In nomine domini Amen. Nos Johannes dei et Apostolice sedis gratia Luthomyslensis Ecclesie Episcopus. Ad uniuersorum tam presencium quam futurorum noticiam peruenire volumus per presentes. Quod nos attendentes deliberacione matura litteras sanctissimi in Christo patris et domini domini Innocencij pape sexti receptas continencie et tenoris infrascripti. Innocencius
episcopus seruus seruorum dei. Venerabili fratri Johanni Episcopo Luthomyslensi ac dilectis filijs Johanni Abbati et Conuentui Monasterij Aule regie Cisterciensis ordinis Pragen(sis) dioc(esis) Salutem et Apostolicam benedictionem. Ecclesiarum et Monasteriorum omnium comodis libenter intendimus. ex quo a nobis pro ipsorum vtilitate pura
primitus postulata fauore condignius spemur. Dudum siquidem pro parte uestra filij Abbas et Conuentus nobis exposito quod uos habebatis in dioc(esi) Luthomyslensi quoddam Castrum dictum Landisperg. et quedam opida munita et non munita. uepote Landisperg. Friburg. Hohenstat. Tribouiam et Babiloniam necnon
Campestres in Gwidow et Epanidow. et quamplures alias uillas et Juribus et pertinencijs dicti Castri Landisperg existentia ad uos Abbatem et Conuentum uestrumque Monasterium cum omnibus Juribus et pertinencijs eorum pleno Jure spectantia. que omnia dudum eidem Monasterio donata et tradita fuerant per cla
re memorie Wenceslaum Regem Boemie eiusdem Monasterij fundatorem que ita a dicto Monasterio per tres dietas distare noscebantur quod uos Abbas et Conuentus tam propter huiusmodi distanciam quam propter dicti Castri Landisperg quod forte extitit plerisque per officiales Regni Boemie plerisque per Nobiles
patriam illarum tenentes confutatum prout ex euidenti uide emolimenta ex ipsis magis difficultatibus laboribus et expensis percipiebatis quinymo eorum occasione plura dampna et pericula maxima subiebatis et ad magnam eciam deducti eratis paupertatem. propter que inter uos Abbatem et Conuentum se
pius. et deinde per uos cum dilectis filijs Abbate et Conuentu Monasterij Sedlicensis ordinis et dioc(esis) predictorum. cuius Abbas dicti Monasterij uestri paterabbas existit necnon Capitulo generali dicti ordinis ac in specialibus ad hoc per dictum Capitulum specialiter deputatis tractatum fuerat et eciam delibe
ratum. dummodo super hoc ab apostolica sede possetis licenciam obtinere. ad uos Abbas et Conuentus Castrum et bona predicta permutare pro alijs bonis eidem Monasterio uestro magis utilibus et vicinis. et presertim tecum frater episcope qui ad hoc nomine Ecclesie tue Luthomyslensis intendebas seu quibuscumque alijs cum quibus uos
Abbas et Conuentus ordinacionem dicti uestri Monasterij possetis facere meliorem. et a nobis pro parte uestra Abbas et Conuentus faciendi permutacionem huiusmodi licencia humiliter postulatur. Nos uenerabili fratri nostro .. Archiepiscopo Pragen(si) et dilectis filijs .. Cistercien(si) et Morimondi Cabilonen(sis) et Lingonen(sis) dioc(esis) Mona
steriorum Abbatibus tunc certis proprijs nominibus non expressis dedimus per nostras litteras in mandatis ut ipsi uel duo aut vnus eorum per se uel alium seu alios de premissis omnibus et singulis uocatis de bonis huiusmodi eidem Monasterio magis utilibus et vicinis pro quibus uos Abbas et Conuentus pro dicto
uestro Castro et bonis deliberaretis seu tractaretis permutare et de ipsorum ueritate et ualore ac eciam huiusmodi permutacio in utilitatem dicti Monasterij et ac eiusdem Luthomyslensis uel alterius Ecclesie cum qua forsan permutacionem huiusmodi deliberari seu tractari contingeret cederet. et de premissis omnibus circumistan
cijs vniuersis se diligenter informare et quecumque super hijs per informacionem huiusmodi reperirent nobis suis litteris dictarum litterarum nostrarum seriem continentibus quatinus intimare curarent. Postmodum uero Venerabilis frater noster .. Archiepiscopus Pragen(sis) et dilecti filij Johannes Sedlicen(sis) et Eburhardus
Pomucen(sis) Monasteriorum ordinis et Pragen(sis) dioc(esis) predictorum Abbates quibus Johannes et Eburhardus Abbatibus dilecti filij Johannes Cistercien(si) et Thomas Morimondi Monasteriorum predictorum Abbates super hijs commiserant plenarie uices suas nobis per suas patentes litteras suo nostroque seriem continentes eorum sigil
lis munitas litteras retulerunt. se super premissis omnibus et singulis diligencius informasse dictarum litterarum nostrarum et commissionis vigore. sequi per informacionem huiusmodi repperisse quod Castrum. Opida uille bona Jura et pertinencie supradicta. exclusis et exceptis dictis uillis Gwidow et Epanidow quas uos Ab
bas et Conuentus propter ipsarum uillarum a dicto Monasterio modicam distanciam et vicinitatem necnon magnam eorum utilitatem et fertilitatem uobis ipsis prouenientem in huiusmodi permutacionem uenire et transire nolebatis a predicto Monasterio per tres dietas uulgares distabant et quod propter hoc multa
dampna patiebatis emolimenta que ex dicto Castro et alijs eius pertinencijs predictis percipiebatis. et alias causas premissas in dictis uestris litteris contentas dudum per uos Abbatem et Conuentum inter uos sepius. et deinde cum paterabbate et Capitulo et in specialibus supradictis tractatum et deliberatum fuerat quod
per uos Abbatem et Conuentum Castrum et bona predicta permutarentur pro alijs bonis uobis et Monasterio uestro magis utilibus et vicinis et presertim cum te Episcopo supradicto et quod subsequenter inter te Episcopum cum consensu dilectorum filiorum Capituli tue Luthomyslensis Ecclesie ex parte vna et uos Abbatem et Conuentum cum
consensu et auctoritate dicti Johannis paterabbatis ex altera coram eodem .. Archiepiscopo et Sedlicen(si) et Pomucen(si) Monasteriorum predictorum Abbatibus tractatum fuisse et eciam concordatum. quod ex causa permutacionis huiusmodi per uos Abbatem et Conuentum Castrum predictum cum dictis Opidis uillis Juri
ribus et pertinencijs suis exceptis predictis uillis de Gwidow et Epanidow. quas uobis et Monasterio uestro ex causis premissis ut prefertur reseruabatis. eidem tibi Episcopo nomine dicte Mense tue et dicti Capituli cum dictis alijs Juribus et pertinencijs propter eam sitam et vicinitatem quam habent cum bo
nis alijs Mense predicte et potissime tibi Episcopo ipsi Mense maiora emolimenta utilitatem et ualorem quam sint uel esse possint dicto Monasterio. Luthomyslensi alteri Ecclesie cedere. Et uersa uice per te Episcopum tradantur uobis predictis Abbati et Conuentui et Monasterio uestro predicto uilla Osek que est uicina contigua
et adiacens bonis dicti Monasterij Auleregie et ab ipso Monasterio uix per vnam leucam distare dinoscitur. necnon uilla de Fausshab ad dictam Mensam spectantes et in et super uillis Vgezd et Ossek ad ipsam eciam Mensam spectantibus que per vnam et dimidiam dietam a dicto Monasterio Auleregie distare assig
natur per te Episcopum uobis Abbati et Conuentui annuus Census seu redditus Centum Sexaginta grossorum Pragen(sium) pro te Episcopo et successoribus tuis Episcopis Luthomyslensibus qui pro tempore fuerint proprijs sumptibus et expensis uobis predictis Abbati et Conuentui in Ciuitate Pragen(si) annis singulis in duobus terminis uidelicet medie
tas in sancti Georgij et alia medietas in sancti Galli festiuitatibus persoluendus. ea condicione adiecta quod Luthomyslensis Episcopus qui pro tempore fuerit uobis Abbati et Conuentui infra decennium alios redditus eiusdem summe. Centum Sexaginta grossorum predictorum qui assignari debent super dictis uillis Vgezd et Ossek in
loco alio non distanti ultra dimidiam dietam a prefato Monasterio Auleregie uel uos Abbas et Conuentus hoc duceritis acceptandum. cum pleno Jure et dominio comparare et emere teneatur. et quod huiusmodi uille ad dictam Mensam spectantes longe magis sunt uicine dicto Monasterio Aule
regie quam eius Castrum et bona alia supradicta et inde eciam longe plura et maiora emolimenta Monasterium ipsum habere poterit quam pariter consueuerit ex Castro et eius pertinencijs supradictis. quodque huiusmodi permutacio si eam de licencia nostra fieri contingat cedit in pregrande comodum et utilitatem no
modicam Mense et Ecclesie Luthomyslensis ac Monasterij Auleregie predictorum. Quare pro parte uestra necnon predictorum Cistercien(sis) et Morimondi Abbatum qui nobis eciam per suas patentes litteras retulerunt se plenarie informatos quod dicta permutacio si de licencia nostra ut premittitur fiat cedit in utilitatem Men
se et Ecclesie Luthomyslensis ac Monasterij Auleregie predictorum. fuit nobis humiliter supplicatum. ut uobis faciendi permutacionem huiusmodi licenciam concedere dignaremur. Nos itaque premissa omnia diligencius attendentes ac cupientes predictorum Ecclesie et Monasterij Auleregie utilitatibus prouidere. huiusmodi
supplicacionibus inclinati permutacionem huiusmodi saluis constitucionibus Benedicti pape xij. predecessoris nostri et quibuscumque alijs constitucionibus. necnon statutis et consuetudinibus Ecclesie Monasterij et ordinis predictorum contrarijs nequaquam obstantibus. faciendi et perficiendi eam solempnitatibus in talibus fieri con
suetis et eciam oportunis plenam et liberam uobis auctoritate apostolica licenciam elargimur. Nulli ergo omnino hominum liceat hanc paginam nostre concessionis infringere uel ei ausu temerario contraire. Siquis autem hoc attemptare presumpserit indignacionem omnipotentis dei et beatorum Petri et Pau
li apostolorum eius se nouerit incursurum. Dat(um) Auinion(e) .vij. kalendas Nouembris Pontificatus nostri Anno Quarto. Quam quidem litteram apostolicam vigore et auctoritate nos deliberato ac sano et maturo Capituli nostri consilio prehabito cupientes nobis ac nostre Luthomyslensi Ecclesie et Mense nostre et nichilominus pro uita
salutis augmento felicis recordacionis dictorum principum de predicto dicto apostolico indulto et licencia palam ad hoc eciam vna cum clementi Serenissimi principis domini nostri domini Karoli Romanorum Imperatoris semper augusti et Boemie Regis accedente uoluntate et consensu Cum Venerabili viro et domino Vlrico dicto Johanne
tunc Abbate. fratreque Petro Johanne quondam Abbate. Laurencio olim priore Johanne subpriore. Cweno. Hermanno de Sittauia. Vlrico de Praga. Hermanno priore in ualua. Henrico Ebrhardo. Andrea. Michaele olim Abbate. Ebero suppriore. Johanne Magistro lapidum. Andrea cantore. Ebero in Slaye. Johanne Magistro curie
ne in Luthina. Nicolao Camerario. Henrico portario. Nicolao Cantore. Venceslao Custode. Jacobo succentore. procopio subcustode. francisco. phiniano. Johanne subcelerario. frentzlino. Vlrico. Venceslao de Monte Chlumis. Jacobo de Praga. francisco Magistro Nouiciorum. Johanne Smelcero. Conrado infirmario
Johanne Capellano Abbatis. francisco Vestiario. Jacobo de Praga. Vlrico suppriore. Nicolao palacio. Jacobo subcamario. Nicolao hamburgo. Johanne Orelin. Laurencio ponderatore. Johanne Braseatore. necnon cum Conuentu Monasterij Auleregie Cisterciensis Ordinis Pragen(sis) dioc(esis) casum permutacionis
et tractatum permutacionis certas uillas et possessiones prout inferius exprimitur clarius ad nostram Mensam pertinentes pro Castro Landisperg. et suis pertinencijs similibus in sepe expressatis cum consensu Capituli nostri Luthomyslensis diligenti deliberacione preuia et solempni tractatu prehabito et premissis. et
auctoritate Reuerendi in Christo patris et domini domini Arnesti sancte Pragen(sis) Ecclesie Archiepiscopi pro utilitate Ecclesie et Mense nostre faciendam duximus et facimus realiter cum eisdem In primis. Nos Johannes Episcopus predictus vpi nomine inuocato prefatis dictis Johanni Abbati totique Conuentui et Conuentui Monasterij
Auleregie predicti nomine eiusdem Monasterij recipientibus pro Castro eorum predicto Landisperg. ac Opido Landisperga. necnon et uillis Campestribus. Nouadorf. Jarsdorf. Votzreichestorf. Lupi. Aqua. Jarsdorf. Hermansdorf. superiori. Hermansdorf. inferiori. Herwicusdorf. Albrechtesdorf. Czaslaw. Griblingesdorf.
Luthaw. Rudelsdorf. Opid(o) Vribenstat. et uillis Bultaw. et Ebrechtesdorf. Jarsdorf. Libental. Dertreschaw. Knappendorf. Herwrechesdorf. Seyfridesdorf. Tichaw. Mrozlaw. et inclito Curijs uille Gerhardi. Opido Tribouia Boemicali. et uillis Campestribus. pamb superiori. pamb inferiori. Andreedorf. Rygelsdorf.
Kuniggesfeld. Helwigesdorf. Ribnik. Zbore. Longa Tribouia. et Opido Babilona. et uillis Campestribus. pertholdesdorf. Valtersdorf. Schmekendorf. ac Wermansdorf. Necnon uillis Cunczendorf. petersdorf. ac uilla Malyn. et cum omnibus alijs bonis que ad Castrum et Jurisdiccionem Castri Landisperg predicti perti
nant eius ab antiquo spectasse et pertinuisse dinoscuntur eciam si per eorum negligencia seu longo tractu temporis ab eis alienata. et a quibusuis persone cuiuscumque status ac condicionis extiterint inuasa et vsurpata noscuntur et per eos eciam possessa non fuerint. Quos recuperatio et repetitio quocumque Jure titulo illud
prouide et licite fieri poterit ad nos et successores nostros Luthomyslen(ses) Episcopos pro usibus Mense Ecclesie Luthomyslensis libere et simpliciter pertinebit et pertinere debebit infrascriptas uillas uidelicet. Batis. Nouabela. Lirpna. et Cigenhus cum attinencijs earum dumtaxat exceptis que apud Monasterium Auleregie prius habentur. Illis quoque
Juribus et pertinencijs dicti Castri Landisperg existentibus. cum omnibus et singulis suis Juribus et pertinencijs. ad predictos Abbatem et Conuentum ac ipsorum Monasterio Auleregie ex donacione quondam clare memorie domini Venceslai secundi. Regis Boemie. Illustris spectantibus Gwidow et Epanidow. uillis exclusis
et exceptis quas predicti Abbas et Conuentus sibi ac Monasterio eorum propter easdem uillas a dicto Monasterio modicam distanciam et uicinitatem necnon magnam eorum utilitatem et fertilitatem ipsis ex eis prouenientem reseruarunt et reseruant et in huiusmodi permutacionem uenire et transire noluerunt et nolunt uilla
uidelicet Osek uicinam contiguam et adiacentem bonis dicti Monasterij Auleregie per nos tunc et Canonabiliter de rebus et bonis nostris proprijs et diuine dispensacionis munere nobis collatis. et in euitu prout in se aquisitis nuper emptam et comparatam et ad nostram Mensam prout in se spectantem cum eorum vero domi
nio et proprietate ac cum omnibus et singulis redditibus prouentibus agris cultis et Jncultis pratis pascuis siluis Rubetis fluuijs piscinis Riuulis et Aquarum decursibus piscarijs et piscacionibus fructibus. Venacionibus obuencionibus et emolimentis. Necnon cum omnibus et singulis suis Juribus et pertinen
cijs appendicijs vniuersis sicut eandem ab honestis uiris dictis Cuncz Pragen(sibus) ciuibus emptionis titulo comparasse dinoscimur. et uillam Fausshab ad Mensam nostram specialem spectantem cum Jure et dominio Censibus usufructibus Redditibus utilitatibus prouentibus honoribus obuencionibus Juribus et pertinencijs
suis eo Jure quo ad Mensam nostram specialem dicta uilla pertinuit primitus. et predictis Abbati et Conuentui ac eorum Monasterio pro dicto eorum Castro Opidis uillis Juribus et pertinencijs suis Gwidow et Epanidow. uillis ut prefertur exceptis et exclusis uere permutacionis titulo. tradimus et donamus. Et de ipsis uillis
Osek et Fausshab eis condescendimus et easdem uillas ipsis libere resignamus ac in eos et eorum eorum Monasterium Auleregie ex causis huiusmodi permutacionis transferimus pleno Jure habendas tenendas possidendas et usufruendas per dictos Abbatem et Conuentum perpetuis temporibus. ac ad possessionem ipsorum eorumque aucto
ritate propria apprehendendam et disponendam de eisdem uillis et bonis tamquam de ipsorum rebus et bonis proprijs libere pacifice et quiete. Jtem nos ex causa et titulo et uigore predicte permutacionis in et super uillis nostris Vgezd. et Ossek ad prefatam nostram Mensam specialem spectantibus que per vnam et dimidiam dietam
a dicto Monasterio Auleregie distare noscuntur predictis Abbati et Conuentui Monasterij Auleregie Annuum Censum siue Redditum Centum Sexaginta grossorum denariorum Pragen(sium) tam in parata pecunia. quam alijs certis Rebus et utilitatibus consistentem cum plenissimo Jure potestate et dominio assignamus
tradimus et donamus. Ea tamen condicione adiecta. quod nos Luthomyslensis Episcopus predictis et qui fuerit pro tempore predictis Abbati et Conuentui infra decennium a data presencium inmediate computandum alia bona libera seu alias possessiones et certas liberas annalium Reddituum seu Censuum Centum Sexa
ginta denariorum predictorum loco predicti annui Census seu Reddituum Centum Sexaginta pragen(sium) denariorum que in et super dictis uillis Vgezd et Ossek eis assignamus donamus et tradimus ut prefertur in loco alio non distanti ultra dimidiam dietam a prefato Monasterio Auleregie. ubi predicti Abbas et Conuen
tus hoc acceptandum duxerint. cum pleno Jure et dominio emere et comparare teneamur post quorum bonorum Censuum et Reddituum ut predicitur emptionem et predictis Abbati et Conuentui tradicionem statim ipso facto predicti Census et Redditus Centum Sexaginta grossorum predictorum per nos in dictis uillis
ipsi Abbati et Conuentui Monasterij Auleregie ut prescribitur assignati donati et traditi ad nos et dictos nostros successores et ad Mense Luthomyslensis Episcopi proprietatem per omnia prout ante contractum presens pertinebant sine impedimento et contradictione quibuslibet libere reuertantur. Jta quod ex tunc ipsi Abbas
et Conuentus Monasterij Auleregie in eisdem uillis Vgezd et Ossek ac ipsorum Censibus Redditibus et pertinencijs quibuslibet nullum penitus Jus seu actionem sibi poterunt quomodolibet uendicare. Si autem infra decennium prefatum nos uel successores nostri Luthomyslen(ses) Episcopi alia bona libera seu alias possessiones et certas
liberas annalium Censuum Centum Sexaginta predictorum Abbati et Conuentui ac eorum Monasterio non emeremus nec comparare ut prefertur extunc ipsi Abbas et Conuentus Monasterij prefati predictos Redditus et census Centum Sexaginta grossorum denariorum in et super dictis uillis eis demonstratos traditos et donatos
imperpetuum ut ueros et meros eorum proprios et hereditarios Census et Redditus absque contradictione qualibet ad eorum usus plenissime retinebunt. in quo per nos successores nostros prefatos et Ecclesiam nostram Luthomyslensem non debebunt nec poterunt predicti quomodolibet impediri. Volentes igitur dictos Abbatem
et Conuentum ac ipsorum Monasterium Auleregie certiores reddere et securos. promittimus bona fide pro nobis et successoribus nostris huiusmodi permutacionis contractum et singula in eo contenta rata grata et firma perpetuis temporibus tenere habere et inuiolabiliter obseruare. et predictos Abbatem et Conuentum ac ipsorum
Monasterium super predictis contractu et omnibus et singulis in eo contentis nullo unquam tempore quacumque actionem litem questionem seu controuersiam de cetero facere eciam per iniquos Ecclesiarum et secularium mandatorum uel requisicionem per nos clam seu alios mouere uel inferre. aut mouenti seu inferenti.
prestare consilium auxilium uel fauorem. uel eidem seu eisdem inferenti seu inferentibus consentire nec contra premissa aut quolibet premissorum facere uel uenire. per nos alium uel alios publice uel occulte directe uel indirecte in Judicio uel extra Judicium de Jure uel de facto aliqua racione.
causa uel Jngenio uel alio quouis quesito colore predictos Abbatem et Conuentum ipsorumque Monasterium super dicta permutacione et omnibus et singulis in ea contentis. aut super quibuscumque alijs dictum permutacionis contractum concernentibus quocumque nomine appellentur non impetere nec molestare.
aut in quietare uerbis uel facto nec controuenire neque contra ipsos super premissis et premissorum quolibet aliquas litteras impetrare nec eciam litteris ita impetratis. Renunciamus insuper sponte et libere ac ex certa sciencia exceptioni doli mali et auxilio seu suffragio circumuencionis et decepcionis ex
quacumque causa et qualitercumque competentibus et competenti et cuiuscumque suppletione implorandi officio et beneficio petendi restitucionis in integrum et cuiuscumque allegacionis promissionis contra huiusmodi permutacionis contractum et omnia et singula suprascripta. et generaliter omni alij Canonico siue
uel legi aut facti actioni exceptioni defensioni auxilio et beneficio. necnon statutis consuetudinibus. bonam possessionem et consuetudinibus quibuscumque quibus possem contra predicta uel predictorum aliquid facere uel uenire. aut nos de Jure uel de facto qualitercumque et quomodocumque iuuare uel defen
sare uel tueri In quorum omnium Robur perpetuum validum et testimonium euidens presentes fieri fieri et nostri Capituli quoque nostri sigillis appensis iussimus roborari. Rogantes nichilominus Reuerendum in Christo patrem et dominum nostrum dominum Arnestum sancte Pragen(sis) Ecclesie Archiepiscopum ut premissa omnia
et singula auctoritate approbet ratificet et confirmet. ac eciam auctoritate ordinaria ut Metropolitanus consentiat et pro ipsorum testimonio sigillum suum ad preces apponat. Et nos Arnestus dei et apostolice sedis gratia sancte Pragen(sis) Ecclesie Archiepiscopus predicte permutacioni super qua prefati dominus Johannes
Luthomyslensis Episcopus. ab vna et Abbas et Conuentus Monasterij Auleregie parte ab altera dudum nobiscum et sepius tractarunt et deliberauerunt et solempnes tractatus habiti sunt quia inuenimus ac cognouimus et cognoscamus eandem permutacionem in pregrande comodum et utilitatem magnam omnium parcium permu
tancium redundare et per ipsam permutacionem ipsarum condicionem fieri meliorem utram autrem necnon expressimus consensum auctoritate ordinaria interposuimus adhibuimus interponimus et adhibemus. eandemque permutacionem quo ad omnia et singula in eo contenta. et ipsam contingencia et concernentia in omnibus et singulis suis
Capitulis punctis sentencijs articulis et clausulis de uerbo ad uerbum ut superius exprimitur auctoritando et nostram auctoritatem interponendo ratificamus approbamus et ratificatam et approbatam ipsamque Jure modo et forma meliori quibus possumus animo deliberato non per errorem aut improuide. sed ex certa nostra scien
prefata ordinaria auctoritate confirmamus. In cuius Rei testimonium. Sigillum nostrum vna cum sigillis prefatorum domini .. Episcopi et Capituli Ecclesie Luthomyslen(sis) predictis est appensum.