Urbanus ep(iscopu)s seruus seruor(um) dei Venerabili fr(atr)i . . ep(iscop)o Ratisponen(si) Sal(u)t(em) et ap(osto)licam ben(edictionem) Ex debito pastoralis officij cupientes q(uo)d subditi et presertim in fortem d(omi)ni
euocati iuxta piam disposicionem Regio pacifici sint pudici pacifici et modesti illa libenter statuimus et concedimus p(er) que prompta semp(er) ad peccandum humana fragilitas tanto forcius
ab illicitis refrenetur et cum excellenti diligencia corrigatur quanto pluribus ac forcioribus fuerit gubernaculis coartata Ad hoc eciam libencius facere delectamur cum ad hoc mundanor(um) Regum
et principum uota ex sincera caritate concurrunt Nuper siquidem carissimus in xp(ist)o filius n(oste)r carolus Roman(orum) Imp(er)ator semp(er) Augustus ac Bohemie Rex illustris coram nobis et fr(atr)ibus
n(ost)ris exposuit q(uo)d in Bambergen(si) cuius diocesan(us) et eccl(es)ia Bambergen(sis) Roman(e) eccl(es)ie immediate subiecti ac in Ratisponen(si) que de Salzeburgen(si) et in Misnen(si) dioc(esibus) que de Magd(e)burgen(si) p(ro)uinc(iis)
existunt sunt plurima Castra terre ville et loca ad Regem Boemie qui est p(ro) tempore iustis titulis pertinencia que p(er) ip(su)m p(ro) Regio Boemie uel alios p(ro) eo tenentur et pacifice
possidentur et in quibus ecia(m) castris terris villis et locis plurime plebanie et eccl(es)ie ac multitu(d)o cleri consistit q(uo)d(que) p(er)sone ecclesiastice ibidem existentes sunt nimium dissolute diuinis officijs
et honestis moribus non uacantes plurim(que) ecclesiastica beneficia se inuicem non copaciencia insimul dampnabiliter detinentes ex quibus in deuocio populi annuat(ur) p(er)icula (a)li(a)q(ue) mala et scandala
plurima subse(c)untur ip(s)eq(ue) Imp(er)ator ex illis que ab ip(s)ar(um) p(er)sonar(um) diocesan(is) et superioribus minime corriguntur plurimum conturbatur Quare dictus Imp(er)ator nobis humiliter
supplicauit ut tam dictis Bambergen(si) Ratisponen(si) et Misnen(si) Ciuitatibus et dioc(esibus) super p(re)missis salubriter p(ro)uidendo quam eciam in p(ro)uincia pragen(si) que in Regno p(re)dicto
consistit ut ibidem pleniori auctoritate uirtutes extollantur et uicia extirpentur et ut ecia(m) pragen(sis) eccl(es)ia in sua p(ro)uincia amplius honoretur Venerabilem fr(atr)em n(ost)r(u)m Johannem Archiep(iscopu)m pragen(sem)
et successores suos Archiep(iscop)os pragen(ses) qui erunt p(ro) tempore ap(osto)lice sedis legatos p(er)petuos constituere et creare de benignitate ap(osto)lica dignaremur Nos itaq(ue) p(re)missis om(n)ibus dilige(n)
ter attentis ac super hijs plena informacione recepta et cum dictis fratribus d(e)liberacione p(re)habita ip(s)ius Imp(er)atoris in hac parte supplicacionibus inclinati de dictor(um) fratrum
consilio p(re)dictas ciuitates et dioc(eses) Ratisponen(ses) ab omni iurisdiccione dominio et potestate que Archiep(iscop)o Salzeburgen(si) qui est p(ro) tempore et qui in p(ro)uincia sua Salzeburgen(si)
de qua dicte ciuitas et dioc(esis) Ratisponen(sis) ut p(re)fertur existebat ap(osto)lice sedis legatus fore dicebatur in ip(s)a dioc(esi) Ratisponen(si) iure seu racione dicte legacionis habebat seu sibi quomodocumq(ue) et
qualitercumq(ue) an(n)ex(e) erant uel competere poterant et ab ip(s)a legacione duntaxat ex certa sciencia et de ap(osto)lice potestatis plenitudine p(er) alias n(ost)ras l(itte)ras in totum eximimus et plenarie liberauimus
ip(su)mq(ue) Johannem Archiep(iscopu)m et successores suos pragen(ses) Archiep(iscop)os qui erunt p(ro) tempore p(er)petuos ap(osto)lice sedis legatos in eisdem p(ro)uincia sua ac Bambergen(si) Ratisponen(si) et Misnen(si)
ciuitatibus et dioc(esibus) auctoritate ap(osto)lica statuimus constituimus et creamus sibi et eisdem successoribus in eisdem sua p(ro)uincia ac ciuitatibus et dioc(esibus) ut ibidem euellat
dissipet atq(ue) plantent et om(n)ia et singula que ad huiusmodi legacionis officiu(m) de iure p(er)tinent exercere et facere ualeant uices n(ost)ras et legacionis officiu(m) p(er)petuo co(m)mittentes
necnon contradictores quoslibet et rebelles auctoritate n(ost)ra p(er) censuram ecclesiasticam appellacione postposita compescendi facultatem plenam et liberam concedentes Non obstanti
bus quibuscumq(ue) constitucionibus necnon priuilegijs Indulgentijs et litteris eidem Salzeburgen(si) Archiep(iscop)o uel quibusuis alijs sub quacu(m)q(ue) uerbor(um) forma concessis ecia(m) si talia sint
de quibus quor(um)q(ue) totis tenoribus ac proprijs p(er)sonis et locis nominibus habenda sit in n(ost)ris litteris mencio specialis Seu si aliquibus co(m)muniter uel diuisim ab eadem
sede indultu(m) existat q(uo)d interdici suspendi uel exco(m)municari non possint p(er) litteras ap(osto)licas non facientes plenam et expressam ac de uerbo ad uerbum de indulto huiusmodi
mencionem Quocirca fraternitati tue p(er) ap(osto)lica scripta mandamus quatinus eundem Johannem Archiep(iscopu)m et successores suos huiusmodi cum eos ad loca tua declinare contigerit
tamquam dicte sedis legatos p(ro) ip(s)ius sedis et n(ost)ra reuerencia benigne recipere et honorifice p(er)tractare eor(um)q(ue) monita et mandata deuote et efficaciter adimplere p(ro)cures
alioquin sentencias quas ip(s)i rite tulerint in rebelles ratas habebimus et faciemus auctore domino usq(ue) ad satisfaccionem condignam inuiolabiliter obseruari Dat(um) Auinion(e)
vi Kal(endas) Junij Pontificatus n(ost)ri Anno Tercior(um)