Wir Karl von gotes gnaden Romischer keiser zu allen zeiten merer des Reichs vnd kunig zu Behem Bekennen vnd emkunt
offenlichen mit disem brieue Allen den die yn sehent oder horent lesen Das wir von wegen der Eerlichen der Ebtessin Ercz
prinne vnd Conuent des Juncfrawen closters zu Eger sanct claren ordens gelegen in Regenspurger Bistumb vnser lieben
Andechtigen demutlichen gebeten sein das wir yn vnd yrem closter sulche hantfesten vnd brieue die sie von Romischen kei
sern vnd kunigen vnsern vorfaren an dem Reiche vnd andern Andechtigen erbern Cristen lewten vber die dorffer Dremge
Vlrichsgrun vnd Schoczenrewt vnd auch ander ir guter freiheit rechte gnaden vnd zugehorunge erworben vnd her
bracht vnd alles das in den egnanten hantfesten vnd brieuen begriffen ist gnediclichen geruchten zu bestetigen Des haben wir
gote zu lobe vns vnd vnsern vorgenanten vorfaren an dem Reiche Selen zu hayl vnd zu troste mit wolbedachtem mute
Rate vnser getrewen rechter wissen vnd keiserlicher mechte den obgenanten Ebtessin Erczprinn Conuente vnd closter
suliche hantfesten vnd brieue mit allen freiheiten rechten gnaden vnd zugehorungen vnd auch alles das darynne
begriffen ist gleicherweis als ob sie von worte zu worte in disem brieue begriffen weren Vnd sunderlichen die dorffer
Dremge Vlrichsgrun vnd Schoczenrewte mit andern iren dorffern vnd zugehorungen wie die genant oder wo sie
gelegen sein Als sie die redlichen vnd recht herbracht haben gnediclichen bestetiget beuestent vnd confirmiret be
stetigen beuesten vnd confirmiren auch mit disem briefe Drumb verbieten wir allen fursten Geistlichen vnd werlt
lichen Grauen freiyen Rittern knechten Hawptmannen Amptlewten Burgermeistern Gemenden der Stette vnd sun
derlichen dem Hawptmann vnd der Stat zu Eger vnd andern vnsern vnd des Reiches getrewen die nu sein oder in zeiten
werden daz sie die egnanten Ebtessinne Erczprinne Conuent vnd ir lewte dawider nicht hindern angreiffen oder be
schedigen sullen in dheinen weis Als lieb yn sey vns vnd des Reiches swere vngnade vnd die busse zehen marke gol
des die halb in vnser vnd des Reiches Camer vnd dabeander halbteil den clagern geuallen sullen als offte daz geschiht
vermeiden wellen Mit vrkunt ditz brieues versigelt mit vnser keiserlichen Maiestat Jngesigel der geben ist zu Mulberg Nach
Cristes geburte dreiczehenhundert Jar dornach in dem dreivndsibenczigisten Jare an vnser frawen vffart tage Vnser Reiche
in dem Sibenvndzwenczigisten Vnd des keisertums in dem Achtzehenden Jaren

Per dominum fridericum de Schonenburg
Theodoricus Sanczrodt