Wir Sigmunt von gots gnaden Romischer kunig zu allenn zeiten Merer des reichs vnnd zu Vngern zu Behem Dalmacien Croacien (et)c(etera) kunig bekennen vnd thun kundt offenbar mit disem brieff allen den dy jn sehen oder horen lessen Vnnd ob
vnser kunigliche wirdikait den angeboren guter empsig jst aller vnd yeglicher des heiligen Romischen reichs getrewen(n) jres nutzes vnd eren zu meren vnd zu furdern Jedoch so sein wir billich fleissiger gaistlicher person fursehung sindt vnd wesen fur zu
wenden vnd zu furdern jres gnaden vnd gemuts zu schlaffen Dy bey freiheit vnd gnaden zu behalten Vnnd in vnser gnad mildiglich mit zutaillen dy sich zu gaistlichem leben ergeben haben das sy got den allmechtigen vmb vnsern leben dester fleissiger mugen
biten Vnnd nu fur vns kumen ist der Eerwirdige andechtige abbtissin vnd conuent des Closters zu Sant Claren zu Eger vnser lieben andechtigen erbere botschafft vns hat vns demutigklich gebeten das wir die selben abbtissin vnd Conuent alle jr gnad recht freiheit
guter gult gewonheit allterhomen brieff Priuilegia vnd hantuesten dy jr vorfaren vnd sy von vnsern vorfaren Romischen kaisern vnd kunigen vnd andern fursten gaistlichen vnd weltlichen erworben vnd her bracht haben bestetten zuuerneuen zu bestetigen vn(d) zu confirmirn
vns gnediglich geruchten Vnd nemlich zwen brieff kunig Wenczlaus vnsers lieben bruder seligen dy wir wort zu wort hirin(n) geschriben(n) sein(n) Vnd der erste laut also Wir wenczlaw von gots gnaden Romischer kunig zu allen zeiten merer des Reichs vnd kunig zu Behem
bekennen vns thun kundt offenlich mit disem brieff allen dy jn sehen oder horen lessen das wir von wegen der gaistlichen Eptissin maisterin vnd conuent des Junckfrawen Closters zu Eger Sant Claren ordens gelegen in Regenspurger bistumb vnsern lieben andechtigen demutigklich gebet
ten sein das wir jn vnd jrem Closter ainen brieff den sy haben von seliger gedechtnuss dem allerdurchleuchtigisten fursten vnd hern hern karel(n) Römischen kaiser vnd kunig zu Behem vnserm lieben hern vnd vater zuuerneuen zu bestetigen zu bestetigen vnd zu confirmiren gnedi
glich geruchten der da wort zu wort also lautet als hernach geschriben(n) stet Wir karel(n) von gots gnaden Romischer kaiser zu allen zeiten Merer des reichs vnd kunig zu Behem bekennen vnd thun kundt offenlich mit disem brieff allen dy jn sehen oder horen lessen das wir von wegen
der gaistlichen der Eptissin maisterin vnd Conuent des Junckfrawen Closters zu Eger sant Claren ordens gelegen in Regenspurger bistumb vnser lieben andechtigen demutigklich gebeten sein das wir jn vnd jrem Closter sulche hantuesten vnd brieff dy sy haben von Romischen kaisern vnd kunigen
vorfaren von dem reich vnd andern andechtigen erbirgen cristenleuten uber dy dorffer Drozaw Vluchsgrun Vnd baide Schossenrewt vnd auch ander jrer guter freiheit recht gnad vnd angeboren erworben vnd erbracht vnd alles das in den egnanten hantuesten vnd brieffen
begriffen ist gnediglich geruchten zu bestetigen des haben wir got zu lob vnser vnd vnsern vorfaren vorfarn in dem reich seln zu hail vnd zu trost mit wolvorbedachtem mut vns vnsere getrewen rethe wissen vnd kaiserlicher macht den obgnten Ebtissin maisterin conuent
vnd Closter sulche hantuesten vnd brieff mit allen freiheiten recht gnaden vnd zugehorungen vnd auch alles das darynne begriffen ist gelaubwirdig als ob sy von wort zu wort in disen brieff begriffen weren Vnd sunderlich dy dorffer Drozaw Vluchsgrun vnd Schossenrewt
mit andern jren dorffern vnd zugehorungen wy dy gnant ader wo dy gelegen sein Als sy dy redlich(n) herbracht haben gnediglich bestetiget vnd confirmirt Bestetigen bestetigen vnd confirmiren auch mit disem brieff Darumb verbieten wir allen fursten gaistli
chen vnd weltlichen Grauen freyen Rittern knechten haubtleuten Amptleuten Burgermastern gemainen der stete sunderlich den Amptman vnd der stat zu Eger vnd andern vnsern vnd des Reichs getrewen dy nu sein ader in zeiten werden das sy dy egnanten Ebtissin
Maisterin Conuent vnd jr leut an irer recht gnad freiheit angeboren ader beschedigen sullen in kainer weiss als lib jn sey vnser vnd des reichs swere vngnad Vnd dy puss zehen marck goldes dy halb in vnser vnd des Reichs kamer Vnd die ander halb tail den clagern gefallen
sulle als offt die yeglicher vermessen wolden mit orkund dises brieffs versigelt mit vnser kaiserlichen maiestat Insigell Der geben jst zu Nurnberg Nach Cristi gepurt Dreyzehenhundert Jar darnach In dem dreyvndsibenczigisten Jare an vnsers hern Auffart tag vnser reichs
In dem sibenvndzwainczigisten vnd des kaisertumbs in dem achtzehenden Jare Des haben wir angesehen ir vleissige redliche vnd demutige bethe Darvon got zu lob vnd zu eren der vorgenandt vnsere lieben frawen vnd vater vnd ander vnsere vorfaren von dem reich vnd vnsern selen
zu hail vnd zu trost Vnd haben darumb mit wolbedachtem mut guten rate vnd rechter wissen den obgeschriben brieff vnd alle ander brieff von wem sy dy haben als sy dy recht vnd redlich erworben vnd herbracht haben in allen jren maynung begreiffung artickel vn(d) puncten
gleicherweiss als ob sy von wort zu wort in disem vnsern brieff begriffen vnd geschriben weren gnediglich erneuet bestetet bestetiget vnd confirmirt erneuern bestetten bestetigen vnd confirmirn In dy krafft dises brieffs Doch vnschedlich(n) vns vnd allen andern an
Vnsern vnd jren rechten Vnd gebieten darumb allen fursten gaistlichen vnd weltlichen Grauen freyen Rittern knechten haubtleuten Amptleuten Burgermastern gemainen der stete Vnd mit namen dem haubtman vnd der stadt zu Eger vnd allen andern
vnsern vnd des Reichs getreuen vnd vntertanen dy nu sein ader in zeiten werden Das sy dy egnanten Ebtissin Maisterin conuent ir closter vnd leut widder vnser besetzunge vnser gnad recht hirin(n) angeboren noch beschedigen sullen in kainer weiss als lib jn vnser
vnd des reichs swere vngnad vnd dy puss dy in der vorgenandt vnsers vaters brieff begriffen ist wolden vermeinden Mit orkund dises brieffs versigelt mit vnser kuniglichen maiestat Insigell Der geben ist zu Eger Nach Cristi gepurt Dreyzehenhundert Jare darnach In
dem Zwayvndachtczigistem Jare an Sant Symonis vnd Jude tag des hailigen zwelffpoten vnsers reichs des Behemischen In dem zwainczigisten Jare Vnd des Romischen In dem sibenden Jare Vnd der ander lautet also Wir wenczlaw von gots gnaden Romischer kunig
zu allenn zeiten Merer des Reichs vnnd kunig zu Behem Bekennen vns thun kundt offenlich mit disem brieff allen den dy jn sehen ader horen lessenn Das vns dy erbern Althard vnd pfarner(n) holczschuher vnsere lieben getreuen(n) mit demutigem vleiss gebeten
habenn Das wir den Ersamen vnd gaistlichen Ebtissin vnd Conuent des klosters Sant Claren in der stadt zu Eger gunnen vnd erlawben geruchten(n) das sy das dorff obirschossenrewt In dem land zu Eger gelegen von den Erbern Brawpotz
heussen mockern vnd jn das vmb ainen schatz zuaygen(n) vmb zutauschen gnediglich geruchten(n) Des haben wir angesehen der obgenanten Ebtissin vnd pfarner(n) vleissige bethe Vnd haben darumb mit wolbedachtem mut vnsern fursten
Edeln(n) vnd getreuen(n) vnd rechter wissen den egnanten Ebtissin vnd conuent des klosters zu Sant Claren zu Eger gegunnet vnd erlawbet gunnen vnd erlawben In krafft dises brieffs Das sy das egnante dorff zu obirschossenrewt kauffen mugen
Das selbige dorff von jn auch zuaygen(n) vnd zugetrewen habenn zubesitzen vnd zu eygen jn das In krafft der brieffs vnd kuniglicher macht zu Behem also das dy egnanten Ebtissin vnd Conuent zu Sant Claren zu Eger das obgnante dorff
zu obirschossenrewt in jren jren rechten mit allen seinen zugehorunge als das Eidelin Brawpotz bissher jnnegehabt vnnd besessen hat habenn halden(n) vnd als glaiche andern jren gutern nuczlich besitzenn des geniessenn vnd gebrauchen(n)
sullenn von allermeniglich(n) vngehindert Vnd gebieten darumb dem haubtman vnd Burgern zu Eger Vnd allen andern vnsern Amptleuten vnd getreuen(n) dy yzundt sein ader in zeiten sein werden(n) ernstlich vnd vestig
lich mit disem brieff Das sy dy egnanten Ebtissin vnd Conuent an dem vorgenanten dorff obirschossenrewt nicht hindern noch jrren In kainer weiss Sunder sy bey von vnsern wegen getreulich hanthabenn schuczenn vnd schirmen sullenn
als lib jn sey vnsere swere vngnad zuuermeiden(n) Mit orkundt dises brieffs versigelt mit vnser kuniglicher maiestat Insigell Geben zu Gorlitz Nach cristi gepurt dreizehenhundert Jare darnach In dem Achten Jare des Sonnabends noch Sant
Francisc(us) tag vnsers Reichs des Behemischen In dem Sechsundzwainczigistem Jare des Romischen In dem dreyvnddreyssigistem Jare Des habenn wir angesehen der vorgenanten Ebtissin vnd Conuent redliche bethe vnd auch
betrachtet das gute dinst In dem selbigen kloster redlich vnd erbarlich gehalden(n) vnd vorbracht wirt Darumb mit wolbedachtem mut guten rate vnser fursten Edeln(n) vnd getreuen(n) vnd rechter wissen habenn wir der vorgenanten
Ebtissin Conuent vnd kloster zu Sant Claren zu Eger dy vorgeschriben zwen brieff vnd auch alle vnd igliche jr gnade rechte begabung verleihung freiheit statte gute gewonheit allterhomen brieff priuilegia vnd hantuesten dy jre
vorfaren vnd sy von Romischen kaisern vnd kunigen vnd andern fursten gaistlichen vnd weltlichen erworben vnd redelich herbracht habenn gnediglich bestetiget verneuet bestetigt vnd Confirmirt Bestetigen verneuenn
bestetigenn vnd confirmirn jn dy vnnd kuniglicher macht In krafft dises brieffs In allen jren puncten artickeln gesetzen vnd maynungen In aller der mass als sy alle von wort zu wort in disem vnserm brieff begriffen vnd geschriben werenn
Vnd maynenn seczenn vnd wollenn Das dy egnanten Ebtissin Conuent vnd kloster vnd jre leut vnd vntertan furpass ewiglich darbey beleibenn vnd der gebrauch(n) sullenn von allermeniglich vngehindert Vnd wir gebieten darumb
allenn vnd iglichen fursten gaistlichen vnd weltlichen Grauen freyen herren Rittern knechten Amptleuten Burgermastern Steten vnd gemainden vnd sust allen andern vnsern vnd des reichs vnd ander vnser kunigreich vndertanen
vnd getreuen(n) ernstlich vnd vestiglich mit disem brieff Das sy dy vorgenanten Ebtissin Conuent vnd kloster zu Sant Claren zu Eger an jren gnaden freiheiten rechten begabung brieffen priuilegien vnd hantuesten furpass nicht hindern
Noch jrren sunder sy darbey getreulich beleiben lassenn vnd auch von vnserm wegen getreulich hanthaben schuczen vnd schirmenn Als lib jn sey vnser vnd des Reichs swere vngnad zuuermeiden(n) Vnd der verliesung sulcher Pene In den
obgnten vnsers bruder brieffen begriffen(n) Mit orkundt dises brieffs versigelt mit vnser kuniglicher Maiestat Insigell Geben zu Ofen Nach cristi gepurt vierzehenhundert Jare vnd dornach in dem dreyvndzwainczigistem Jare
Am Sant Michahels tag vnsers Reichs des Hungarischen In dem Sibenvnddreyssigistem des Romischen In dem vierzehendem Vnd des Behemischen In dem vierden Jare

Wir Vlrich Abbt des Waldsassen Ordens von Cistel Regenspurger bistumbs Bekennen offenlichen an dem Vidimus wann wir den hawtbrieff
dises obgeschriben abschriffte an kuniglichen an hangenden Insigel pergamen vnd geschrifte vnbetrug vngebroch vnbefleckt mackel vnd tadel
frey gesehen mit vleiss beschawt neben der abschriffte verhort vnd das der selbig hawtbrieff In allen puncten stucken vnd artickeln von wort
zu wort von diser gegenwertige abschriffte anzaigt Nym hat nicht daran verhandelt darzu gethan ader darzu gesaczt dadurch der syn
der verstendlikait verendert ader geirret ist erfunden haben So haben wir zu orkundt Das vidimus mit vnser Ebbtey hieronden anhang
enden Insigel besigelt vnnd doch vnserm hawt vnd Insigel on schaden Bescheen vnd gegeben In vnser lieben frawen
abent Himmelfart Nach Cristi geburt Tausent vierhundert Vnd In dem Achtczigisten Jare