Wir Ludewig Hasse von falkenburg vnd hans gebrudere hennig vnd Ludicke von vnwerwidel Hasse von ostenhaw woyzke hennig vnd hasse gebrudere gesessen zu wellen Junge ludike alle von wydel swester
vnd Jacob von swesterstaw hennig von brederlow vnd hans von ostenhaw manne der marke zu brandemburg bekennen uffinlich an dissem briewe vnd tun kunt alln luten die yn ansehen adir horen lesin
wann der hochgeborn furste vnd herre her otte marggraff zu brandemburg vnd zu lusig vnser lieber gnediger her dem alladurchluchtigistem fursten vnd hren hrn karlin romischem keiser zu allen zeiten merer des richs vnd
kunige zu beheim als eyme kunige zu beheim sinen erbn vnd nochkomen kunigen vnd der cronen des kunigrichs zu beheim gude besigelte briewe gebn hat were iz daz iz zu schulden queme daz der hochgeborn furste
vnd hhe her wenczesla kunig zu beheim vnsis egen hren des keisers zu segelorn sun ane kinde sturbe vnd daz die hertzogentvm vnd furstentvm der lande zu der swidnitz vnd zu dem Jawr als sint swidnitz hus vnd stat
Jawr Rychembach hus vnd stat zcympz hus vnd stat gobercz hus vnd stat stargaw hus vnd stat bunzlow hus vnd stat lewemberg hus vnd stat frydemberg die stat lhen hus vnd stat schonow hus vnd stat hussitz
hus vnd stat hayn hus vnd stat lundeshut die stat chastorff gryfensteyn kynast falkensteyn cunrastwalde hornssberg kinsberg waldembg die vestenen vnd auch andere erbeliche herschafte die der hochgeborn furste her
bolke hertzog in slesien herre zu der swidnitz vnd zu dem Jawr hette uff die hochgeborn furstynnen frawen elizabeeth vnsis egen herren marggraff otten eliche wirtin vnsis hren des keisers tochter als uff yren rechten erbn
noch tode des hertzogen von der swidnitz vnd siner elichen wirtin vervilen also daz die egen vns hhe vnd frawe marggraff otte vnd frawe elizabeeth die lande des hertzogen von der swidnitz innegewunnen daz den wir
busirn egen hren dem keiser als eyme kunige zu beheim sinen erbn vnd nochkomen kunige vnd der cronen zu beheim sulln verbundin sein zu eyner widerstadunge der egen lande des hertzogen von der swidnitz in alla
weise als hernoch geschreben steet von irsste sulln vnser herre marggraff otte vnd vnser frawe elizabeeth die lande des hertzogen von der swidnitz erblich behalden wenne sie die gewunnen innehaben ane alle ge
uerde so sulln denn wir vnsin borgen herren dem keiser als eyme kunige zu beheim sinen erbn vnd nochkomen kunigen vnd dem kunigriche zu beheim als vnsin rechten herren vnd naturlichen herschaft war
tin vnd gehorsam sein vnd vns denne an sie halden were iz abir daz vnser hre marggraff otte vnd vnser frawe elizabeeth die obgen lande des hertzogen von der swidnitz vnsin egen herren dem keiser als eyme kunige
zu beheim sinen erbn vnd nochkomen kunigen vnd dem kunigriche zu beheim lazen an sie weisen vnd inantwurten ane alle geuerde so sulln denn wir andirselbs vnsin hren marggrauen otten sine erben
vnd nochkomen allez von sinne leibe vnd mannes leches vnd obe die nicht weren an den hochgeborn fursten vnd hren hrn ludewig den romer marggrauen zu brandemburg vnd zu lusig vnsin liebn gnedi
gen herren vnd an seine erbn vnd erbes erbn allez von sinne leibe mannes geslechte widirkomen vnd beleibn vnd wenne die obgen lande stete vnd vesten des hertzogen von der swidnitz vnd yre zu
gehorunge in buseligen hantn des keisers als in eins kuniges zu beheim seiner erbn vnd nochkomen vnd des kunigrichs zu beheim hant vnd macht von dem borgen vnsin herren marggrauen otten
vnd vnser frawen elizabeeth komen so sulln vnd mochte wir vnsir glubde eyde vnd briewe die wir von den obgen sachen vnsin herren dem keiser als eyme kunige zu beheim sinen erbn vnd noch
komen kunigen vnd dem kunigriche zu beheim gegebn vnd getan han ledig sein vnd sulln zu der marke zu brandemburg wartin vnd gehoren als vore ane alle geuerde were iz ouch daz vnsir
borgen herre marggraff ludewig ane erbn von sinne leibe manes geslechtes sturbe vnd daz denn sein teil der lande vnd furstentvm der marke zu brandemburg an vnsin hren marggrauen otten vnd an seine erbn
von sinne leibe manes geslechtes queme vnd geuile so sal vnser herre marggraff otte mit denselbn beslechten landen vnd luten marggraff ludewigs zu der borgen widerstadunge der lande zu der swidnitz nichtes
pflichtig noch verbundin sein denn die sulln vnsin hren marggrauen otten vnd seinen erbn von sinne leibe manes geslechtes sunderlich bleibn vnd zugehoren ane alle irrunge vnd anspruche Alle die egen sachn
vnd ir iecliche besunder als vorre die hhe anruren vnd anreiffen mogen in dheinerweis han wir fur vns vnd vnser erbn mit wolbedachtem mute mit rechter wisse mit rate vnsir frunde vnd von geheize vnsis egen
herren marggrauen ludewiges vnd marggrauen otten willeclich dem borgen vnsin herren dem keiser als eyme kunige zu beheim seinen erbn vnd nochkomen kunigen vnd dem kunigrich zu beheim in guten
truwen gelobet vnd uffinlich mit ufgeracten henden zu den heiligen gesworen stete vnd veste vnuerbrochenlich zu halden vnd darwider nimmer zutunne in dheinerweis ane alle argelist vnd geuerde vnd sullen
diese gelubde vnd eyde vnschedelich sein allen eyden gelubden vnd huldungen die wir zu andn zeiten vnsirm egen hren dem keiser seinen erbn vnd nochkomen kunigen vnd dem kunigriche zu beheim getan habn
als ir auch daruber vnsir briewe hat die in yrer macht allezeit genglich bleibn sullen Vnd aller dieser egen sache zu orkunde vnd stediger sicherheit han wir vnsir Ingesigele an diesen briff gehangen der
geben ist zu goldin noch gots geburt druzenhundert Jar dar noch in dem vier vnd sechzigestem Jare an dem nehesten dinstage noch sant Johans tag des heiligen teuffers