Wir Richter der Rate vnd die gancze gemeindheit der stat ze Prunne auf der obirn Vargehen Bekennen vnd tun chunt offenleiche mit disem brief Daz die durchleuchtigen hochgeborn fursten vnser genedig herrn her Karl Romischer kayser
ze allen zeiten merer des Reichs kunig Wenczla von Beheim sein sun an eim teile vnd Johans marggraf ze merhern des vorgenanten kayser karls bruder an ainem teile Herczog Rudolf Herczog Albrecht vnd Herczog Laupolt gebruder Herczogen ze Osterreich ze Steyrn
vnd ze kernden mitsampt der hochgeborn frawen Margreten ir swester weilen Marggrafinne ze Brandenburk Herczoginne ze Bayern vnd Grefinne ze Tyrol an dem andern teile alle irer lande furstentum vnd herschafte die si nu habent oder hinfur gewinnent
beidenthalben ainander gemachet gefuget geordent vnd geseczt habent in solicher geschihte als hernach geschriben stet in offen ausgedrukten brief die si ietwederseit ainander darub gegeben habent die von worte ze worte lautent als hernach geschriben stet Wir Karl von gots
genaden Romischer kayser ze allen zeiten merer des Reichs kunig Wenczla auch von gotes genaden kunig ze Beheim vnd Marggraf ze Brandenburk des vorgenanten vnsers lieben herren vnd vater kayser karls sun vnd wir Johans von denselben gotes
genaden Marggraf ze Merhern desselben vnsers herren des kaysers bruder an ainem teile vnd wir Rudolf Albrecht vnd Laupolt gebruder von gotes genaden Herczogen ze Osterreich ze Steyrn vnd ze kernden herrn ze krain auf der windischen march ze portenaw grafen
ze habspurch ze pfirt ze kiburch vnd ze kyburg Marggrafen ze purgow vnd lantgrafen in elsassen vnd wir Margret von Osterreich der egenanten Herczogen swester weilen Marggrafinne ze Brandenburk Herczoginne ze Bayern vnd Grefinne ze Tyrol an dem andern
teile Vargehen bekennen vnd tun chunt von baiden teilen offenleiche mit disem brief allen den die in sehent horent oder lesent nu vnd hinfur ewichleiche fur vns mitsampt der einung ordnunge vnd geschihte der allmechtigen gotes vnd baidenthalben durch ainander von vns vnd der
geburde wegen der geslehtes hippleich zu ainander gehorn in solich weise dweder teil vnder vns gar abgieng vnd ersturb an eleiche leibserben daz der selbe teil dem andern aller seiner lande furstentum vnd herschafte die er also hinder im lieze gelleich vnd von rehte gunnen
sol fur alle ander lewte des darumb in dem namen als ob wir von auf baiden teilen mit guet vorbetrahtunge mit rathe ewigen muth vnd willen vnde gunst aller vnser fursten lantsherren rittere vnd chnehte purgern vnd lantsessen in allen vnsern landen vnd steten die
notdurftig darzu waren mit aller der ordnunge beschaidenheit vnd chrafte worten geverden vnd gebarden die nach gaistlichen vnd weltlichen rehten vnd gewonhaiten vnd nach besunderlich lantsrehten der chreisleuten darzu gehoerent getun haben rehte vnd redleiche stete
gemeinunge ordnunge vnd gabe als hernach beschaiden ist Daz ist ze merken ob daz geschech daz wir erst sei daz wir die vorgenanten kayser karl von Roma kunig Wenczla von Beheim vnd auch Marggraf Johans von Merhern vnd vnser aller eleiche chinde sune
vnd tochter die wir nu haben oder hernach gewunnen abgiengen vnd versturben an eleiche leibserben vnd auch ob dieselben vnser chinde leibserben gewinnent die auch hinfur an leibserben versturben vnd vnsere lande also rehten leibserben die von vns vnsern chinden vnd chindes
chindes chinden chomen mochten ablos wurden daz denne alle vnsere erblant furstentum lande vnd herschafte vesten vnd stete lewte vnd guet die wir nu haben oder hinfur gewunnen erben vnd gevallen sullen mit vollem vnd ganczem rehte auf die vorgenanten
Herczogen von Osterreich die egenanten Margreten ir swester vnd auf ir aller leibserben sune vnde tochter die si got noch wol geben mag vnd auf derselben chinde vnd chindes chinde nach dem rehten stamme ewichleiche die von in leiben chomen mugen an alle ge
verde vnd ze gleicher weis auf vnser sprehen vnd wellen wir die vorgenanten Herczogen von Osterreich vnd wir die egenant Margret ir swester ob daz geschehe daz der durch sein genad wende daz wir vnd der durchleuchtig furst her her ludewig kunig ze
Ungern vnser lieber bruder vnd die hochgeborn fraw kuniginne elspeth sein wirt vnd die hochgeborn elspeth weilen Herczog stephans von Ungern sune vnd tochter vnsere liebe swester abgiengen vnd versturben an eleich leibserben vnd auch ob wir auf dem
selben vnserm teile leibserben gewunnen die hinfur an leibserben versturben vnd vnsere lande also rehten leibserben die von vns vnsern chinden vnd chindes chinden chomen mochten ablos wurden daz denne alle vnsere erblant furstentum lande vnd herschafte
vesten vnd stete leut vnd guet die wir die vorgenanten Herczogen von Osterreich vnd Margret vnser swester nu haben vnd hernach gewunnen erben vnd gevallen sullen mit vollem vnd mit ganczem rehte auf die vorgenanten kayser karlem von Roma
kunig Wenczla von Beheim vnd Marggrafen Johansen von Merhern vnd auf ir aller leibserben sune vnde tochter vnd auf derselben chinder vnd chindes chinder nach dem rehten stammen ewichleiche die von in leiben chomen mugen an alle geverde doch mit solicher
vnderschaiden daz auf baiden teilen vnser ieglicher lande vnd leute sunderleiche wem halt die gewalhent beleiben sullen ewichleiche bei allen den rehten vreiheiten genaden vnd guten gewonhaiten die si von alter gehabt vnd herpraht habent an alle geverde Wir haben
auch in dem namen als ob wir auf baiden teilen ewigenleiche fur vns selb vnd fur alle vnser erben vnd erbes erben als vor beschaiden ist ewichleiche gesworen leipleiche aide zu den heiligen mit vngerehten handen auf daz heilig ewangely vnd auch gelobt mit vnserm
trewn vnd mit den worten vnser furstleichen wirdichait daz wir auf dwederm teile vnder diser vorgeschriben vnser gemeinunge ordnunge vnd gabe nie misshellen noch ain andern leuten aus in gerihte noch an gerihte noch mit dhainen andern sachen des rehten
oder ze guete haimleiche noch offenleiche nimmer getun sullen noch wellen noch durch niemande gehaiz der da vnder ein ander an alle geverde vnd verzeihen vns auch darumb baidenthalben in dem namen als ob wir solich auszuge vnd funde da mit wir in dem namen
als ob wir auf dwederm teile hernach chomen vnd furbas mohten daz wir diser gemeinunge vnd gabe betwungen wern ob daz dweder teil den andern vberliefe vnd vberillte der ander stete hiet ob daz si nicht reht vnd redleiche geschehen weren vnd vnderslahe
auch darumb baiste vnd stete aller gaistlicher vnd weltlicher stifte chirchen vnd chirchen bunderleut dem rehte da mit man verfureten vnd entwerten leuten ze helfe chumpt vnd vnder in in gwaer seczt vnde dem rehten daz da sprichet gemahel beraubunge verwise
meht es ze danne an gesundertein wer vnd allen andern gaistlichen vnd weltlichen gescriben vnd vngescriben geseczen vnd vngeseczen funden vnde vnfunden rehten vreiheiten lantsrehten vnd gewonhaiten vnd allen hantfesten vnd briefen die vns nu haben oder
hinfur gewunnen mohten da mit wir auf baiden teilen oder iemant von vnsern wegen vnder diser vorgeschriben vnser ordnunge gemeinunge vnde gabe ableslich oder bei teilen nimmer getun mohten in dhainen wegen an alle geverde vnd were da von got sei
daz wir auf dwederm teile vns selbs vergaezen vnd iemmer da vnder icht geteten oder daz ein mistr getrwen ob vnser dweder teil iemants dhaine briefe geben hiete oder hie nach dain ander briefe gebe die wid diser vorgeschriben vnser ordnunge gemeinunge
vnd gabe in dhainem wege wern die sullen irriz tott vnd ab sein vnd dhain chraft haben noch gewunnen vnd wir si in solicher geschihte mit disem briefe vnczeitleiche abnemen vernihten totten vnd vnderwissen ganczleich vnd sullen diser briefe vn
daz gelauben wir vnd vber allen andern briefen die diser sache lauttent in seiner chraft ganczleich vnd ewichleiche beleiben an alle geverde vnd arge list Wir der vorgenant kayser karl von Roma haben auch als ein Romischer kayser ewigenleiche mit
kayserleicher maht volchomenhait die vorgeschriben ordnung gabe vnd gemeinunge durch frides vnd gemaines gutes willen nach rate der fursten des heiligen Reichs gaistlicher vnd weltlicher die da zemaln bei vns waren baiden teilen eichenget
gegunnen bewert gevestent vnd bestetet reht vnd redleiche ofengen gunnen bewaern vestenen vnd besteten si auch fur vns vnd vnser nachchomen an dem heiligen Reiche ewichleiche mit disem briefe in aller der weise als vor beschaiden ist an alle geverde
vnd ob daz were daz dhaine kayserleiche reht oder gesecze die nu funden vnd geschriben sint oder hernach funden vnd geschriben werdent vnder diser vorgeschriben vnser gemeinunge ordnung vnd gabe in dhainem weg ableslich oder bei teilen wern die nemen
wir ab vnd vnderwissen totten vnd vernihten si in den sachen mit vnserm kayserleichen gewalt ganczleich vnd ewichleich vnd wir wellen vnd ordnen in dem namen als ob wir daz dise gemeinunge ordnunge vnd gabe auf baiden teilen ewichleich in ganczer
vnd vester stetehait vnverbrochen beleibe vnd gehalten werde in aller der maze als vor beschaiden ist an alle geverde darumb wir baiden den vorgenanten teilen gepieten den vestenleiche bei vnsern hulden allen vnsern gaistlichen vnd weltlichen
fursten grefen freyen dienstherren lantsherren rittern chnehten purgern vnd lantsessen auf dem lande vnd in den steten vnd allen vnser vnderthanen gemaenleich nu welehen wesen vnd wie die genant sint daz si die
vorgenanten vnser ordnung gemeinunge vnd gabe auf solich geschihte als vor beschaiden stet haben vnd swern zu den heiligen stete ze haben vnd ze volfuren ganczleich wenne es ze schulden chumpt an alle widerrede vnd geverde vnd auch daruber
geben ir offen versigelten briefe vnd darub ze ainem wern vestenen offen vnd ewigem vrchunde aller der vorgeschriben ordnunge vnde sachen haben wir die vorgenanten kayser karl von Roma kunig Wenczla von Beheim vnd Marggraf
Johans von Merhern fur vns vnd fur alle vnser erben vnd erbes erben ewichleich als vor beschaiden ist an ainem teile vnd wir die egenanten Rudolf Albrecht vnd Laupolt gebruder Herczogen ze Osterreich vnd wir die egenante Margret ir
swester fur vns vnd fur alle vnser erben vnd erbes erben ewichleich als vor geschriben stet an dem andern teile vnsere insigil gehangen an disen brief Ditz ist geschehen vnd ist der brief gegeben ze Prunne nach krists geburde drew
zehen hundret iar darnach in dem vier vnd sehzcigisten iare an der heiligen iuncfrawen sand dorotheen tage vnser kayser karls reichs in dem ahtzehenden vnd des kaysertums in dem neivnten iare vnd wande
dieselbe ordnung gab vnd gemeinunge mit vnserm der vorgenanten Herczog ze prunne rate willen vnd gunst geschehen sein darumb haben wir dieselben purger vnser igleichen sunderleich vnd wir alle gemaenleich fur vns vnd
fur alle vnser nachchomen vnd erben ewichleich mit rehten wizzen gelobt vnd verhaizen mit vnsern trewen vnd mit vnsern gesworn leibleichen aiden die wir darub getan haben zu den heiligen daz wir die vorgeschriben gemeinunge
gabe vnd ordnunge swenne die gewallent vnd ze schulden choment als vor beschaiden ist auf nemen halten stete haben vnd volfuren sullen vnd wellen getrewleich vnd ganczleich an alle widerrede vnd geverde des vrchunde dises briefs besigelt
mit vnserm anhangenden insigile Ditz ist geschehen vnd ist der brief geben ze prunne an dem tage in der vasten do man sinct Reminiscere nach kristes geburde Tausent drew hundret sehzcig iaren vnd darnach in
dem vierden iare