Urbanus ep(iscopu)s seruus seruor(um) dei Uenerabili fratri Archiep(iscop)o pragen(si) sal(u)t(em) et ap(osto)licam ben(edictionem). Plenitudo deuotionis
sincere quam Carissimus in xp(ist)o filius n(oste)r Carolus Roman(orum) Imperator semper Augustus et Boemie Rex ad nos et Roman(am) gerit eccl(esi)am pro
meretur ut uotis suis in hijs presertim que decorem et solempnitatem diuini cultus respiciunt liberaliter annuamus. Sane cum dudum ad
instanciam Imperatoris eiusdem dilectis filijs Canonicis tue pragen(sis) eccl(esi)e duxerimus concedendum ut quotienscumq(ue) contingeret pragen(sem)
Archiep(iscopu)m qui esset pro tempore in dicta eccl(esi)a pragen(si) in pontificalibus celebrare omnes et singuli Canonici ip(s)ius eccl(esi)e pragen(sis) mitris
seu infulis albis sine quocumq(ue) ornatu licite uti possent nos ad reuerentiam dei et augmentum honoris Archiep(iscop)alis dignitatis uolentes concessio
nem huiusmodi ampliare ut quotiens te et successores tuos Archiep(iscop)os pragen(ses) tam in predicta pragen(si) quam in alijs eccl(esi)is tue prouincie
ac partium in quibus legationis officium per nos tibi et eisdem successoribus nouiter est concessum contigerit in pontificalibus celebrare duo ex
eisdem Canonicis quos tu et quilibet eor(un)dem successor(um) ad seruiendum uobis in diaconatus et subdiaconatus officijs duxeritis assumendos huius
modi facientes officia dictis infulis uti ualeant tenore presentium indulgemus. Nulli ergo omnino hominum liceat hanc paginam n(ost)re
concessionis infringere uel ei ausu temerario contraire. Siquis autem hoc attemptare presumpserit indignationem omnipotentis dei et beator(um)
petri et pauli Ap(osto)lor(um) eius se nouerit incursurum. Dat(um) Auinion(e) iij k(a)l(endas) Junij Pontificatus n(ost)ri Anno Tertio;

B. de Riye.