Ich Andres Steynpach der Junge bekenne mit offenhunge des brifes allen den die in sehen oder horen lesen daz ich vnd mein eliche wirtinne vnd alle vnser erben den erbern vnd
geistlichen Junckfrawen .. der ebtissinn .. der priorynn vnd dem Conuent Gemaene vnd der samnunge vber al des Closters Junckfrawen in dem Junckfrawen Closter czu Eger sind
Claren Ordens der Egerden sancti francisci die yczund sint vnd hernach ewiclichen in kunsftigen czeiten ankunfftig werden vmb hundert vnd dreissig schock Behemischer grosschen
prager muncz da sie vns ir Closter teils gar vnd gancz haben gewerttet geweret vnd beczalet vnd die wir an vnsern nucz vnd frumen haben gewendet Recht vnd redlich vmb
erbeclich czu rechtem ewigen freyen eygen erbe haben geben vnd verkauffet vnser ganczes Dorff ebern Schossenrewt genant in dem Egerer lande gelegen das selbe benant
dorff mit dem Sedelhofe darinne gelegen vnd mit allen andern gesessen hofen herbarten gepawten vnd vngepawten manschafften czinsen czehenten fronen diensten schar
wercken vnd gemeinlich mit allen nutzlichen vnd allen vnseden mit holczern wisen eckern welden pergen grinden fliessen Rinnen peunten garten wassern wasserwegen stee
gen steygen weyden vorstunden vnd allen andern wunnen vnd weyden vmb vnd vber erden vnd dar vnter perckwercken Geyssenwercken Rord nemlichen mit allen czugeho
rungen wo oder welchen enden die in allen iren ewer enden des benanten dorffes czu dorffe czu velde oder czu holczern In iren grenicze mere weynungen vnd vmbkreissen
hohe oder nider gelegen haben vmbvangen oder nuczen werden benennet mit sundern oder gemeinen worten sie sein in dem brife bedacht benant bescheiden oder nicht
ausgenomen nichtz denne die czwey holczer die Geydschweyde vnd der wolf steyn genennet mit iren czugehorungen vnd auch lehen hin dan gefart on geverde vnd
des vorbenanten dorffes ebern Schossenrewt mit allen vor oben eygentlichen vnderschaiden czugehorungen verczihen wir vns mit crafft vnd bewerunge des brifes
also das wir noch vnser erben freunde mage noch nachkomen mit brifen noch on brife mit geistlichem noch werltlichem gerichte noch rechten noch on recht in keiner
weise noch an keiner stat ewiclich nimmer mere keinerley anspruche insprache recht noch vorderunge furullen wellen noch mugen gehaben alles geverde hie von
ausgeschaiden Vnd geloben in auch die obnanten gutter alle vnd iczliche sundern in allen iren czugehorungen czu vertretten vnd quitzsprechen vnd von allen anspruch
en geistlichen vnd werltlichen gegen aller menigklichen czu freyen czu ledigen vnd an czuweren mit dem rechten fur vnd tag als aller verkauffter gutter in dem Egerer
lande recht ist vnd gewonheit Vnd des alles czu urkunde vnd stetickeit gib ich obnanter Andres Steynpach der Junge In den offenn brief versigelt mit meinem
anhangenden Insigel Vnd des alles czu geczeugnisse haben die erbern mein liber vater Andres Steynpach der elter Albrecht hardecker vnd ditlich von belchen durch
meiner fleissigen bete willen Ir an schaiden vnd on entgelt ir Insigel auch gehangen an den brieff der geben ist an sand pauls bekerunge tage Nach Cristi geburte eyl
ffhundert Jar darnach in dem Neunden Jare