JCH Hanns Albrecht von Neübergkh der Zeit vffm Sorgenhof, für mich alle meine Erbenn,
Erbnemer vnnd Nachkhommen, Offentlich gegenn menniglichen Jnn Krafft diß briefs thue Khundt vnnd bekhenne,
Das Jch mit guetem willenn vnnd zeitigem rath, Ein Mein stückhlein wißmath vnnd feldt beysammen
zur Trepitz Jm Egerlandt zwüschen des Dörfles Trepitz, vnnd des Zepfens feldt vnnd wißmath gelegen, vnnd
an nachbemelter meiner Abkheüfferin Teüch stossendt, Welches freyes Aigens, vnnd gantz aller ding
ledig vnnd frey Jst mit desselben grundt, Podenn, allen rechtenn, gerechtigkhaitenn, Nutzengenn, Einbns
Zugehörungenn, nichts außgenomenn noch Zuruckhbehaltenn, Jnn allermaß Wie Jch solch stückhlein
wißmath vnnd feldt bißhero Jnnengehabt, genützt vnnd gebraucht, Hab vbergeben vnnd verkaufft, Der
Ehrwürdigen, Andechtigen vnnd Geaistlichen Jungkhfrawen Magdalena Lochnerin Ebtissin,
vnnd Conuent Sandt Clarenn Ordens, des Stiffts vnnd Jungkhfrawen Closters Jnn Eger vnnd Jero
Nachkhommen, Vmb eine Summa geldes, Der Jch von Jnen Eewendenn, alß baldenn bahr bber Zur
gnug vnnd ohne schadenn, entricht vnnd bezalt wordenn bin, Vnnd derselbenn, wer aüch sonsten kainer
Quittung Nottürfftig, destwegenn hiemit Quittir, thue ledig vnnd Jnn Todt, Zukauffen geben,
vnnd verkaufft. Daß thue Jch mich hiemit gentzlich vnnd lautterlich theilhafftig. Verede
vnnd gelobe hierauff vor mich alle meine Erben, Erbnemenn vnnd Nachkhommen, Das wir noch
niemandt von vnsertwegenn, Obbennante mein Abkheüfferin, die Ebtissin vnnd Conuent be=
melts Stiffts Sandt Clarenn, noch Jero Nachkhommen, Obbemelts stückhlein wißmath vnnd
feldt, derselbenn kauff summa, noch anders deßhalben, Weder vmb klein groß wenig noch vil, hinfü=
ro Zur ewigenn Zeittenn, Nimmermehr betaidigen, anlangen, noch besthweren sollen noch wollen,
Weder mit noch ohne Recht, gantz Jnn kainerley Weiß noch wege, Wie Jmmer Zuerdenckhenn
sein möchte, Sonder hiemit für aller anspruch frey gewehren, entwehrenn, freyenn vnnd
ledigenn wollenn, Als der Erbarn stadt Eger vnnd derselbenn Eewiß Recht vnnd gewonhait Jst, Bey
meinen Adelichen Treüenn vnnd glauben ohne geuerde. Zu vhrkhundt, Hab Jch obge=
nanter Hanns Albrecht von Neübergkh für mich alle meine Erben, Erbnemenn vnnd Nachkhom=
men, mein angeboren Jnsigel, an disenn brieff, freilich beschwärlich thun anhangen, Vnnd Zu mehrer
gezeügkhnuß, Denn Erbarn vnnd Ehesten Herrn Andressen Peyer Zur Eger, Vleissigenn ver=
mocht, Das er sein Jnsigel, doch Jme ohne schadenn, hierneben beschwärlich thun anhangen, Das
geschehen vnnd gebenn Jst den Eilfftenn Monats tag Aprilis, Nach Christy vnsers Einigen
lieben Herrn Erlösers vnnd Seligmachers gebürth, Tausent, fünffhundert, vnnd Jm Sechs vnnd achtzigsten
Jare.