirt vnd ze kyburg margrafen ze bürgow vnd lantgrafen in elsass seind wir margret von ost(er)r(eich) vorgenanten h(er)czogn swest(er) weilent margräfinn ze brandnburg h(er)czoginn ze bayrn vnd grefinn ze
tyrol an dem and(er)n tail Bekennen bekennen vnd tun kunt von baidn tailn offenlich mit disem brief alln den die in sehn hörn od(er) lesn vn(d) sünd(er)lich ewiglich Das dem nach daz vns(er) ordnung vnd geselschaft des almechtign gots wir baidenthalbn
durch einand(er) von natur vnd d(er) gesipt wegen des geslechts sipplich zu einand(er) gehorn In solich(er) mayne durch trew vnd vns gar abgieng vnd of wir an elich leibserbn daz d(er)selb tail dem and(er)n all(er) seiner lande fürstentüme vnd h(er)rschafte die er also hint(er) im lieze pilleich
vnd von recht günnen sol für all and(er) leut Daz darumb wir an den namen als da vor of baidn tailn nach gut(er) vnderweysung mit rechter vernunft nach rate willn vnd gunst all(er) vns(er) fürsten lantsh(er)rn ritt(er) vnd chnechten bürgn vnd chnechtn in alln vns(er)n
landen vnd steten die notdurftig darzu waren mit all(er) d(er) ordnung beschaidenhait vnd chraft wie wir vns(er)n vnd gesperrn die nach gaistlich(e)m vnd weltlich(e)m rechten ob gewonhaitn vnd nach all(er)lay lantrechten ob freyhaitn darzu gehorn wurdn guetn fridn recht
vnd redlich pflicht gemacht nucze ordnung vnd gabe als hienach beschaidn ist Das ist ze merkchen ob das geschech da got vor sey daz wir die eegen(anten) kays(er) carl rom(ischer) künig wenczla von beheim vnd marg(graf) Johans von mähr(e)n vnd vns(er) all eliche kint sune
vnd tocht(er) die wir yecz habn od(er) hinfür gewinne abgiengn vnd sturbn ane elich leibserbn vnd ouch ob dieselbn vns(er) chinde leibserbn gewünnen die ouch sturbn an leibserbn sönen vnd tocht(er)n ande also daz vns(er) chindn die von vns vns(er)n chindn vnd chindes chinden
chomen mocht(e)n erblos wurdn Daz dann alle vns(er) erblichen fürstentüm lande vnd h(er)rschafte vesten vnd stett leut vnd gut die wir nu habn od(er) hinfür gewinnen erbn vnd gewalln sülln mit vollm vnd ganczm rechte auf die eegen(anten) h(er)czogn von ost(er)r(eich) die
egen(anten) margareten ir swest(er) vnd of ir all(er) leibserbn söne vnd tocht(er) die on got ouch gebn mag vnd off d(er)selbn kint vnd chindes kint nach dem rechten stammen ewiglich die von in leibn chomen mügen an all geuärde Vnd ze gleich(er) weis hinwid(er) sprech(e)n vn(d)
welln wir die eegen(anten) h(er)czogn von ost(er)r(eich) vnd wir die egen(anten) margret ir swest(er) ob das geschech daz got durch sein gnade wende daz wir vnd der durchleuchtig fürst h(er)r lud(wig) künig ze vng(er)n vns(er) lib(er) brüd(er) vnd die hochgeborn fraw küniginn elisabeth sein gema
hel vnd die hochgebornn elst(er) vns(er)s h(er)czog stephans von bayrn sune brüd(er) tocht(er) vns(er) liebe swest(er) abgiengn vnd sturbn ane eliche leibserbn vnd ouch ob wir an denselbn vns(er)n chindn leibserbn gewünnen die sturbn ane leibserbn sönen vnd tocht(er)n ande also
recht leibserbn die von vns vns(er)n chindn vnd chindes chindn chomen mocht(e)n erblos wurdn daz dann alle vns(er) erblichen fürstentüme lande vnd h(er)rschafte vesten vnd stett leut vnd gut die wir die eegen(anten) h(er)czogn von ost(er)r(eich) vnd margret ir swest(er) yecz habn
od(er) hinfür gewinnen erbn vnd gewalln sülln mit vollm vnd ganczm rechte of die eegen(anten) kays(er) carln rom(ischen) künig wenczla von beheim vnd marg(graf) Johansen von mähr(e)n vnd of ir all(er) leibserbn söne vnd tocht(er) vnd of d(er)selbn kint vnd chindes kint nach
dem rechten stammen ewiglich die von in leibn chomen mügen an all geuärde Vnd mit solich(e)m vnderschaide daz of baidn tailn iglichs tail lande vnd leut schuldig sein sülln die gewalln leibserbn für ain(e)n h(er)rn ze alln den rechten freyhaitn gnadn vnd
guetn gewonhaitn die si von d(er) h(er)rschaft vnd h(er)rschaft habnt ane all geuärde Wir habn ouch in dem namen als da vor of baidn tailn ementlich für vns selbs vnd für all vns(er) erbn vnd erbes erbn of die letst(e)n ist ewiglich gesworn leiplich aydes
zu den hailig(e)n mit vngerueten händen of das hailig ewangelj vnd ouch gelobt mit vns(er)n trewn vnd mit den worten vns(er)s fürstlich(e)n wirdichait Daz wir of baidn tailn vns(er) dise eegen(anten) vnd gemainsame ordnung vnd gabe mit vns(er) selbs noch mit
and(er)n leutn noch mit d(er) räte noch ane d(er) räte noch mit dhainen and(er)n sachen des rechten od(er) d(er) gnat haimlich noch offenlich nymm(er) geirrn sülln noch welln vnd ouch nymandn gestatn d(er) daz well tün vns an all geuärde Vnd schaffn vnd ouch
darumb endt(er)halbn in dem namen als da vor solich(er) auzzug vnd fünde da mit wir in dem namen als da vor of baidn tail hinfür chomen vnd fürsehn mocht(e)n daz wir dise gemainsame vnd gabe betwingn wärn ob daz sach(e) wär daz and(er)
vermeintlich vnd vnpillich d(er) h(er)rschaft pracht hat ob daz si nicht recht vnd redlich geschehn wär vnd welln ouch darumb helfe vnd räte all gaistlich(e) vnd weltlich(e) richte rechten vnd gerichte haimlich dem rechten da mit man sprechen vnd
antwurt(e)n lausn ze hilfe chome vnd well(e)n in ir gewar seczt vnd dem rechten das da sprichet gemayn v(er)zeihung vns(er)s nucz ez ge dann an gesünd(er)t vor Vnd all(er) and(er)n gaistlich(e)n vnd weltlich(e)n geseczt(e)n vnd vngeseczt(e)n bescriben vnd vnge
scriben fündn vnd vnsündn rechten freyhaitn lantrechtn vnd gewonhaitn vnd all(er) hantfesten vnd priefen die wir nu habn od(er) hinfür gewinne mocht(e)n da mit wir of baidn tailn vns(er)n erbn vnd erbes erbn vns(er) dise eegen(anten) vnd ordnung ge
mainsame vnd gabe all(er)slay ob bey tailen ymm(er) geirrn mocht(e)n in dhainen weg an alle geuärde Vnd wär daz vor sey daz wir of baidn tail hinfür chomen vnd ymm(er) ob vns(er) räte gäben ob das wir nicht getän ob vns durch
täusch(e)n vermels dhaina briefe gegebn hiet od(er) hienach dhaine and(er) briefe gäbe die vns(er) dise eegen(anten) vnd ordnung gemainsame vnd gabe in dhainen weg irren die sülln irrig vppig tod vnd absein vnd chain chraft habn noch gewinne wann wir
sy in solich(er) geselschaft mit disem briefe ementlich abnemen v(er)nicht(e)n tötten vnd wid(er)rüffen gänczlich Vnd welln daz dis(er) brief vnd das gescheft vor vnd wid(er) all(er) and(er)n briefen die dise sache berürent in sein chraft gänczlich vnd ewiglich(e)n beleibn an
all geuärde vnd arge list Wir d(er) eegen(ante) kays(er) carl rom(ischer) habn ouch als ain römisch(er) kays(er) wissentlich mit kays(er)lich(er) macht volchomenhait dise eegen(anten) ordnung gabe vnd gemainsame durch frides vnd gemaines guts willn
nach räte d(er) fürsten des heilign reichs gaistlich(e)n vnd weltlich(e)n die d(er)zeitt bey vns wärn baidn tailen offt(er)gen(anten) gezeümet geuestent vnd bestättet recht vnd redlich offt(er)gen(anten) günnen lauter(e)n vestenen vnd bestätt(e)n si ouch für vns
vnd vns(er) nachchomen an dem hailign reiche ewiglich mit disem briefe in all d(er) mässe als beschaidn ist an alle geuärde Vnd ob das wär daz dhain kays(er)lichs recht od(er) and(er)s die nu fünden vnd geschribn sind od(er) hinfür fündn vnd geschri
bn wurdn vns(er) dise eegen(anten) vnd gemainsame ordnung vnd gabe in dhainen weg all(er)slay ob bey tailen irren die nemen wir ab vnd wid(er)rüffen tötten vnd v(er)nicht(e)n si in dis(er) sach(e)n mit vns(er) kays(er)lich(e)m gwalt gänczlich vnd
ewiglich Vnd welln vnd main(e)n in dem namen als da vor daz dise gemainsame ordnung vnd gabe of baidn tailn ewig(e)n chraft vnd stätichait vnabprüchlich(e)n beleibn vnd gehaltn w(er)dn in all d(er) mässe als vor beschaidn ist an alle geuärde
Darumb wir baidn den eegen(anten) tailn gebietn wir ernstlich(e)n bey vns(er)n huldn alln vns(er)n gaistlich(e)n vnd weltlich(e)n fürsten preläten grafen freyen dienstl(eut)n lantsh(er)rn ritt(er)n vnd chnechtn bürgn vnd lantsäzzen of dem lande vnd in den steten vnd
alln vns(er)n vndt(er)tanen gemainlich(e)n in welich(e)m wesen vnd wie si genant sind daz si die eegen(anten) vnd ordnung gemainsame vnd gabe ob solich(er) gescheft als ob(e)n geschribn stet loben vnd swern zu den hailig(e)n räte ze habn vnd ze vestnen gänczlich
getrew(e)n ze behaltn hinte an all wid(er)rede vnd geuärde Vnd ouch darüb(er) gebn ir offen besigelt(e) briefe Vnd darüb(er) zu ainem war(e)n vestenen offenem vnd ewigem vrkünde all(er) d(er) vorgeschribn ordnung vnd sachen habn wir die eegen(anten)
kays(er) carl rom(ischer) künig wenczla von beheim vnd marg(graf) Johans von mähr(e)n für vns vnd für all vns(er) erbn vnd erbes erbn ewiglich als vor beschaidn ist an aim tail Vnd wir die eegen(anten) rudolf albr(echt) vnd lüp(old) gebrüd(er) h(er)czogn ze
ost(er)r(eich) vnd wir die egen(ante) margret(e) ir swest(er) für vns vnd für all vns(er) erbn vnd erbes erbn ewiglich als vorgeschribn stet an dem and(er)n tail vns(er) insigele gehenkt an dis(er) brief d(er) ist geschribn vnd d(er) dis(er) brief gegebn ze brünne nach
krists gepürde dreuczehn hund(er)t Jär vnd darnach in dem vier vnd sechczigistem Järe an der heilign Jünchfrawn sand scolastice tag vns(er)s kays(er)t(um)s in dem achtzehnd(er)n vnd des kays(er)tüms in dem neünt(e)n Järe