Züermerkhen sey Allermenniglichen
Inn dießen Offnen Brieffen, Das dem verschiner zeitt
Hanns Starckh zür Darrthoßennreith gewesner
seliger, auß dießem Jammertal Todtes abgangen,
Wiewol sein absterben, hat er Wie es vnter
seinen Verlaßnen kindern, seiner Vergelassnen,
dem Haab vnnd Güttern halben gehalten werden,
soll, Ein Testament auffgericht vnnd hinterlaßen,
In welchem Testament, Etliche sein Söhne,
Eidtumben vnnd Töchter, Als Heidel Starckh
zür Lauterbach, Endres Starckh zür Darrthoßennreith
Hanns Thum zür Flossenbürg Wegen seiner Ehe
weibes Kunigundt, Vngeacht Jrer hierinnen
von sich gegebnen Verzicht, Sowol Katharina
vnnd Margaretha Jre Schwestern, So noch ledig,
sich Etlicher maßen beschwert befunden, Vnnd
derohalben Jre Brüder vnnd Schwägern Mite
Ehrben vnnd Mitereben Vmbgeen, Als aigner
des Vätterlichen Guts zür Darrthoßenn
reith, Jnn Spruch vnnd forderung Ziehen
men Vermeint,
Wann es is aber heüt dato allersaits Mit Vor
wißen vnnd bewilligung Der Ehrwürdigen
vnnd Ehrntugentreichen Jüngkfrawen,
Äbtissin, Priorissin, Cöchin vnnd Conuent
Sanct Claren Ordens des Jungkfrawen