Ich Georg Erhardtmichl von Vesenpruckh des
Hannsen Erhardtmichls daselbst gewesten seligen
verlassner Sohn, Bekhenne hiermit für
mich alle meine Erben, Erbengnemer vnnd
Nachkhomen, Wentlich gegen men
niglichen. Nachdem Ich den
Ehrwürdigen Stifft Sanct Claren Ordens
des Junckhfrawen Closters Inn Eger Mit
Anherobtem Aidt verpflichtt, Zügethan
vnndverwandt gewessen, Dann Ich
mich aber Izo meiner Nährung halber
hinter Andere Herrschafften Begeben,
Vnnd mir die Ehrwürdigen Ehrn
tugendtreich Fraw Fraw Magdalena Lortz
nerin Äbtissin vnnd Conuent obbemelts
Stiffts Zue Sanct Claren, Eger, mein Bittlichs
Begehr, Eines Mündtlichen vnnd Schrifftlich
en Vrlabsbrieffs günstig vnnd guetwillig
Zügestelt vnnd Zügewiden gereichet. In
massen Ich Aüch denselben So Ich bißhero
Erwiedern gemeint Züesuchen gehabt
hiebeneben Empfangen Zügantzen Empfangen,
Als sage Ich Inen Erwürden des
gereichten Vrlabs halber, nicht Allein
hochfleissigen danckh, Sondern Aüch gantz
Allerdings Quit frey ledig vnnd loß
Vnnd Erklere mich hiemit laütter
das Ich E. Inen Erwürden greundt vnnd
Boden nichtes ferner Züesuchen habe,