Ich Hanns vnd Vrsula geswistzait des Nickel augustiners zum Herles seligen kinder
bekennen fur vns vnser vnmundig geswistzait vnd all vnser erben offenlich an
disen brief gen allermenniglich das wir mit rechter wissen vnsers genanten va
ters erb vnd hof zum Herles hinter den Erwirdigen Iunckfrawen zinst Ierlich in
zehen kar getraides halp korn vnd halp habern zwai hennen zwen kes vnd vierzig
air mit grunt poden gebewden egkern wiesen allen andern erben vnd zugeho
rungen nichts außgenomen vnd in allen dem rechten als vnser vater seliger
den inngchabt vnd herbracht hat vnd an vns komen ist dem furbesichtigen Iobste
Rubner allen seinen erben vnd nachkomen vmb ein Sum gelts der wir von in
entricht vnd bezalt sein vnd in der in craft des briefs gancz quit ledig vnd los
sagen haben recht vnd redlich mit wissen vnd willen der Benanten herschaft
zu erplichen kauff zu kauffen geben vnd verkaufft des wir vns auch hieinn
fur vns vnser vnmundig geswistzait all vnser erben vnd nachkomen lew
terlich verzeyhen in als geuerd vnd gereden das weder wir nach nymant von
vnsern wegen den genanten keuffer all sein erben vnd nachkomen nach nymat
anders von des gemelten hofs erbs guts nach gelts wegen hinfur zu ewigen
zeiten nymmermer betaidigen anlangen nach zusprechen Nach kain forde
rung recht nach gerechtikait zu in nach zu dem gemelten erbe nit haben nach
gewynnen sollen nach wollen weder mit recht nach on recht in kainer weis
Wir globen in auch den vber den gerunten zins verret gen allen rechtlichen
ansprach gen meniglich zu freyen zu ledigen vnd zuentwerren Iar vnd tag
als des Egerlands recht vnd gewonhait ist in iren schaden vngeuerd des zu
vrkund han wir genanten Hanns vnd Vrsula gebeten dy Ersamen weisen pro
loben woderßreutter vnd thomanen wernher paid des rats zu Eger das sy ir
Insigel von vnser bete wegen des zugezeugnus in on schaden an den brief haben
gehangen der geben ist am ascher antwosch Nach cristi geburt vierzenhun
dert vnd ym funff vnd achtzigisten Iare