Nos Ferdinandus Secundus
Divina favente clementia Electus Romanorum Imperator Semper Augustus ac Germaniæ, Hungariæ, Bohemiæ, Dalmatiæ, Croatiæ et Sclavoniæ Rex, Archidux Austriæ, Dux Burgundiæ, Marchio Moraviæ,
Lucemburgensis et Silesiæ Dux Marchioq(ue) Lusatiæ. Ad perpetuam rei memoriam notum facimus tenore præsentium vniversis et singulis. Cum Imperatores, Reges, et Principes muneris his ratione teneantur
non tantum Subditorum saluti Consilio et Armis prospicere eaq(ue) quæ ad Statum Reipub(licæ) Pacisq(ue) et tranquillitatis Conservationem pertinent, curare: Verum etiam quæ ad propagandam et tuendam divini No
minis gloriam et augmentum veræ Sanctæq(ue) Religionis nostræ Catholicæ Apostolicæ Romanæ spectant indefesso studio promovere eorumq(ue) qui sub viti regulari degentes postpositis mundi voluptatibus ad
famulandum Deo sese obtulerunt et per divini verbi prædicationem aliaq(ue) Ecclesiastica Sacra munia omnium Saluti sese impendunt commodis prospicere eorundemq(ue) pios conatus studiose promovere. Et verò
accedens Nostræ Maiestatis præsentiam Honorabilis devotus syncere nobis dilectus Sigismundus Gdowsky Ordinis Beatissimæ Virginis Mariæ de monte Carmelo Commissarius Generalis humillimè
supplicans ut de benignitate nostra Cæsarea Regiaq(ue) dicto ordini Carmelitarum templum quoddam in Antiquæ vrbis nostræ Pragensis foro Scrutario, qui vulgò Dandelmarckt dicitur, situatum et
S(ancto) ad Sanctum Gallum dictum in suum spiritualem vsum una cum omnibus ad id spectantibus pertinentijs dare atq(ue) concedere clementer dignaremur. Nos itaq(ue) qui augmentum et propagationem
Sanctæ Religionis Catholicæ piorumq(ue) locorum exaltationem intensis affectamus desiderijs votis supplicantis hac in parte benigne duximus annuendum. Quapropter ex certa Nostra Scientia non per erro
rem aut improvide sed animo deliberato, sano et maturo Procerum aliorumq(ue) fidelium nostrorum accedente Consilio Authoritate Regia tanquam Rex Bohemiæ memoratum Templum ad sanctum Gallum
una cum omnibus et singulis ad idem spectantibus pertinentijs præfato Ordini Carmelitarum dedimus Concessimus, atq(ue) assignavimus prout vigore præsentium damus concedimus et assignamus ita, ut inibi
eiusdem Ordinis fratres iuxta Sacrosanctos Canones, et ipsius ritum atq(ue) institutum Deo sine cuiusvis perturbatione et molestatione perpetuò famulari nec non pijs eorum obsequijs et exercitijs publicis et pri
vatis Concionibus, et spectatæ virtutis exemplis populum docere, atq(ue) idem Templum cum omnibus iuribus et quibuscunq(ue) pertinentijs mobilibus et immobilibus quæq(ue) a Nobis cedi possunt liberè quietè plenè et integrè
in posterum et perpetuis temporibus possidere ijsdemq(ue) omnibus absq(ue) ulla exceptione pacificè uti fruiq(ue) possint ac valeant. Et propterea mandamus vniversis et singulis Superioribus et Inferioribus Officialibus
Cæterisq(ue) Subditis nostris per Regnum nostrum Bohemiæ ubilibet constitutis cuiuscunq(ue) status gradus, seu præeminentiæ extiterint: In primis verò Iudicibus nostris Regijs, Consulibus, Senatibus et reliquis
Incolis Trivrbis Pragensis præsentibus et futuris ne supradictos fratres Carmelitas in possessione sæpenominati Templi ad S(anctum) Gallum et aliarum ad id spectantium pertinentiarum, sive in personis, sive in rebus mo
lestent, nec a quopiam alio super his omnibus turbari aut quocunq(ue) modo molestari permittant: Sed potius illos iuxta hanc nostram Donationem et Confirmationem Nostro Nomine efficaciter tueantur et conser
vent. Secus sub animadversione et pœna nostra gravissima nequaquam facturi. In quorum fidem Diploma hoc manu Nostra Subscriptum Sigilli nostri Cæsarei Regijq(ue) appensione communiri Iussimus. Datum
Ad mandatum Sac(ræ) Cæs(areæ)
Maiestatis proprium
P. Hasser