WIr Sigmund von gotes gnaden Romischer künig zu allenczeiten Merer des Reichs vnd zu Vngern zu Behem Dalmacien Croacien etc(etera) künig bekennen vnd tůn kunt offenbar mit disem brief allen den die In sehen oder
horen lesen Vnd ob vnser küniglich wirdikeit von angebörner güte empfig ist aller vnd yeglicher des heiligen Romischen Reichs getreuen bestee zübetrachten vnd In fur zu augen ze sehen dem leben zegeben haben das sy vns dem allmechtigen in eyne
frölichen fureung stat vnd wesen furzükomen vnd züfurdern so sind wir gemayt zuschaffen sy bey freiheit vnd gnaden zübehalten vnd In vnser gnad milticlich mitzuteilen vnd sunderliche botschafft Vnd hat vns demüticlich gebeten das wir der
genanten leben desterbas gedienen mögen Wann nu fur vns kumen ist der Erewirdigen Vnd geistlichen Ebtissin vnd Conuents des Closters zü sant Clarn zu Eger vnserer liebe andechtigen vnd andern fursten geistlichen vnd weltlichen erwor
selben Ebtissin vnd Conuent alle Ir gnad recht freiheit güte gewonheit altherkomen briefe priuilegia vnd hantfesten die sy von vnsern vorfarn Romischen kaisern vnd künigen vnd andern fursten geistlichen vnd weltlichen erwor
ben vnd bracht haben bestetten verneuwen zübestetigen vnd züconfirmirn gnediclich gerüchten vnd nemlich ainen brief künig Wenczlawe vnsers lieben brüder seligen die von worte zü worte lautet also Wir Wenczlaw
von gotes gnaden Romischer künig zu allenczeiten merer des Reichs vnd künig zu Behem bekennen vnd tůn kunt offenbar mit disem brief allen die In sehen oder horen lesen Das wir von der durchleuchtigen fursten vnd herren hern karls etwen Ro
zu Eger sant Clarn ordens gelegen in Regenspurger Bistum vnsere lieben andechtigen demüticlich gebeten das wir In Ir closter ainen brief den sie haben von kaiser gnediclich bestetigen Vnd wir karl von gots gnaden Romischer kayser
mischer kayser vnd künig zu Behem vnserm lieben hern vnd vater züverneuwen zübesteten zübestetigen vnd züconfirmirn gnediclich gerüchten der von wort zü worte also lautet Wir karl von gots gnaden Romischer kayser
zu allenczeiten merer des Reichs vnd künig zu Behem bekennen vnd tůn kunt offenbar mit disem brief allen die In sehen oder horen lesen das wir von wegen der geistlichen der Ebtissin vnd Conuents des jungkfrauen klosters zu Eger sant Clarn
ordens gelegen in Regenspurger bistum vnsere lieben andechtigen demüticlich gebeten das wir In vnd Irem kloster sulche hantfesten vnd briefen die sie von Romischen kaisern vnd künigen vnd andern andechtigen Erbergen
fürsten leuten oder die disser deczma vleissigern vnd des Erbossen wercz vnd auch ander Irer güter freiheit recht gnade vnd zügebörunge erworben vnd erbracht vnd alles das In den egnanten hantfesten vnd briefen begriffen ist gnediclichen geru
chen zübestetigen des haben wir got zülobe vnser vnd vnser vorfarn an dem Reiche selen zühaile vnd zütroste mit wolbedachtem müte vnsere getreuen rechten wissen vnd sunderlicher mechte den obgenanten Ebtissin meystrin Co
uent vnd Closter sulche hantfesten vnd briefe mit allen Innhalten rechte gnaden vnd zügebörungen vnd auch alles das darynne begriffen ist gnediclich als sie von wort zü worte in disen briefen begriffen wern vnd sunderlich die disser deczma
vleissigern vnd Erbossen wercz mit andern Iren dorffen vnd zügebörungen wie die genant oder wo die gelegen sein als sie die redlichen vnd bracht haben gnediclichen bestetiget vnd bestetten vnd confirmirn bestetigen befesten vnd confir
miren auch mit disem briefe Darumb verbieten wir allen fursten geistlichen vnd weltlichen Grauen freyen Rittern knechten haubtman Amptleuten Burgermaister Burger der stete sunderlich dem Ambtman vnd der stat zu Eger
vnd andern vnsern vnd des Reichs getreuen die nu sein oder in czeiten werden das sie die egnanten Ebtissin meystrin Conuent vnd Ir leute darwider nicht hindern angreiffen oder beschedigen sullen in kainer weise als lieb In sey vnser vnd des Reichs
swere vngnade vnd die puss zügeben mark goldes die halbe vnsere vnd die ander halbe Camer vnd das ander halbtail den clagern gefallen sullen als offt das geschiht zeurkund dis briefs mit vnserm kayserlichen anhangenden Insigel der geben ist zu
Nurenberg nach cristi geburt dreuczehenhundert jar darnach in dem dreivndsibenczigstem jare an sant Viti tag vnsers reichs in dem ainsvndzweinczigsten vnd des kaysertumbs in dem ach
zehendem jare des haben wir angesehen ir fleissige andacht vnd demütige bete dauon got zülob vnd zu eren des vorgenanten vnsers lieben hern vnd vaters vnd ander vnser vorfarn von dem Reich vnd vnsere selen zühaile vnd zütrost vnd
haben darumb mit wolbedachtem müte gütem rate vnd rechter wissen den obgeschriben brief vnd alle ander brief von wem sie die haben als sie die recht vnd redlich erworben vnd bracht haben in allen iren meynunge begreiffung ar
tikel vnd puncten gleicher weise als ob sie von worte zu worte in disem vnserm brief begriffen vnd geschriben weren gnediclich erneuet bestetiget confirmirt erneuwen bestetten bestetigen vnd confirmirn In chrafft
dis briefs Doch vnschedlichen vns vnd allen andern an vnsern vnd iren rechten Vnd gebieten darumb allen fursten geistlichen vnd weltlichen Grauen freyen herren Rittern knechten haubtman Amptleuten Burgermaister gemey
nen der stete Vnd mitnamen dem hauptman vnd der stat zu Eger vnd allen andern vnsern vnd des Reichs getreuen vnd vntertanen die nu sein oder in czeiten werden das sie die egnanten Ebtissin meystrin Conuent Ir Closter vnd leut
wider dise gegenwertige vnser gnade nicht hindern Irren oder in kainer weise als lieb In vnsere vnd des Reichs swere vngnade vnd die puss in des vorgenanten vnsers briefs begriffen ist wellen vermeyden
Mit vrkund dis briefs versigelt mit vnserm küniglichen maiestat Insigel der geben ist zu Eger nach cristi geburt dreuczehenhundert jar darnach in dem ainsvndneunczigstem jare am sant Simons vnd Jude tag der heiligen
zwelfpoten vnser reichs des Behemischen in dem ainsvndneunczigsten jare Vnd des Romischen in dem sibendem jare Vnd der ander lautet also Wir Wenczlaw von gots gnaden Romischer künig zu allenczeiten merer des Reichs vnd künig
zu Behem bekennen vnd tůn kunt offenbar mit disem brief allen den die In sehen oder horen lesen das vns die Edeln Alssö vnd friderich gebrüder von vnsere lieben getreuen mit demütigem fleiss gebeten haben das wir den Ersamen Vnd geistlichen Ebtiss
sin vnd Conuent des closters sant Clarn in der stat zu Eger günnen vnd erlauben gerüchten das sie das dorff Ober Erbossenreut in dem land zum Elbogen gelegen von Endresen stampach kauffen mochten das sy das vns vnd Irem closter aueygen vnd
zuzeheigen gnediclich gerüchten des haben wir angesehen der egnanten Alssö vnd friderich fleissige bete vnd haben darumb mit wolbedachtem müte vnsere fursten Edeln vnd getreuen vnd rechter wissen den egnanten Ebtissin vnd Conuents des closters
zu sant Clarn zu Eger gegünnet vnd erlaubet günnen vnd erlauben in chrafft dis briefs das sie das egnanten dorff zu Obern Erbossenreut kauffen mügen dasselbig dorff wir In auch züeigent vnd aueygent haben aueygen vnd züeigent In das in
chrafft dis briefs vns küniglicher mechte zu Behem also das die egnanten Ebtissin vnd Conuent zu sant Clarn zu Eger das egnanten dorff zu Obern Erbossenreut in fernen vir tailen mit allen seinen zügebörunge als das Endres stampach bishar Inne
gehabt vnd besessen hat haben sullen vnd das gletzlich in Iren güten ewigclich besiczen des geniessen vnd gebrauchen sullen von aller menigclichen vngehindert vnd gebieten darumb dem haubtman vnd Burggraffen zum Elbogen vnd
allen andern vnsern Ambtleuten vnd getreuen die yczund sein oder in czeiten sein werden ernstlich vnd vestigclich mit disem brief das sie die egnanten Ebtissin vnd Conuents an dem vorgenanten dorff Ober Erbossenreut nicht hindern noch irren in kainer weise
Sunder daby von vnser wegen getreulich hanthaben schuczen vnd schirmen schullen als lieb In sey vnser swere vngnade züvermeiden mit vrkund dis briefs versigelt mit vnserm küniglichen maiestat Insigel Geben zu Brelaw nach cristi geburt
dreuczehenhundert jar darnach in dem ainsvndneunczigstem jare am sant Dyonisij tag vnser reichs des Behemischen in dem ainsvndneunczigsten vnd des Romischen in dem sibendem jare Vnd wir Sigmund von gots gnaden Romischer künig
sin vnd Conuents vleissige bete vnd andacht zü rat das sy in demselben closter willig vnd andechtigclich got dem allmechtigen dienen darumb mit wolbedachtem müte gütem rate vnd rechter wissen den egnanten Ebtissin
der vorgenanten Ebtissin Conuent vnd closter zu sant Clarn zu Eger die vorgeschriben zwen brief vnd auch alle vnd yegliche Ir gnad recht begabung verleihung freiheit güter gewonheit altherkomen briefe priuilegia vnd hantfesten die sy von kaisern
vnd künigen vnd andern fursten geistlichen vnd weltlichen erworben vnd bracht haben gnediclich bestetiget verneuet befestiget vnd confirmirt bestetigen verneuwen befestigen vnd confirmirn In die von künig
licher mechte in chrafft dis briefs in allen Iren puncten artikeln geseczen vnd meynungen in aller der masse als sy alle von wort zu worte in disem vnserm brief begriffen vnd geschriben weren vnd meynen seczen vnd wellen das die egnanten Ebtissin
Conuent vnd closter vnd Ire leute vnd vnderzane furbas ewiglich daby beleiben vnd der gebrauchen sullen von allermennigclich vngehindert Vnd wir gebieten darumb allen fursten geistlichen vnd weltlichen Grauen frey
en herrn Rittern knechten Amptleuten Burgermaister steten vnd gemeinden vnd sunst allen andern vnsern vnd des Reichs vnd der künigreich vntertanen vnd getreuen ernstlich vnd vestigclich mit disem brief das sy die vorgenanten Ebt
tissin Conuent vnd closter zu sant Clarn zu Eger an Iren gnaden freiheiten rechten begabung briefen priuilegien vnd hantfesten furbas nicht hindern noch irren Sunder daby getreulich beleiben lassen vnd auch von vnsern wegen
getreulich hanthaben schuczen vnd schirmen als lieb In sey vnser vnd des Reichs swere vngnade züvermeiden vnd bey verliesung solicher pene in den obgenanten briefen begriffen Mit vrkund dis briefs versigelt mit
vnserm küniglichen maiestat Insigel Geben zu Ofen nach cristi geburt vierczehenhundert jar vnd darnach in dem dreivndzweinczigstem jare an sant michaels tag vnsers reichs des hungrischen in dem sibenvnddreissigsten
des Romischen in dem vierczehenden vnd des Behemischen in dem vierden jaren
Ad mandatum domini Regis per se Georgium Ragusinum
Cancellarius reseruata maiestati ipsius domini künig