In dei nomine am(en) Quoniam secundum apostolum om(n)es vnum corp(us) sum(us) in (christ)o debem(us) caritatis
operib(us) frequenter intendere ne scindamur ab hui(us) corporis vnitate Que eciam magis p(ro) illis sunt
necessario qui iam extra statum merendi positi transeuncium penar(um) subduntur rigori Proinde ergo
nobis fratri Nicolao preposito mon(asterii) s(an)c(t)e Marie Canonicor(um) Reg(u)larium in Rudnicz ordinis beati
augustini p(ra)gen(sis) dyoc(esis) (et) f(rat)rib(us) n(ost)ris vtile et salubre visum fuit quod pro n(ost)ri nec non Trziebonen(sis)
Mon(asterii) preteritor(um) p(re)sencium et futor(um) f(rat)ribus defunctis suffragia in missis psalmis (et) or(aci)onibus sanctis
fierent quaten(us) ydem f(rat)res gr(aci)a dei opitulante ad curie celestis gaudia celerius perueniant De frat(rum)
itaq(ue) n(ost)ror(um) necnon honorabilis viri d(omi)ni Benessij p(re)positi Monasterij p(re)nominati (et) Conuent(us) ip(s)i(us) vniuersali
(et) consensu in d(omi)no inter nos fraternitate (con)tracta decreuim(us) vt fratris p(ro)fessi vni(us) uel plurium Nostri
siue predicti Monasterij die obitus intimato psalmi (con)sueti scil(icet) verba mea et cetera in Capitulo lect(i)
vigilijs in choro et in Missa defunctor(um) pro ip(s)i(us) seu ipsorum a(n)i(m)abus cantata (con)sequenter quilibet
sacerdotum ip(s)o vel alio die leget vnam Missam Dyacones vero Subdyacones et acoliti vnam q(ui)nq(ua)gen(am)
psalmor(um) et f(rat)res (con)uersi Centum or(aci)ones d(omi)nicas cu(m) totidem Aue maria explebunt In die autem
anniuersario p(ro)ut p(re)d(i)c(t)i vigilie minores (et) vna tantum missa s(u)b nota siue (com)mendacione tenebunt(ur) nisi
quis vellet missam specialem legere q(uod) non imp(ro)bam(us) s(ed) laudam(us) Jtem decreuim(us) addicientes
ad p(re)missa vt participes efficiam(ur) in vita pariter (et) in morte Missar(um) or(aci)onum abstinenciar(um) vigiliarum
elemosinar(um) omniumq(ue) bonor(um) que in domo nostra (et) in domo sepedicta per p(re)sentes n(ost)ros diuina dignab(itur)
clemencia operari Jn p(re)missor(um) om(n)i(um) testimonium n(ost)ri (et) Conuent(us) n(ost)ri sigilla p(re)sentib(us) sunt appensa Datum
et actum Jn Monasterio n(ost)ro Rudnicz(ensi) Anno d(omi)ni Millesimo Trecentesimo Sexagesimo octauo
.xiiij. die Mensis Februarij