Wir Cunrad von gotes gnaden Abt der Conuent gemenlichen vnd die samppnunge vberal des closters zu Waldsassen bekennen vnd offenbaren aller mennclichen
die yczunt in czeit gegenwertiglichen oder hernach ankunfftiglichen den brieff sehent oder horent lesen daz wir mit vnser aller beratmtem rate mute vnd wille
durch vnsers closters grose ankunfftige schaden wendunge vnd frumchlichen nuczberkeit den erbern geistlichen Junckfrawen der Ebtissinne vnd dem Conuent ge
meine sant claren ordens in dem closter zu Eger vnd iren benanten closter vmb hunder vnd dreyssig schok meiser groschen der sie vns gar vnd genczlich haben gewe
ret vnd beczalt vnd mit namen darumb haben den czehenten czu Cunratzreut disem closter zu mererem nucz wider gekauffet allen vnsern czehenten den wir gehabt
haben in dem dorffe zu Dreyner vnd seine czugehorunge bede rawhen vnd slechten grosen vnd cleynen oder wie der ist oder mag werden benennet nemlich mit den
lehen haben recht vnd redlich vnd erbelich irem closter czu erbe ewiglichen zu haben geben vnd verkaufft mit allen gewalden eren nuczen freyhaiten fruchten
rechten vnd czugehorungen als wir vnd vnser closter den genanten czehenten von alter her haben inne gehat vnd bracht vnd verzeihen vns des mit bewe
runge des briefes daz wir noch vns nachkomen dar zu noch darnach mit briefen noch on briefe mit pebstlichem noch keiserlichem noch kuniglichem geistlichem
noch werntlichem gerichte noch rechten noch on recht in kainer weise noch ankeiner stat noch mit keinerley vnser noch vnsers ordens priuilegien begnadungen noch
freynungen damit wir yczunt sein oder noch ankunfftiglich mochten werden begnadet ewiglich nymmermer kainerley czusprache ansprache recht noch forderunge
sullen wellen noch mugen gehaben noch gewynnen Vnd geloben in auch in guten rechten waren gewissen vnsers ordens den obgenanten czehenten mit lehen vnd
allen seinen rechten nuczen nachfolgunge vnd czugehorungen von aller pebstlicher keiserlicher kuniglicher vnd aller ander geistlicher oder werntlicher ansprache
oder einfallunge vnd von vnd gegen aller menniglichen czufreyen czuledigen vnd czu entwerren als sulcher verkauffter erbe guter gemeinlich aller closter vnd orden
ter lewte gegen einander recht ist vnd gewonheit Wurde in aber der czehente angefochten von pebstlicher oder ander gewalt vnd teten in danne nicht ancz rich
tunge waz sie vnd ir closter danne des schaden nement in welicher weise daz geschecht offenlich vnd wissenlich biderben lewten den geloben wir vnd vnser closter In
vnd irem clostere wider czu richten on alle ire schaden vnd der selbe schade ist auch vnd sol sein an vns vnd an vnsers closters lewten vnd gute ein recht erclaget vnd
erfordert gelt vor allen geistlichen vnd werntlichen rechten also daz sie oder ire poten vmb ire schaden vns vnd vnsers closters lewte habe vnd gut wo sie die wissen
oder ankomen mugen aufhalten vnd pfenden on alle rechtes besamunge hilffe oder forderunge vnd ir schaden von den vnsern komen wie vnd wo sie künnen
vnd mugen Vnd darumb sullen wir noch vnser nachkomen sie noch ire nachkomen weder geistlich noch werntlich nicht wider ansprechen in kainerley weise
vnd geschee sache daz von vns oder vnsern nachkomen in kurczen oder langen czeiten briefe vber den obgeschriben czehenten wurden funden oder furbracht die
sullen gegen dem briefe kein krafft haben vnd lewterlich abe vnd tot sein alles geverde hie von awz geschaiden czu vrkunde diczs briefes den wir in des alles
czu stetikeit geben besigelt mit vnsern der obgenanten des Abtes vnd Conuents anhangenden Ingesigeln der geben ist nach Cristi gepurt czale drey
czehnhundert vnd in dem newndvndnewnczigstem Jare am nehsten mitwochen nach sant Jacobs des heiligen zwelffboten tage