Wir Cuno von gots gnaden Erczbischof zu Tryer des heiligen Reichs Erczkanczler durch welsche lant vnd das kunigreich zu Arelat Bekennen vnd tun kunt offenlich mit disem briue allen den die jn sehent oder horen
lesen Wann der Allerdurchleuchtigste furste vnd herre Her Karl Romischer keiser zu allen zeiten merer des Reichs vnd kunig zu Behem vnser lieber gnediger herre vmb des Reiches nucz bester wirde vnd ere
dem Hochgebornen fursten Hern Wenczlawen kunige zu Behem Marggrafen zu Brandemburg vnd zu lusicz sinem sune sinen erben vnd nachkomen kunigen zu Behem vnd der croney desselben kunigreichs
ewiclich zu rechtem furstenlehen geben vnd verlihen hat die dorfere Heytingsfelt vnd Bernheim mit allem dem das darzu gehoret als in vnsers herren des keisers briuen volkomenlicher begriffen ist die
hernach geschriben stent in sullichen worten Wir Karl von gots gnaden Romischer keiser zu allen zeiten merer des Reichs vnd kunig zu Behem Bekennen vnd tun kunt offenlich mit disem briue allen den die
jn sehent oder horent lesen Wann der Hochgeborne Wenczlaw kunig zu Behem Marggrafe zu Brandemburg vnd zu lusicz vnser lieber sun vnd furste sine freye eygene guter mit namen sine Burg zu Heytings
felt vnd was darzu gehoret vnd sine Burg vnd Stat zu Briesendorf mit allen zugehorungen vnd die dorfer Erlyngheim ouch mit allem dem das darzu gehoret die er vmb sine eygene pfenninge gekoufft hat
zu dem kunigreiche vnd der croney des kunigreichs zu Behem von vns als eynem Romischen keiser vnd von dem heiligen Romischen Reiche zu lehen empfangen hat also daz er vnd alle sine nachkomen die
ewiclich kunige zu Behem werden die vorgenanten lehen alle zeit von vns vnd vnsern nachkomen an dem Reiche Romischen keisern vnd kunigen vnd von dem heiligen Romischen Reiche lewiclich zu lehen habn
halten vnd empfahen sullen Dauon habn wir mit wolbedachtem mute mit rechter wizzen vnd mit Rate kurfursten ander fursten Grafen fryen hern vnd ander vnser vnd des Reichs getruwen wider zu eyner
erstatunge der vorgenanten stiftn dem egenanten Wenczlawen kunige zu Behem vnd allen sinen nachkomen die kunige zu Behem ewniclichen werden die dorffere Heytingsfelt vnd Bernheim mit eym fuderin weingel
des dacz heuet veterem dreizig pfunden hallergeldes die die leute zu Heytingsfelt gebn sechs pfunden hallergeldes die der Apt von sant Burcharte zu Wirczburg gibet vier pfunden hallergeldes die der Apt von celle gibet vier pfunden
hallergeldes die die frawen des closters von celle by Wirczburg gelegn geben siben pfunden newn schillingen vnd vier hallern die die von Erleute zu Heytingsfelt gebn acht pfunden hallergeldes so dacz diedo gefalln von den krout
garten in Heytingsfelt sechs malter vnd drein achteiln kornes so dacz die ferlich zu Heytingsfelt gefalln von den ackerkern funff malter korngeldes die daselbst gefalln von weingarten eime pfunde pfeffers vnd nun den dritteile
des weines der do kumpt ierlich von funffzig morgen weingarten zu Heytingsfelt gelegen die do heizen die kunigslaube das alles zu Heytingsfelt gehoret vnd ouch mit funf vnd zwenzig maltern weinges ierliches zinses vogteye
vnd gerichte die zu Bernheim gehoret vnd mit alln andern iren zugehorungen wie man die mit sundlichen worten mag benennen die der egenante kunig zu Behem vmb funftusent gulden gut von golde vnd swere von gewichte von dem stif
te zu Wirczburg dem sielange zeit zu pfande gestandn seint mit sinem eygenen gelde hat gelost zu rechtem lehen vlihen han vnd vlihen jn die mit craft dicz briefs vmb die egenanten sache vnd ouch vmb das eyn iglichs kunig zu Behem
vnd die sine von sime wegen herberge habn mugen von Behem zu frankenfurt vf den meyne zu reiten wenne es sich geburet eyme Romischn kunig zu kiesen vnd ouch zu reiten dahin zu andern kurfursten fursten vnd hern
zu kunigleichn vnd keisrlichn hofen parlamenten vnd gesprechen zu habn vnd des Reiches sachn zu teidingen Ouch sol der egenante Wenczlaw vnd alle sine nachkomen kunige zu Behem die vogtey vber das closter zu Heytingsfelt
ewiclich habn also daz sie das vorgenante closter sine leute vnd gut vnd was darzu gehoret als ire recht vogt schirmen verteidingen vnd verantwurten suln vnd mugn in alln werltlichn sachn Ouch gebn wir dem egenanten
Wenczlawen vnd sinen vorgenanten nachkomen mit wolbedachtem mute mit recht wizzen von keisrlicher macht gnediclich erloubet daz sie Heytingsfelt vnd Bnheim mit graben mit muren turmen pforten erkern vnd ands
wie sie welln vesten vnd stete machn mugen ewiclich wenne sie welln vnd suln in denselben steten stat halsgerichte vnd alle ander gerichte hohe vnd nydere habn vnd gebruchen Ouch mugen die egenanten kunige zu
Behem vnd ire nachkomen den vorgenanten steten wochenmerkte gebn wie sie muglich vnd bequemlich dunket vnd sulln ouch die vorgenanten stete habn alle friheit recht vnd genade die do hat vnd gewinnet die stat zu Brie
sendorf vnd die burger daselbst Ouch mugen die vorgenanten kunige zu Behem vnd ire nachkomen jnwendig iren egenanten steten Heytingsfelt vnd Bnheim vnd ouch in den begriffen vnd zugehorunge derselbn stete gasten
habn vnd reder tun seczen vmb genuczte zutun von schedelichn leuten Gezeuge dirr dinge sint der erwirdige Gerhart erczbischof zu Mency des heiligen Reichs in deuttschn landen erczkanczler die hochgebornen Ruprecht
der elter pfalczgrafe by Rein des heiligen Reiches obrist truchseze vnd hrczoge in Beyrn vnd Rudolf hrczoge zu sachsen des heiligen Reichs erczmarschalk kurfursten des Reichs die erwirdigen Albrecht zu Wirczburg lam
precht zu speyern Rudolf zu verden petir zu chure vnd albrecht zu halberstat die bischofe die edeln friderich Burgraff zu Nurenberg Adolf Johan Ruprecht vnd Gerhart zu nassaw walthern zu spanheim
Wilhelm von kaczenelnbogen Heinrich zu veldencz vlrich vnd Johan lantgrafn zum lucemburg eberhart vnd Rudolf zu wertheim Grafen friderich hrczoge zu decke Gerlach zu hohenloch Andres zu stinneck vnd vlrich
der junge zu hanaw hern vnd vil ander fursten Grafen vnd des Reiches manne an vrkunde dicz briefs vsigelt mit vnserm hohisten jnsigel Geben zu Nurenberg nach crists geburte dreizehnhundert jar darnach in dem siben
vnd sechczigisten jare an den newen jarestage vnsers Reichs in dem ein vnd zwenczigisten vnd des keistums in dem eylfften jare Vnd wann die egenanten sache redelich vnd dem heiligen Romischn Reiche nucze erlich vnd
bequemlich sint als in des vorgenanten vnsers herren des keisers briuen geschribn stet dauon habn wir mit wolbedachtem mute mit recht wizzen vnd mit Rate vnser freunde vnd getruen als ein erczbischof zu Trier des
heiligen Romischn Reichs in welschn landen vnd in dem kunigreich zu Arelat erczkanczler vnd als ein kurfurste des Reichs vnsern willn wort vnd gestengnisse gethan zu alln den vorgeschribn sachn vnd tun vnsern
willen wort rat vnd gestengnisse zu denselbn sachn mit craft dicz briefs vnd aller diser sache zu vrkunde vnd ewiger warheit han wir vnser jnsigel an disen brief gehangen der geben ist zu Munstermeyn
felt an dem obresten tage nach cristus geburte dreuczenhundert jar darnach in dem Acht vnd sechczigistem jare