Wir Albrecht von gots gnaden byschoff zu Wurczburg vnd daz gmeyne capitel daselbis bekennen offenlich mit disem
brieff vnd tun kunt allen luten die yn sehen oder horen lesen wann der hochgeborne furste her Wenczlaw kunig zu Be-
heim Marggraff zu Brandenburg vnd zu lusicz vnser lieber herre vnd alle seine nachkomen die ewiclich zu Beheim
kunige werdent die stete heytingsfelt vnd Berntheim Brussendorff Burg vnd stat vnd ouch ire guter die sie zu lwsicz
heim haben oder noch da gewynnen mit allen iren zugehorungen von dem heiligen Romischen Reiche zu lehen haben vnd
haben sullen dauon mit wolbedachtem mute mit rechter wissen in vnserm capitel zu Wurzburg doruber wol vnd offte
beraten han wir vor vns vnd alle vnser nachkomen die ewiclich byschoffe oder canoniken zu Wurzburg werden den ege-
nanten den kunige zu Beheim vnd seinen nachkomen in guten truwen gelobet vnd geloben yn mit krafft diz briefes
daz wir die vorgenanten den kunig zu Beheim vnd seine nachkomen vnd die cronen des kunigreichs zu Beheim ewiclich
nymmerme an den vorgenanten vesten steten guten vnd allen iren zugehorungen wie man die mit sunderlichen wor-
ten mochte benennen hindern oder irren sullen danne dieselben der kunig vnd seine nachkomen kunige zu Beheim mu-
gen in denselben iren vesten steten vnd waz dorzu gehoret alle gerichte hohe vnd nider stok galgen vnd redere habn
vnd seczen vnd mit den brechen vnd bussen zu allen iren willen on alle vnser hindernisse vnd irrunge onit behaltniss
doch vns vnser hofe zehende nucze vnd geuelle die wir in den vorgenanten vesten steten gutern vnd waz dorzu
gehoret haben vnd innamen des halbenteils des gerichtes in den dorfe zu Berntheim vnd aller der vorgenan-
ten sachen zu vrkund vnd ewiger worheit han wir Albrecht byschofe zu Wurzburg vnd daz gmeyne capitel dasel-
bis vnsere Infigele an diesen briefe gehangen der geben ist zu Wurzburg nach gots geburt dreuczehenhundert Jare
vnd darnach in dem siben vnd seczcigistem Jare an dem nechsten montag vor sance Agneten tag