WIr Jorg Knödner Burger In Eger, dann Endress Schiller von Oberpilmersreuth vnd Bartel Hebrat von Schleta
als weilundt Jobst Marggraffenn zur Dörnselmreuth seeligen nachgelassner Waissenn Verordente Vormundern Be
khennen Vor vnns Vnsere Pfleghwaissenn Auch alle Vnsere vnnd Jre Erben vnd Erbnehmen, Offenlich an diesem brieff gegen
menniglich, Das wir Mit gutten willen vnnd Rathnn zeitigenn gedachter vnser Pfleghwaissenn Hoff zur Dörnselmreuth
umb, welchenn Erhart Brastell, Vnnd Endres Schillers sohenn daselbstenn gelegen, Ist Weilundt herrnn Doctor Michael
Kysling seeligenn nachgelassner Erben zuehor, Vnnd giebt Jarlichnn der Eerwirdigen vnnd andechtigenn Ebtissin vnd Con
vent des Stiffts zur Sanct Clara in Eger Ein Achtl getraidigh halb kornn vnnd halb habernn, dann Jarlichnn dem
Teutzschenn hauß alhie Ein dann Zehendt Ein halb kase halb kornn vnnd halb habernn Von Jnn aussen schuldigen lösung ledig
vnnd frey, mit grundt boden holtzmarckh Wiesen Rain vnnd Rainen allenn Rechten gerechtigkheitenn nutzung ein vnnd zugehö
rung allermassenn, Wie gedachter vnser Pfleghwaisen Vatter seeliger Vnnd wir biss hero ditzelben selbsten Jnnenn gehabt
genutzt genossenn vnnd gepraucht nichts außgenomenn oder hinderhaltenn, Habenn Vmb vnnd Vmb Das Namhafftigenn
Bargelts Jetzenn desselben zu Dörnselmreuth, Allenn seinen erben vnnd Erbnehmen Vmb ein benante Summa geldes
der wir Vns Jnn bar Vor vnnd ehe zur danckh entricht vnd bezalt wordenn sindt, Darumben wir Jne Jetzenn vnd seinen
Erben der von solchem Vmbgelts Quittirn entledighen freywilligenn quittirn, zuekhauffenn gebenn vnnd verkaufft das
wir Vnns gentzlich vnnd Ewiglichen Jnn Verzeihenn, Beraubenn des gelts Vns freywilligenn vnnd bemelte vnsere Pflegh
waissenn, Auch alle vnsere vnnd Jre Erben vnd Erbnehmen, Das wir noch niemandt Vonn Vnsert wegenn, Ernnentenn Vnsere
Erbhaffte Jetzenn alle sein Erben vnnd Erbnehmen, Vmb bemelte Vnsere vnnd Vnser Pfleghwaissenn Hoff
derselbenn zugehörung vnnd kauffsumma, noch anders dasselbe hinfüro zue Ewigenn zeittenn, nimmer mehr beschaidigenn
Anlangenn noch besprechenn sollenn noch wollenn Weder mit noch ohnn Recht gantz in khainerley weis noch wege, wie Jmmer zue
Erdenkhenn sein möcht Sondernn gewehrenn entwerenn freyenn vnnd ledigenn wellenn, Als das Egerischenn Rechtenn Recht vnnd
gewonhait ist, Bey Vnserm wahren Trewen vnd glauben ohn geverde, Zue Vrkundt habenn wir obnennte Vormund,
Weil wir aines Jnnensigels vnsere Pfleghwaissenn, Auch alle Vnsere Vnnd Jre Erben vnnd Erbnehmen mit sondern Vleis erbetten,
Die Erbaren Vnnd Weysenn herrnn, Burgermeister Vnnd Rathe Sampt Beidenn, vnnd des Raths der Stadt Eger, Das sie Jre
Angeborne Jnsigel, Doch Jnen ohn schadenn, Angehangenn an disenn brieff, Anhangendt lassen drückht, Beschehen vnnd gebenn den
funfftzehendenn Monats Tag Januarij Nach Christi geburth getzehlt Jm funfftzehenhundert Sechst Vnnd Achtzigistenn Jare//