In Gotes name Amen. Ich Dyrich plasus purger czu prage in d(er) Großen Stat Bekenne vnd geczeuge offenbar all(e)n den dy nu sint vnd auch den dy her nach künftik werdn dy disen kegenwirtigen
pryff horn adir lesent Daz ich in gesvnd(e)m leib vnd mit guter vornunft getan vnd besatzt han meyn letstes gescheft das her nach stet beschribn von alle meym gute des doch leid nicht vil ist
denn daz haus in dem ich wone din gelegen ist am Newenmarkt czu prage czwisschen den hofstaten des andres woldan vnd des matheis im turm vnd auch kawn dreissik schok grost do mit man mir mein
heigraft tun sal dy ich laze dy mir got gebn hat to mein anwait den wille daz keyn krik nach meyn tod erste allirslich nimand dar vm wir disen erbn leuten matheis pez herma(n) peyer matheis
kparuger vnd smid von brvnn gekorn schepfen czu d(er) czeit in d(er) gnante(n) stat czu prag vnd ditz gescheft hab ich enpfolhn disen ername(n) lewten h(er)n Wenczlabn taufetnirk pfarrery czu sent
Gally kirchen vf dem egnaten Newenmarkt czu prag dem Niclas weyer in d(er) eysengasse vnd dem kanczan smit von bern purgn auch in d(er) egnante(n) stat meine(n) libn frewndn dy ich svnderlich erkorn
vnd gepete(n) han da czu mit vollem rechte daz sy sint meyn gescheftlewt dy habn sich gutlich vnd williklich vnderwundn ditz gescheftes durch got von meim pech wegen In sulch weiz daz d(er) gnant pfarrer
vnd auch eyn yelich ander pfarrer der nach im kvmt do selbs czu sent Galln vnd di czwen gnaten purger meine gnaten gescheftes sulln pflegen nach irn trewen das es nicht abegeh svnder in alln
stuckn gancz pleib vn(d) vnczuprochn Auch wenn es geschiht daz der egnaten czweier purger eyner wirt legnhaft vnd sich besorgit des todes so mak her vnd sal mit vornunft wenn her wil mit
voller gewalt nach sein sele gewissen an seyn stat kisen wen h(er) wil aus seym geslechte mit wissen des pfarrers von sent galln vnd aus des purgs seins mitgenosen d(er) nach im bleibt lebnde czu disem gescheft
Alwir stirbt her daz h(er) nicht enkoyst noch erwelt so sulln der pfarrer czu sent galln vnd seyn mitgnos d(er) purg(er) d(er) lebnde pleibt eynen and(e)rn czu in kisen auch aus dem geslechte des gescheftmanes der abget
vngekan Ist ab(er) sein frewnd keyner da mugen sy wol vnd sulln mit eigner gewalt czu in kisen eynen and(e)rn erbn man aus d(er) egnate(n) pfarr sent galln der her sey der all dink wy ich dy hy schaff mit
sampt in handel vnd ausricht nach seinen trewen Nu geb ich des ersten auf meyn gnant haus vnd hofstat sechs schok grost prager pfennynge ewiges czins czu eyner ewigen messe h(er)n herma(n) dem
prister d(er) do ist czu sent Gally daz her dy selb messe teglich sprech do selbs got czu lob wann ich meim heigraft auch also habn wil vnd in sein messe meyn gedenk vn(d) d(er) margretyn meir hausfrawen der
got gnad mit alln glaubigen Doch wem her adir eyn anderr prister d(er) nach im kvmt czu d(er) selbn messe eynen tak adir czwen in der wochen wil seyn ane messe daz mak her wol tun Auch wil ich vnd
daz meyn gnate gescheftlewt nach d(er) gnate(n) h(er)n hermans tod den egnante(n) czins der da gehort czu der v(or)benaten messe durch got sulln wileihn nach meym tod stetlich eym ersamen prister wer her sey d(er)
in sein messe vnd in seyn gepeth habe mein gedechtnisse vnd d(er) m(ar)gretyn meir hausfrawen vnd mein alvordn mit alln glaubigen seln Dornach so schaff ich daz di gescheftlewt czuhant nach meym tode
sich sulln vnderwindn meins gnante(n) haus mit sampt sein hofstat vnd sulln das vorkaufen wem sy mugen vnd waz gelts dar aus wirt nach meiner schaczunge hvndert schok grost vnd e mer denn myn dar
vm sulln sy widerkaufen dy v(or)benante(n) sechs schok groser prager pfennynge ewiges perges czinses czu der egnaten messe eym caplan wer her sey da czu sy sulln den selbn czins all yar gebn deme
selbn caplan wer der wirt halb vf sent Jurgn tak vnd daz ander halpteil auf sent Galln tak der dar nach gchant kvmt Vnd nach den selbn sechs schok grost ewiges czins sulln sy deime ab(er)
kaufen auch drey schok groser prager pfennynge ewiges perges czinses vm daz gelt daz da pleibt vbir dy sechs schok grost des egnante(n) czins Vnd der selbn dreier schocke grost ewiges czins schaff
ich czwey schok groser daz man mir ewiklich da mit dynen sal in der egnaten kirchn sent Galln alle jar achtswnt des ersten an meynem jarstage das ander am jarstage meyn egnante(n) hausfrawen
vnd denn in ye der nesten wochen q(ua)t(em)b(er) nach weinachten vnd dar nach q(ua)t(em)b(er) nach ostern q(ua)t(em)b(er) vnd denn dar nach in der nesten wochen nach phingsten q(ua)t(em)b(er) q(ua)t(em)b(er) Also daz eyn yelich dinst getan
werd mit eym vierdunge groser vnd d(er) selbn sal man gebn dem pfarrer czu sent galln syben groze seynen kankhern drey groz den schulen dy vilge singen eynen grosen von dem geloyt czwen groz vnd
vm licht czu d(er) vilge vnd auch czu d(er) messe czwen groze Auch schaffe ich daz drit vnd das lest schok grost czinses dem spruder Niclas czu sent Thomas meym svnen an seyn leib Alwer nach seyn tod sal es
ewiklich gefalln vnd werdn den pridern do selbs czu prattrye in den conuent all jar dar vm der gnant conuet denn alle jar ewiklich in sein kirchn got dyne sal vur mein sele vn(d) vur mein egnanten
hausfrawen sele an vnser paid jarstage mit vilge singen vnd mit gen lesen als gewonlich ist vbir ditz wil ich vnd schaff auch ab der gnante vorkauften czinses geid an den sechs schockn ist vnd an de(n) leste(n)
dreien schockn grost icht abeget es sy von des gnante(n) hauses wegen ad(er) von d(er) stat losung wege adir wy daz geschiht daz sal in alln czinse abegen vbir al ye eym schocke als vil sam dem and(e)rn wirt ab(er)
des czins mer denn dy newn schok grost da sulln dy v(or)benaten gescheftlewt daz vbrige durch got gebn sw sy wissen do es bestat sey durch vnser sele willn mein vn(d) mein hausfrawen des leste schaff ich auch
dy weil mein gnante haus vnd hofstat nicht vorkauft mak werdn da sulln es mein gnaten gescheftlewt hynlasen vm eynen czinsen czins den sulln sy denne wendn an meyn gnante gescheft nach irn twen
Als verr sy gelangen mak vncz der obige czins kauft wirt Als vor stet beschribn Czu waren geczeuknisse meins gnaten lesten gescheftes han ich egnant Dyrich mein eygen Infigel gehangnt an disen pryeff
vnd auch an eyner steten vestnunge des selbn geschefts daz es in alln stucken gancz pleib vnd vnczuprochn so habn di egnaten vir gekorn schepfen durch eins rechten willn von mein peth wegen Ir
eygen Infigel auch gehengnt da an der brieff ist gebn do man czalte nach cristes gepurte dreiczehn hvndert jar In dem eyn vnd sechczigsten jare eyns mitwoches des abendes sent Marien tag
Magdalenen der heiligen frawen