Ich matel Czwetl In gebrvspingk Sessig Bekenn fur mich mein erben erbnamen Nachdem Erhart Czwetl mein Vetter In stgessmains dem got genad
In Eger verfchiden vnnd ich ein Vermainte Erblich anforderung ansehung anderleits gedacht In haben Inmassen das ich mein erben vnnd
Erbnamen Nach Nymant Vonn vnnserm Wegen ainicherley gerechtigkait ahn obgenantten meins Vettern Erhart Czwetls Nachgelassenn gutt ader gelt
haben Sunder nach Lanndts gebrauch seiner erbschafft als dem Conuent vnnd Closter In Sannt Claren In Eger Im todts bett zuegeschriben Der
Wegen so ich ein Vermaintte vnpilliche anforderung gethan Haben Zue dem Vnnd mit vnderthenigem demittigem fleys Die Ebtissin vnnd Conuent
Erlich gepetten Vnnd durch Sunder furpitt der Wolgebornen frawen frawen Agnesen Schlikin Greffin Vonn Passaun geborne Schenckin Vonn
Stauttenbergk fraw In Valckennaw ec Erlanngt hab Das mir vnnd mein kindern In gutt anngesehen Vnnser armutt vmb Gots vnnd furpittenn
Wolgedachter meiner Gnedigenn frawenn achtzigkthalern guldenn gegeben vnnd geraicht ist worden Vonn abgemelter Erbschafft meins
verstorben Vettern auf kindt geraicht hat Sunder auß gnaden vnnd gabe fur got Vor dem Czwetl Denen ich der Ebtissin vnnd Conuent
darumb sage Darauff ich In Ewer gnad vnnd Conuent auch mein Schwager Hanns starckenn sein Erben erbnamen des gutt ader gelt
darauff mein schwager Sigt alle anforderung Inssernig In Egeren Vnnd In Suma alles quit frey ledig vnnd loß Sag Vnnd vnnd Bleib darpey
fur mich mein Erben erbnamen vnnd nachkomen Nach Sunst Nymant Vonn meinen Wegen die obgemelten Erbschafft Conuent vnnd Closter
In Sant Claren In Eger vnnd alle Ir nachkomen Vonn Wegen obgenants meins Vettern Erhart Czwetls Seligen Nachgelassenn guts Velts Acker
Heuß nach klein Czwainig ding bys In ewigen Zeitten Nymmer darumb ader da durch betaidigenn anlangen sollen Noch Wollen weder mit recht
Gaistlich Cwerntlich haimlich offennlich Noch anndterst Vnnz In kainerleis So Imer menschenn sin Vonn funde vnnd arglist Erdenncken kannt ader magt
Verhindern sein All Vndter mein Vettern Vnd Erw Zettelich an art vnnd anngewende Das In Ewer Erleuchtet besche
vnuorbrüchlich geledig hab ich mattel Czwetl fur mich mein erben erbnamen vnnd Nachkomen mit vleis erbettenn Die Erbarn vnnd Weysen
Herren Burgermeister vnnd annderstenn Rhatten Vnd des gerichts In Eger das sie Vonn meiner bette Wegen Ir aigen Insigel nach meins
sein Erben vnnd Inssigeln anhangen an den brieff geben Ist gangen Bescheen vnnd Erben am freytag nach dem Sontag quasimo
dogeniti Nach Cristi vnnsers Lieben herren vnnd Erlesers geburt Tausent funffhundert vnnd funffundviertzigistenn Iarem