Wir Rudolff der annder von Gottes gnaden Erwölter Römischer Kayser zu allen zeitten mehrer des Reichs In Germanien zu Hungern
Behaimb Dalmatien Croatien (et)c(etera) Khünig Ertzhertzog zu Osterreich Marggraf zu Mährern Hertzog zu Lützenburg unnd in Schlesien, Marggraf zu Laußnitz (et)c(etera) Bekhennen offentlich mit disem brieff unnd thuen khundt gegen allermenniglich
Das unns die Würdigen Gaistlichen unnd Erbarn unnd andechtigen Magdalena Abbtissin, ajar vorin unnd Conuent des Jungkfraw Closters zu Eger, Sanct Claren ordens, unndthänigist haben bitten lassen, Das wir
Inen alle unnd yegliche gnad Freyhaiten, guette gewonhait, alt herkhomen, brieff, Priuilegia, unnd handtuesten, die sy von Römischen Kaysern unnd Khünigen zu Behaimb, unns(er)n Vorfarn, unnd andern Gaistlichen unnd
Weltlichen fürsten, redlich erworben unnd hergebracht haben, unnd Inen von Wortt zu Wortt unnd von Articul zu Articul, wie die in Innhalttung derselben, der unnd alhie vor gethaner errettung unnd bestettigung, ein
gleich falls Inserirter unnd bestettigter unnd zu Confirmiren gewürdiget, wölten. Als haben wir angesehn, der obgenannten Abbtissin, ajar vorin unnd gantzen Conuents demütige bitt, auch bedracht das der Gottes
dienst in dem closter Claren vorhin gehalten, unnd herbracht wirdt, Haben derwegen mit wolbedachtem muet, guettem Rath, unnd rechtem wissen, Inen unnd dem Closter unnd lieben getrewen, ajar vorin, abbtissin,
mai vorin, Conuent unnd closter zu Sanct Claren zu Eger, alle unnd yegliche, Ir gnaden, Recht, begnadung, freyhaiten, guette gewonhaiten, alt herkhomen, brieff, priuilegia, unnd handtuesten, die Inen von
unns unnd den Römischen Kaysern unnd Khünigen zu Behaimb, unns(er)n Vorfarn, unnd andern auch andern fürsten, Gaistlichen unnd Weltlichen, erworben unnd redlichen hergebracht haben, unnd sonderlichen auf die
Dörffer, Gütter, Zinß, Rentt, Zehenten, unnd anndere Ire guetter, wo sy gelegen, aigen, unnd iglichen bestettigt unnd Confirmirt, Bestettigen, bekräfftig(en) unnd Confirmiren, die auch von Römischer Khünigclicher
macht, mit unnd In krafft dis briefs in allen Iren puncten, Artiggeln, zusätzen, unnd mainungen, unnd in allweg, Als ob sy von wort zu wort hierinnen begriffen unnd beschriben wäern. Setzen, mainen unnd Wöllen das
die obgemelten abbtissin, mai vorin, Conuent unnd Closter, unnd Ire nachkhomen, Ewigclich dabey bleiben, unnd der gebrauchen sollen, Wir thuen auch den obangezaigten Closter Jungkfrawen, abbtissin, ajar vo=
rin, unnd Iren disem Irem Conuent unnd allen Iren nachkhommenden abbtissin unnd Conuent, zu jetzigen unnd Ewigen zeitten, dise annderliche gnad unnd begnadung, das man die Burger zu Eger, oder anndere, wer dy
wehren, ob sy gegen Iren underthanen in der stadt oder aufm landt oder gegen Iren aigen leütten, oder gegen andern, mit geystlichen unnd weltlichen hilff, auf sy anruffen, durch sich oder Ire ambtleütte, mit helffen, oder
mit guett erzaigen würden, das die abbtissin, unnd ajar vorin, unnd das Conuent, macht unnd guett Recht haben sollen, unnd mügen, Inen ainen herrn In der Cron Behaimb, unnd auch Iren underthanen, leütten,
Güttern, unnd allen Iren anhangenden, unnd zugehörigen, wie die alle, mit besundern nahmen mügen genant werden, zu ainem schutzherrn, zuerwehlen, unnd aufzunem(en), nach Irem gefallen, den sy auch von
nötthen unnd anliegenden nottürfften umb hilff unnd beystandt anruffen, macht haben, von denen von Eger unnd bey den mennigclich ungehindert. Darauf gebietten wir von Edlen, unns(er)n lieben ge=
trewen, allen unnd yeden haubtleütten, freyherrn, herrn, Rittern, unnd knechten, Pfleger(n), Burggraffen, Burgern, unnd Richtern, Räthen, Bürgern, Gemainden, unnd anndern unns(er)n unnd des Reichs unnd Khünigklichen
grundt unnd herrschafften, wer die seyen, Gaistlichen unnd weltlichen, unnd thuen Inen hiemit ernstlich unnd begärlich, das sy die obgenannten abbtissin, mai vorin, unnd Conuent des Closters zu Sanct Claren
zu Eger, an diser Iren gnaden, freyhaiten, Rechten, begnadungen, brieffen, Priuilegien, unnd handtuesten, fürbaß nit hindern, Sondern sy darinnen gerüebigclich verbleiben lassen, unnd
Ergen, beunrüebigen, hindern unnd stören, Als lieb ainen yeden sey unns(er) schwere straff unnd ungnad zuvermeyden. Zu urkhundt dis briefs besigelt mit unns(er)m anhangenden Kayserlichen in=
sigel. Geben auf unns(er)m Khünigclichen Schloß Prag, den fünff unnd zwaintzigisten Tag des Monats Septembris. Nach Christi unns(er)s lieben herrn unnd Seligmachers geburt, im fünffzehen
Ad mandatum Sacrae Caesareae
Maiestatis proprium
J. B. de Ruesdorf