Wir Heinrich der czeuze von plawe fur vns vnser erben vnd nachkomen Bekennen vnd tun kunt offenlich mit diesem briue
allen den die in sehent oder horent lesen Das wir mit wolbedachtem mute vnd mit rate vnser freunde mit rechter wiczen die vestn
drewe die vnser frey vetirlich eigen gewesen ist mit allen iren zugehorungen vfgelazzen vnd vfgebin habn vf lazzen vnd vffge
ben mit diesem briue dem allerdurchleuchtigsten fursten vnd herren hern karlin Rom(ischen) keiser zu allen zeiten merer des reichs
vnd kunig ze Beheim vnserm liebn gnedign hren vnd habn dy vo ym synen erbn vnd nachkomen kungen ze Beheim vnd der cronen
desselben kungreichs zu eynem rechten manlehen empfangen Darumb so gelobn wir fur vns vnser erbn vnd nachkomen in guten
trewen on alle geuerde vnd by dem geswornem eyde den wir daruber leyphafticlich zu den heiligen getan habn dem egen(anten) vnserm
herren dem keiser als eynem kunge zu Beheim seynen erbn vnd nachkomen kungen zu Beheim vnd der cronen desselben kungreichs
von demselben lehen getrewe holt gehorsam vnd vndertanig zu sein vnd alles daz gen yn zu tun daz lehenleute gen iren rechten
naturlichen vnd ordenlichen lehenherren durch recht oder gewonheit zu tun pflichtig sein Vnd das die egen(ante) vesten drewe des
obgenanten vnsers hren des keisers als eynes kunges ze Beheim seyner erben vnd nachkomen kunge ze Beheim vnd ire ampt
leute offen vesten sein sol ewiclich zu allen iren notdurften wyder allermenglich nymand vzgenomen Also wer dy sache das in
kunfftigen zeiten der egen(ante) vnser herr der keiser als ein kunig zu Beheim sein erbn vnd nachkomen kungen zu Beheim oder ir
amptleute derselben vnserr vesten zu dheinen iren sachen bedurfen wurden So an sie leute daruff legen wolten daz sol gesche
hen vff ire koste vnd vns vnsern erbn vnd nachkomen an der egen(anten) vnser vesten vnschedlich czur vrkund dicz briefs versigelt
mit vnserm anhangendem Infigel Der geben ist zu prag an dem Sontage in der vasten als man singet Oculi nach cristi
geburte drewczenhund(er)t Jar darnach in dem Syben vnd Sechczigsten Jare :.