ICh Erhart Kuffel purger zu Eger Bekenne offenlich an disem brief, das ich als von sulcher vermechtniss wegen vndich
seligen meiner hausfrawen thun vnd volgeben sal nach dem in der hewrat zwischen vns vnd ir lewt vnd gelubt was
das ist, derselben meiner hausfrawen mit gutem willen wolbedachtem mute vnd recht wissen sulche erbe gute zins vnd gult
so sy mir zubracht hat vnd ir zu irem teil worden vnd an irer muter seligen angefallen sein mitnamen zwen hofe der eine zu
botschwicz gelegen drawf der heinz siczt vnd zinset czehen kor getraids halp korn vnd halp habern, der ander zu siselgrun ge
legen drawf der kropf siczt vnd zinset achthalp kor halp korn vnd halp habern vnd zehen pfund wachs, vnd dann hun
dert gulden auf dem czehenden vmb die stat kondemen funffteil an der hovstung lgenperg derselben gancz bemelten
erbe guter zins vnd gult mit aller gerechtikeit als die an sie komen sind recht vnd redlich vastigeb vnd in krafft des
briefs mich verpind, das ich mich sulcher erbe guter zins vnd gult oben bemelt in gemein noch der ader do keins in sund
heit nit anziehen noch die zunerkauffen zuuerseczen ader ymand zuuerseczen ader zuuerpfenden on guten willen vnd
wissen meiner egnan(ten) hausfrawen nit macht haben sol noch wil, vnd alle die weil sie sulch vermechtniss von mir nicht
hat, sol sie die obgemelten guter vnd zins in gebrauchnuss vnd domit zutun haben von mir vngeirrt vnd vngehindert
vnd verczich mich also gancz ir der wey willen vnd bewist domit nichts zutun noch zuhandeln, ab ader das druber beschehe
das sol kein krafft haben vnd ir zu keim schaden komen vor keinem gerichte noch an keiner stat geistlich ader werntlich
on alles geuerd des hab ich ir geben vnd gib ir zu kaimer vrkund disen meinen offen brief mit der Ersamen weisen An
tzel aremls vnd Erharten kachnawers beider des rats zu Eger anhangenden Insegeln die sie vmb meiner bete wegen
der zuczewgkniss ir on schaden dran haben gehangen der geben ist nach cristi geburt vierczenhundert vnd ym Eyn
vnd sechczigistem Jaren am mitboch nach sand Thomas tag des heiligen aposteln