Wir Wenczlaw von gotes gnaden Romischer kunig zu allen czeiten merer des reichs vnd kunig zu Beheim Bekennen vnd tun kunt offenlichen
mit disem briue allen den die yn sehen oder horen lesen Das wir von wegen der geystlichen Eptissen meisterynne vnd Couents des Junkfrawen
closters zu Eger sante Claren ordens gelegen in Regenspurger Byschtum vnser liebn andechtigen demuticlichen gebeten sein das wir yn vnd
yrem closter eynen brieff den sie haben von seliger gedechtnisse dem allerdurchluchtigsten fursten vnd herren hrn Karolen etwenn Romische(n)
keiser vnd kunige zu Beheim vnsim lieben herren vnd vater zu ernewen zu beuesten zu bestetigen vnd zu confirmiren gnediclichen geruch
ten der von worte zu worte also lautet als hernach geschriben steet Wir Karl von got(es) gnaden Romischer keiser zu alln czeiten merer des
reichs vnd kunig zu Beheim Bekennen vnd tun kunt offenlichen mit disem briefe allen den die yn sehen oder horen lesen das wir von wegen der geist
lichen der Eptissen meisterynne vnd Conuent des Junkfrawen closters zu Eger sante Claren ordens gelegen in Regenspurger Byschtum vns(er)
lieber andechtigen demuticlichen gebeten sein das wir yn vnd yrem clost(er) sulche hantfesten vnd brieue die sie von Romischen keisern vnd kuni
gen vnser vorfaren an dem reiche vnd andern andechtige erbern cristen leuten vber die dorffer Treimac Turschigrun vnd Schotzenreut vnd
auch ander ir guter freiheit recht gnaden vnd zugehorunge erwarben vnd herbracht vnd alles das in den egen(anten) hantfesten vnd briefe be
griffen ist gnediclichn geruchten zu bestetigen des haben wir gote zu lobe vns vnd vnser vorgen(anten) vorfaren an dem reiche selen zu hail vnd
zu troste mit wolbedachtem mute rate vnser getrwen rechter wissen vnd keiserlich(er) mechte den obgenant(en) Eptissen meisterynne Conuente vnd
closter sulche hantfesten vnd brieue mit alln freiheitn rechtn gnaden vnd zugehorunge vnd auch alles das darynne begriffen ist gelich(er)
weis als ab sie von worte zu worte in disem briue begriffen weren vnd sunderlichen die dorffer Treimac Turschigrun vnd Schotzenreute
mit andern irn dorffern vnd zugehorunge wie die genant oder wo sie gelegen sein als sie die redlichn vnd recht herbracht habn gne
diclichn bestetiget vnd beuestent vnd confirmiret bestetigen beuesten vnd confirmiren auch mit disem briue dorumb wir bietn wir alln
fursten geystlichn vnd weltlichn Grauen freihen rathn knechten hauptman Amptleuten Burgermeist(er) gemenden der stet vnd sunder
lichen dem hauptman vnd der stat zu Eger vnd andrn vnser vnd des reichs getrewn die nu sein oder in czeitn werden das sie die egen(anten)
Eptissen meisterynne Couent vnd ire leute do vnd nicht hindern angreiffen oder beschedigen sullen in dheineweis Als lieb yn sey vns(er)
vnd des reichs swere vngnad vnd die buzze czehen mark golde die halb in vns vnd des reichs camer vnd das andern halbteil den
clagern geuallen sullen als offte dz geschicht smeiden wollen mit vrkunt ditz briefes v(er)sigelt mit vnser keis(er)lich(er) maiestat In
gesigele der gebn ist zu mulberg nach crists geburte dreytzehenhund(er)t Jar dornach in dem dreyvndsibenczigst(en) Jar an vns(er)s
herren offart tage vnser reiche in dem Sibenvndczwenczigsten vnd des keistums in dem Achtzehenden Jar des haben wir angeschn
ire fleizzige redliche vnd demutige bete dorvn gote zu lobe vnd zu eren des vorgen(anten) vns(er)s liebn herren vnd vaters vnd andrn vns(er) vorfaren
an dem reiche vnd vns(er) selen zu haile vnd zu troste vnd habn dorvmb mit wolbedachtem mute gute rate vnd recht(er) wissen den ob
geschriben brieff vnd alle ander brieue von wem sie die habn als sie die recht vnd redlichen erwarben vnd herbracht habn in alln iren
meynunge begriffungen artiklen vnd puntten gleicherweis als ob sie von worte zu worte in disem vnsim briue begriffen vnd leschn
ben weren gnediclichn ernewet beuestet bestetiget vnd confirmiret Ernewen beuesten bestetigen vnd confirmiren yn die in crafte ditz
brieues doch vnschedlichen vns vnd alln andrn an vnsin vnd iren rechten vnd gebieten dorvmb allen fursten geystlichn vnd weltlichn
Grauen freyen herren Rittern knechten hauptman Amptleuten Burgermeist(er) gemenden der stete vnd sunderlichen dem hauptman
vnd der stat zu Eger vnd alln andern vnser vnd des reichs getrewen vnd vndertanen die nu sein oder in czeitn werden das sie
die egen(anten) Eptissen meisterynne Couent ir clost(er) vnd leute vnder dise gegenwortige vns(er) gnade nicht hindern dringen irren noch sche
digen sullen in dheineweis Als lieb in vns(er) vnd des reichs swere vngnad vnd die buzze die in des vorgen(anten) vns(er)s vaters briefe begriffen
ist wollen v(er)meiden mit vrkunt ditz brieues v(er)sigelt mit vnser kunigclichn maiestat Ingesigele der gebn ist zu Eger nach crists
geburte dreytzehenhund(er)t Jar dornach in dem czwevndachtczigsten Jar an sant Symons vnd Jude tage der heiligen czwelfboten
vns(er) reiche des Behemischen in dem czwenczigst(en) vnd des Romischen in dem Sibenden Jar