In nomine domini Amen. Nos Michael donati Judex Bertholdus magremium Nicolaus Troyanus Cunczo Guttuari Bohunko Loderij Mauricius
dauid Thimo Banco Bernhardus Benessius Judias Hostassius Jaroslaus Slauko et Symon pule Ciues Jurati Noueciuitatis sub Castro pragensi Tenore
presencium recognoscimus inspecturis vniuersis et testamur. Quod discretus vir Paulus vinitor Ciuis de Lunc concinus noster coram nobis inter quatuor
scapna iudiciaria dum Judicio presideremus attestato constitutus suo et Jane vxoris sue legitime ac heredum et successorum suorum nomine super domo sua et eius
Area et pertinenciis ipsius vniuersis que sita est in Acie penes domum Vlrici bellatoris a sinistris eundo versus pontem pragensi in nostra Ciuitate vnam
marcam grauem sexagintaquatuor grossos pro eadem computando annui Census perpetui et ab omnibus collectis bernis contribucionibus vigiliis et ab aliis
quibuslibet Juribus fatigiis et angariis nostre Ciuitatis liberam et exemptam et per ipsum paulum et suos heredes ac successores singulis vicibus dum huiusmodi onera
occurrent eximendam rite ac racionabiliter pro decem sexagenis grossorum denariorum pragensium sibi plene persolutis vendidit et venditam resignauit Religiose
puelle Elizabeth de hympraticzm conuentuali sanctimonialium monasterij ad sanctum Laurencium quod et ad sanctam Annam nuncupatur in maiori ciuitate pragensi
ordinis predicatorum ad habendum tenendum vtisruendum et possidendum per ipsam Elizabeth et suos successores deinceps Jure hereditario quolibet sub condi
cionibus infrascriptis. Jta videlicet quod ipsius Census antedictus scilicet trigintaduo grossi in festo sancti Galli et alia medietas vtputa residui trigintaduo grossi
in festo sancti Galli et in Natiuitatis xpristi vnum bonum leporem aut quatuor grossos festis singulis annis inantea sub annis quolibet currentibus in omnem euen
tum de ipsis domo et Area et ad domum pertinentibus perpetuo solui debet. Et si monetam presentem depire seu immutari contigerit tunc tantum de puro Ar
gento in eisdem festis singulis similiter solui debet. Jnquocunque aut deorum festorum festo et infra octauam deinde continuam Census in hac parte debentur non persolue
retur super huiusmodi censum non solutum excrescent quatuor grossi nomine pene statim. Et simili modo prosequitur aliis singulis septimanis fiat donec huius
modi census non soluetur vna cum pena vel penis ita accrescentibus integraliter persoluetur. Pro quibus tunc huiusmodi Censu et penis non solutis Jpsa
Elizabeth virgo vel qui has super eo habuerit litteras deinde habebit et poterit sine cuiuslibet Judicis sentencia et impedimento et contradiccione quorumpium
hominum per certos suos aut Judicis nostre Ciuitatis pro euo constituti nuncium vel nuncios vel de quocunque hominum auxilio voluerit pro suo beneplacito
eundem paulum et suos heredes ac ipsius domus et Aree possessores seu inhabitatores quoslibet in ipsis domo et Area et ad domum pertinentibus
tamquam in aliis bonis suis propriis licite pignorare tamdiu quousque sibi in hac parte plenarie satisfiat. Si aut huiusmodi pignora pro vnius anni re
uolucionem in dictis domo et ad eam pertinentibus inueniri non possent vel haberi Extunc statim postea ipsa domus et eius Area cum suis Juribus
et pertinenciis vniuersis ad eum cui ipse Census et pena debentur deuoluentur quacione qualibet non obstante Jure hereditario perpetuo quolibet possi
dendis. Hoc tamen iniecto quod prefatum vnam marcam censum licebit exolue seu redimere a data presencium ad vnum annum continue voluendum
dumtaxat et non vltra. Et qui hanc litteram vice et nomine ipsius domicelle Elizabeth sub condigno et sufficienti testimonio habuit eidem
plenum Jus competit omnium premissorum. Jn cuius rei euidens testimonium et robur perpetuum presentes litteras scribi et sigillo nostre Ciuitatis sepedicte fecimus
communiri. Datum prage Anno domini Millesimo Trecentesimo sexagesimoquinto. Jn vigilia sancte Katherine virginis ac martiris gloriose.