Ich Hannß Müllner von Oberheschareuth Bekenne vor mich alle meine Erben unnd Erbnemen, Offenlich
In dießen brief gegenn Jedermennigclich, das ich mich mitt gůttem willen unnd rechtem wißen, mitt den Er=
beitsamen, Georgen, Mertenn, Jacob, unnd Catharina meinen lieben Brüdernn unnd Schwester daselbstenn
Zů Oberheschareuth, wegenn meines Vatterlichenn, Mütterlichen, Brüderlichen, und Schwesterlichenn Erbguets,
güttlich geainigt unnd vertragen habe, also das sie mir darumb unnd darfür mein ganntz Volkommen
genüg unnd bare Bezahlung Zů mein sichern handen gemacht unnd gethan haben, derselben unnd mer ferner
Quittirub Nottürftig, Ich hiemitt ganntz Quitt frey ledig unnd loß sage, unnd thue mich deßen allenn ganntz=
lich unnd unwiderruffenn Verzeihen, Berede unnd gelobe hierauf vor mich alle meine Erben und Erbnemen
das wir noch Niemandts vonn unnsert wegen, gedachte meine Liebe Brüder unnd schwester, alle Jere
Erben, unnd Erbnemen, Oberürts meines Vatterlichen, Mütterlichen, Brüderlichen unnd Schwesterlich
Erbguets, noch umb des deßhalben umb kein groß wenig oder vil hinfüro Zür Ewigen Zeitten nimmer
mer beschaidigen anlangen noch besprechen sollen noch wollen weder mitt noch ohne recht ganntz In kainerley
weiß noch wege, wie Jmmer Zür Erdennkenn sein möcht, Sonndern aller ansp rüch unnd neue unruhen hiinde
hiemitt Jtzo, als dann unnd dann als Jtzo ganntzlich außgeschloßenn unnd vermieden sein sollen, Bey meinen
waren Threuen unnd glauben ohne geverde, Zür Urkundt hab ich vor mich alle meine Erben und Erbnemen
mitt vleis Erbettenn, die Erbarn unnd weisen Herren Georg Staingrüßer unnd Herrn Hannß Wernher
bede des Raths der Stadt Eger, das sie Jere angeboren Jnsigel, doch Jnen ohne chaden Zů getzeug=
nuß an dießen brief haben gehangen, Beschehen unnd geben denn siebentzehendenn Monats Tag Junij
Nach Christi unsers Herrn Erlösers unnd seligmachers gebürtt, fünfftzehenhundert unnd Jm Neun und
Sibentzigistenn
Jare