Ich Hans Vbelackher zue Oberloma, Bekenne fur mich, alle meine Erben, Erbnehmen, vnnd Nachkhomen, Offentlich an diesem
briefe, gann aller menniglichen, Das Ich mit gutem willen, rechtem wissen, vnnd wolbedachtem muete, Auch mit Consens vnnd be=
willigung des Eruwirdigen, Edlen vnnd Eruesten Herrn, Hainrichen Thangls, Commendators des Teutschen haus zue Eger, Meiner gnedigen lieben Herrschafften, Meine
zwen Taich zue Trepiz, Auff der Aue vnnd tieffen, nachbenenter meiner abkauffer Teichen gelegen, Welche taich Eehen, ledig vnnd frey seindt, mit
grundt, boden, Allen Rechten, gerechtigkhaiten, nuzungen, zue vnnd eingehörungen, nichts außgenommen, habe Recht vnnd redlichen, Der auch Eruir=
digen, vnnd Eruesten tugenthafften Junckhfrawen, Apolonien Hürlhin, Äbtessin, vnnd Conuent Sanct Claren, des Junckhfrawen Closters, In Obbemelter Stadt Eger,
Aller derselben nachkhomen, oder geschefften, Inhabern dises brieffs, vmb Ein Suma geldes, der Ich von Irer Eruirden, Heut dato, bar vnnd beraite, aher vnnd nün,
wol zue danckh, vnnd ohn allen schaden, zue meinen henden, bericht vnnd bezalt worden bin, verkaufft, vnnd zuekauffen geben, Sage
derowegen, fur mich, alle meine Erben, vnnd Erbnehmen, Eruelte Äbtessin, vnnd Conuent, Auch alle derselben nachkhomen, oder wie stetlichen Inhabern dises
brieffs, Vnd wer In Inen erben, gen, Inen, Nichts, notten, flig, deßwegen, ganz allen ding quit frey ledig vnd loß, Bekhenne
hierbey, Das Ich, kaine meine Erben, Erbnehmen, vnnd nachkhomen, Noch Iemandts anders, von meintwegen, zue thun gestattung, Mergedachte Äbtessin, vnnd
Conuent, Noch auch kaine derselben nachkhomen, Obangezaigter meiner zwayen Taich, grundt, boden, vnd aller obgemelter zue vnnd eingehörungen, In der
fur entpfangenen kauff Suma, Noch anders deßhalben, vmb khain, groß, wenig oder wiel, Samtz vnnd gar nichts außgenommen, zue behalten, Eehen, zue kriegen,
zu thun, künnen, mugen, darumb oder danderig, behaidigen, anlangen, noch zue sprechen, sollen vnnd wöllen, Weder mit Gaistlich, weltlich, haimlich, Offentlich,
Noch khainen aherwegt, ganz In khainerlai waiß, noch wegen, Wie Imer, durch Menschen Sinn, oder list furgenohmen, vnnd erdacht werden möchte, Sonder thue
mich dessen alles, hiermit Izt alßdann, Vnnd dann alß Iztunden, genzlich vnnd Endtlich verzeihen, Fur Inen auch solche Obbemelte Taich
vnnd derselben zugehörungen, Wie Obbemelt, mit angeregts meiner gnedigen lieben Herrschafften Consens vnnd nachlassung, Eruerhen, entweren,
freigen vnd ledigen, Alß das Eewigclichen traist, Recht vnnd gewonhait Ist, Bey meinen guten, wahren, theuren vnd glauben ohn
geuerde, Daß zue warem Vrkundt, hab Ich gedachter Hanns Vbelackher, fur mich, vnd alle meine Erben, Mit sonderm vleiß, Obbenennte meine
gnedige liebe Herrschafften, Darneben auch den Erbarn vnnd Weysen Herrn, Hannsen Schmiedel, Inn rath bemelter Stadt Eger gepeten, Das dieselben
Ire angebome Insigl, doch Inen ohn schaden, an diesen briefe gehangen, vnd aufgedruckht haben, Bescheen vnd geben, Mitwochs nachm Sontag Mitten
fasten, Nach Christi vnsers lieben Herrn vnd Erlösers geburt, Tausendt funfhundert, vnd Im Achtundsechzigisten Iaren,