Ich heinrich poffeck zu hasla gesessen Else mein eliche wirttynn alle vnser Erben vnd nachkomen bekennen offenlich an dysem brieff
vor allermencklich die jn sehen oder horen lesen das wir vnsern hofe den wir gehabt haben zu nester von der freivt darzu den zeiten
der Conrat prossel ist auff gesessen vnd funff star getreides halp korn vnd halp habern vnd zehen hennen vnd ein wegle vmb zwen new
groschen dauon zinset denselben hof mit aigenschaftten zinsen scharbercken wiesen Eckern holzern velden wassern stocken stemen
bronnen weyden vnd allen zu gehorungten vnter der Erden vnd daruber so sein benant oder vnbenant kenerlei ausgenom(en) als wir
denselben hof vnd sein zugehorung jnne gehabt vnd herbracht haben Redlich vnd recht vnd Erblichen vnd von dem heiligen Reich
zu lehen zu kauffen haben geben vnd verkaufft dem Ersamen weisen niclasen Einneraller purger zu Eger Anna seiner wirttynne
vnd allen sein Erben vnd nachkome(n) vnd geloben jn denselben hof mit allen sein zugehorungen zu vertraten vnd zu vor
sprechen vnd vo(n) alle ansprachen geyen allermencklich zu freien vnd zu ledigen vnd zu enttweren jar vnd tagk als stat vnd landes
zu Eger recht ist vnd gereden auch das wir noch nymants von vnsern wegen furbas ewichlichen nymmermer kenerlei zuspruch
fordrung noch recht darzu noch darnach schullen noch wollen gehaben weder mit geistlichen noch weltlichen rechten noch jn
kenerleibeise wann ich mich des furbas ewichlichen gein jm vnd seinen Erben verzeihe alle argelist hir von leuterlich aufgesagt
vnd des zu vrkunde vnd bekantniss hab ich obgenant heinrich poffeck mein eygen jnsigil an disen briff gehangen vnd zu
merer sicherheit haben dy Ersame(n) Conrat arent vnd Thomas schirtel dy zeitt peide Rathsheren zu Eger jre jnsigil von
meiner pete wegen jn on schaden gehangen an dysen briff das ist gescheen als man zalte nach cristi vnsers herrn gepürte
Tausent vierhundert vnd jn dem sechs vnd zwentzigsten jare am nesten Sontag nach sand Marcen des heiligen ewange
listen tage