Ich Hanns Albrecht zu Pruckh Bekhenne für
mich alle meine Erben, Erbnehmen vnnd
Nachkhomen, Thue khundt gegen menniglichen,
Nachdem Ich etzlich Jar
lang alda zue Pruckh, hinter dem Ehrwürdigen
Stifft Sanct Claren des Jungkhfrawen Closters
In Eger, Meiner gnedigen lieben Frawenschafft,
Haußbürger gewesen, Derselben auch
als ein Vnterthan mit Aidt vnnd Pflichten zu=
gethan vnnd verwandt gewesenn. Wann Ich
aber In wichtige schulden eingerathen, vnnd
dardurch willens, heütten meinen gläubigern
Mein Hoff alda zue Pruckh gelegen, sambt
all deßen einpauungen, freywillig
abgetretten, Die aber gleichwol hierinn
Ihre schulden Vollstendig nicht bezahlt
werden mögen, Sondern Ziemlichen
schaden thun leiden müßen,
Vnnd mir doch nichts minders Die Ehrwürdig
Vnnd Edeltugentreich Jungkhfraw Magda=
lena Kötzerin Äbtißin vnnd conuent obbe=
melts Stiffts Sanct Claren, Vff mein
Vnterthänigs bittend vnnd anlangen, nicht
Allain Einen Mündtlichen, Sonder auch
ein schrifftlichen Vnglas vnnd Abschiedt
brieff, mitgethailt vnnd gnedigst laßen,
Darumben Ich Irer Ehrwürden nit allain
hochbleiblichen danckh, Sonder auch dieselbe,
Vnnd Ire Nachkhomen, der auch bestey
herrn Quittirung Nottürfftig, hiemit