Wir Karl von gots gnaden Romischer keiser zu allen zeiten merer des Reichs vnd kunig zu Beheim bekennen vnd tun kunt offenlich mit disem
briefe allen den die in sehen oder horen lesen daz wir wegen der Geistlichen der Ebtissin vnd des conuents der Nunnen sant Claren ordens zu Eger
bete an vns komen ist daz wir in vnd irem closter einen brieff seliger gedechtnisse etwenn hern Albrechts Romischen kunigs vnd auch die gna
den die er in vnd dem closter getayn hat zubestetigen gnediclichen geruchten der zu latein von worte zu worte lutet als hernach geschriben stet
Albertus dei gracia Romanor(um) Rex semper Augustus Vniuersis sacri Romani Imperij fidelibus presentes inspecturis Graciam suam et omne bo
num Quia tute illic beneficia collocantur Vbi a datore graciarum omnium expectatur eterni boni infallibilis recompensa Nos tanti p(re)mii ineffabilem
bonitatem benignius intuentes Dilectis in xp(ist)o Gardiano et fratribus minoribus necnon Abbatisse et Conuentui dominarum sancte Clare
in Egra quos et quas propter religionis vite sue flagranciam necnon caritatis affectu prosequimur intutui retribucionis eterne hanc graciam duxi
mus faciendam q(uo)d de n(ost)ris et Imperij nemoribus sibi vnam ligna ipsis necessaria sine contradiccione cuiuslibet secare recipere possint et educere
sine desidia et cottidianis vsibus applicandi Vniuersis forestarijs siue custodibus nemorum predictorum ac Iudicibus in Egra firmiter inhibentes
ne fratres siue dominas p(re)dictas aut eorum nuncios in educcione lignorum huiusmodi impediant siue aliquid racione Thelonei uel cuiuscumq(ue)
Iuris alterius requirant uel exigant ab eisdem In Cuius rei testimonium presentes litteras scribi et n(ost)re maiestatis Sigillo iussimus commu
niri Datum in Egra die s(an)c(t)i octobr(is) Anno domini Millesimo Trecentesimo Sexto Regni vero n(ost)ri Anno Nono Des haben wir durch sunder
lich andacht der egenanten Nunnen vnd ouch durch sunderliche gunst vnd gnaden die wir zu in hat in iren nachkomen vnd dem closter den selbn
brieff vnd die gnaden die darynne geschriben stehet anit wolbedachtem mute mit rechter wissen vnd keiserlicher mechte volkomenheit in allen
seinen meynung synnen puncten vnd artickeln bestetigt beuestent vnd confirmiret bestetigen beuesten vnd confirmiren mit krafft dis brieffs
also vornemclich daz sie in vnsern vnd des Reichs forsten die in allernest gelegen sein brynneholz vnd zymmerholz hawen mugen lassen
vnd vfuren so vil als sie des bedurfen von vns vnsern nachkomen an dem Reiche vnd allen vnsern amptleuten vngehindert Sunderlich von
keiserlicher andacht tun wir in die gnade daz sie nimand in dheinen zeiten wer der were an den gutern die sie zu dem closter besitzn vnd gehabt
haben vnd die sie bis her bracht haben furbaß me wider Recht hindern ansprechen oder irren sulle in dheineweis vnd sie sullen vnd mugen die
selbn ire vnd des closters guter bessern vnd in vnd dem closter nutze machen wie in das aller fuglichst ist doch vns vnd dem Reiche vnd
ouch der stat zu Eger ane schaden Vnd dorvmb gebieten wir vnsern hauptmann vnd pfleger vnd den burgern gemeinlichen der Stat zu Eger
die nu sein oder in zeiten werden ernstlich vnd festiclich bei vnsern vnd des Reichs hulden daz sie dieselbn closter nunnen vnd das closter an
denselben gnaden die beide in dem obgeschriben brieffe begriffen sein vnd ouch die wir in getan habn nicht hindern noch irren sullen noch hindern
lassen in dheineweis Sunder sie dabei von vnsern vnd des Reichs wegen getrewlichen hanthaben schutzen vnd schirmen an offte sie des be
durffen werden als lieb sie vnse groze swere vngnade wollen vormeiden Zu vrkunt diß brieffs versigelt mit vnsern keiserlichen maiestat
Ingsigel der Geben ist zu Prag nach cristus geburte drewzehenhundert jar dornach in dem zwenundsibenzigstem jare des nehsten freitags
nach gots leichnam tage vnser Reiche in dem sehsundzwenzigsten vnd des keisartums in dem achtzehendem jare

p(er) d(omi)n(u)m Imp(er)atorem
P. Jaurien(sis)