WIr Sigmund von gotes gnaden Romischer künig zu allenczeiten Merer des Reichs vnd zu Vngern zu Behem Dalmacien Croacien etc(etera) künig Bekennen vnd tůn kunt offenbar mit disem brief allen den die In sehen oder
horen lesen Vnd ob vnser küniglich wirdikeit von angeboren gute empfig ist aller vnd yeglicher des heiligen Romischen Reichs getreuen beste zu betrachten vnd Irn fromen vnd nucz anczusigen Iedoch so sein wir billich flissiger geistlicher per
son furseung stat vnd wesen furczukenden vnd zufurdern d(a)z sy nach gemach in schaffem Rybey freikeit vnd gnaden zubehalden vnd In vnser gnad milticlich mitzuteilen d(a)z sy zu geistlichem leben ergeben haben das sy got dem almechtigen ir eyne
ganczen leben desterbas gedienen mogen Wann nu fur vns kumen ist der Erewirdigen Vnd geistlichen Ebtissin vnd Conuents des Closters zusanct Clarn zu Eger vnser liebe andechtige vnd rate botschafft Vnd hat vns demuticlich gebeten d(a)z wir der
selben Ebtissin vnd Conuent alle Ir gnad Recht freiheit gute gewonheit altherkomen briefe priuilegia vnd hantfesten die sy von vnsern vorfarn Romischen keisern vnd künigen vnd andern fursten geistlichen vnd werntlichen erwor
ben vnd habent haben bestetigen vernewen vestetigen vnd zu confirmirn gnediclich geruchten vnd nemlich ainen brief künig Wenczlaib vnsers lieben bruders seligen die von worte zu worte hie Innegeschriben steen vnd der erste lautet also Wir wenczlaw
von gotes gnaden Romischer künig zu allenczeiten merer des Reichs vnd künig zu Behem Bekennen vnd tunkunt offenlich mit disem brief allen die In sehen oder horen lesen d(a)z wir von der geistlichen Ebtissin vnd Conuent des Junckfrawen klosters
zu Eger sant Clarn ordens gelegen in Regenspurger Bistum vnsere lieben Andechtigen demuticlich gebeten sein d(a)z wir In vnd Irem kloster ainen brief den sie haben von seliger gedechtnus der durchluchtigisten fursten vnd herren hern karls etwen Ro
mischer keiser vnd künig zu Behem vnserm lieben hern vnd vater zunernewen zubesteten zu bestetige vnd zu confirmirn gnediclich geruchten der von wort zu worte also lautet Wir karl von gots gnaden Romischer keiser
zu allenczeiten merer des Reichs vnd künig zu Behem Bekennen vnd tunkunt offenlich mit disem brief allen die In sehen oder horen lesen d(a)z wir von wegen der geistlichen der Ebtissin vnd Conuent des junckfrawen klosters zu Eger sant Clarn
ordens gelegen in Regenspurger bistum vnsere lieben Andechtigen demuticlich gebeten sein das wir In vnd Irem kloster sulche hantfesten vnd briefen die sie von Romischen keisern vnd künigen vnserm vorfarn vnd andern andechtigen Erbergen
Closterleuten oder die disser Deczma vleissigern vnd des Schossenwert vnd auch ander Irer gutere freiheit recht gnade vnd zugehorunge erworben vnd erbracht vnd alles d(a)z In den egnant hantfesten vnd briefen begriffen ist gnediclichen geru
chen zubestetigen des haben wir got zulobe vnser vnd vnser vorfarn andern sele ze trost ansehen vnd zutroste mit wolbedachtem mute mit vnsere getrewen rechten wissen vnd gnediclich geruchte den obgenant Ebtissin Ebtissin Co
uent vnd Closter sulche hantfesten vnd briefe mit allen Irn hantfesten rechte gnaden vnd zugehorungen vnd auch alles d(a)z derynne begriffen ist gleicher weis als ob sie von wort zu worte in disem briefen begriffen wern vnd sunderlich die disser deczma
vleissigern vnd Schossenwert mit andern Iren dorffen vnd zugehorungen wie die genant oder wo die gelegen sein als sie die redelichen vnd herbracht haben gnediclichen bestetiget vnd bestetigt vnd confirmirt bestetigen besteten vnd confir
miren auch mit disem briefe Dorumme verbieten wir allen fursten geistlichen vnd werntlichen Grauen freyen Rittern knechten haubtman Amptleuten Burgermeistern kmerern des Rete Sunderlich dem Ambtman vnd der Stat zu Eger
Vnd andern vnsern vnd des Reichs getrewen die nu sein oder in czukünfftig werden das sie die egnant Ebtissin Iren Conuent vnd Ir leute d(a)z wider nicht hindern angreiffen oder beschedigen sullen in keyner weise als lieb In sey vnser vnd des Reichs
swere vngnade vnd die puss d(a)z sein marck goldes die haly in vnsere vnd die Reichs Camer vnd das ander halbtayl den clagern gefallen sullen als offt d(a)z geschiht zeurkund d(a)z briefes mit vnserm küniglichen anhangenden Insigel versigelt der
geben ist zu mulberg nach cristes geburt dreuczehenhundert Iar darnach in dem dreyssigisten Iare an freytag In den phingst feyrtagen vnser reiche des Romischen In dem ainczundzweinczigisten vnd des Behemischen In dem ach
zehendem Iare des haben wir angesehen ir fleissige andechtige demutige bete dauon got zulob vnd zu ern der vorgenant lieben hern vnd vaters vnd ander vnser vorfarn dem Reich vnd vnser selen zu heile vnd zutrost vnd
haben darumb mit wolbedachtem mute gutem rate vnd rechtem wissen den obgeschriben briefe vnd alle ander briefe von wem sie die haben als sie die recht vnd redlich erworben vnd herbracht haben in allen iren meynuge begriffung ar
tickel vnd puncten gleicher weise als ob sie von worte zu worte in disem vnserm briefe begriffen vnd geschriben weren gnediclich ernewet bestetigt bestetiget vnd confirmirt ernewen besteten bestetigen vnd confirmirn In crafft
dis briefs Doch vnschedlichen vns vnd allen andern an vnsern vnd iren rechten Vnd gebieten dorumme allen fursten geistlichen vnd werntlichen Grauen freyen herren Rittern knechten haubtman Amptleuten Burgermeistern gemey
nen der Rete Vnd mitnamen dem hauptman vnd der Stat zu Eger vnd allen andern vnsern vnd des Reichs getreuen vnd vntertenigen die nu sein oder in czukünfftig werden das sie die egnant Ebtissin Iren Conuent Ir Closter vnd leut
wider dise gegenwertige vnser gnade nicht hindern Irren oder in noch beschedigen sullen in keyner weise als lieb sie vnsere vnd des Reiches swere vngnade vnd die puss d(a)z In des vorgenant vnsers briefs begriffen ist Wollen vermeyden
Mit vrkund dis briefs versigelt mit vnserm küniglichen maiestat Insigel der geben ist zu Eger nach Cristes geburt dreuczehenhundert Iar darnach in dem Eyn vnd sibenczigistem Iare am sant Simons vnd Iude tag der heiligen
czwelfpoten vnser reiche des Behemischen in dem Eynundneunczigisten Iare Vnd des Romischen in dem Sibendem Iare Vnd der ander lautet also wir Wenczlaw von gots gnaden Romischer künig zu allenczeiten merer des Reichs vnd künig
zu Behem Bekennen vnd tunkunt offenlich mit disem briefe allen den die In sehen oder horen lesen das vns die Edeln Alsch vnd fridreich Gebruder von wate vnsere lieben getrewen mit demutigem fleiss gebeten haben das wir den Ersamen Vnd geistlichen Ebtis
sin vnd Conuent des klosters sant Clarn in der Stat zu Eger günnen vnd erlaube geruchten das sie das dorff Ober Schossenreut in dem land zum Elbogen gelegen von Endrelen Stampach kauffen mochten das sy In d(a)z zu Irem vnd Irem Closter aueygen vnd
anzesigen gnediclich geruchten des haben wir angesehen der egnant Alschen vnd fridreichs fleissige bete Vnd haben darumb mit wolbedachtem mute vnsere fursten Edeln vnd getrewen vnd rechtem wissen den egnant Ebtissin vnd Conuente des Closters
zu sant Clarn zu Eger gegunnet vnd erlaube gunnen vnd erlaube In in crafft dis briefs das sie das egnant dorff zu Obern Schossenreut kauffen mugen dasselbig dorff wir In auch zugeaygent vnd angeaygent haben anfügen vnd aneygen In das in
crafft dis briefs vns küniglicher macht zu Behem also das die egnant Ebtissin vnd Conuent zu sant Clarn zu Eger das egnant dorff zu Obern Schossenreut in fernen vir tagen mit allen seinen zugehorunge als das Endrell Stampach bissher Inne
gehabt vnd besessen hat haben halden vnd das gletiche nuczen In gutem ewigclich besiczen des geniessen Vnd gebrauchen sullen von aller menigclichen vngehindert vnd gebieten darumb dem haubtman vnd Burggraffen zum Elbogen vnd
allen andern vnsern Ambtleuten vnd getrewen die yczund sein oder in czukünfftig werden ernestlich vnd vestigclich mit disem briefe das sie die egnant Ebtissin vnd Conuente an dem vorgenant dorffe Ober Schossenreut nicht hindern noch irren in keyner weise
Sunder d(a)z sy von vnser wegen getrewlich hantkaben schuczen vnd schirmen schullen als lieb In sey vnser swere vngnade zuuermeyden mit vrkunde dis briefs versigelt mit vnserm küniglichen maiestat Insigel Geben zu Brelis nach cristes geburt
dreuczehenhundert Iar darnach in dem Eynundneunczigistem Iare am sant Dyonisius tag vnser reiche des Behemischen in dem Sechs vnd virczigistem vnd des Romischen in dem Eynunddreissigistem Iare Vnd wir genant mit recht wissen haben wir
sin vnd Conuente irs liebe bete vnd andacht d(a)z sy das gotes dinst in demselben Closter williclich vnd erberclich volbringen vnd haben dorumme mit wolbedachtem mute gutem rate vnd rechtem wissen den egnant Ebtissin vnd Conuent
des vorgenant Ebtissin Conuent vnd Closter zu sant Clarn zu Eger die vorgeschriben czwen briefe vnd auch alle vnd yegliche Ir gnad Recht begabung verlihung freyheit gute gewonheit altherkomen briefe priuilegia vnd hantfesten die sy von keisern
vnd Ir von Romischen keisern vnd künigen vnd andern fursten geistlichen vnd werntlichen erworben vnd redlich herbracht haben gnediclich bestetigt vernewet bestetiget vnd confirmirt bestetigen vernewen bestetigen vnd confirmirn In die von künig
licher macht in crafft dis briefs in allen Iren puncten artickeln geseczen vnd meynungen in aller der masse als sy alle von wort zu wort in disem vnserm briefe begriffen vnd geschriben weren Vnd meynen seczen vnd wollen das die egnant Ebtissin
Conuent vnd Closter vnd Ire leute vnd vnderzane furbas ewiglich daber belaben vnd der gebrauchen sullen von allermenniclich vngehindert Vnd wir gebieten dorumme allen vnd yeglichen fursten geistlichen vnd werntlichen Grauen frey
en herrn Rittern knechten Amptleuten Burgermeistern Raten vnd gemeynden vnd sunst allen andern vnsern vnd des Reichs vnd ander vnser künigreich vntertanen vnd getrewen ernestlich vnd streffigclich mit disem briefe das sy die vorgenant Ebb
tissin Conuent vnd Closter zu sant Clarn zu Eger an Iren gnaden freiheiten Rechten begabung briefen priuilegien vnd hantfesten furbas nicht hindern noch irren Sunder sy daber geruliclich beliben lassen vnd auch von vnsern wegn
getreulich hantkaben schuczen vnd schirmen als lieb In sey vnser vnd des Reichs swere vngnade zuuermeyden vnd bey verliesung solicher pene in den obgenant vnsers bruders briefen bestimpt Mit vrkunde dis briefs versigelt mit
vnserm küniglichen maiestat Insigel Geben zu Ofen nach Cristis geburt virczehenhundert Iar vnd darnach in dem dreyundzweinczigistem Iare an sant michaels tag vnser reiche des Hungrischen etc(etera) in dem Sibenvnddreissigistem
des Romischen in dem virczehendem Vnd des Behemischen in dem virden Iaren
Ad mandatu(m) domini Regis p(er) d(omi)n(u)m Geo(rgium) Ragnu(m) loc(um)
Cancellario res(er)u(a)te a(n)i(m)adu(er)t(it) p(er) d(omi)n(u)m B(ar)tholomeu(m)