Ich Wolff Vischer von Liebeneck, der Zeit Zue Schönlindt
Wonhafft, Bekhenne für mich Barbara
mein Ehewürttinn, baider Vnser Erben Erbnehmmen
Vnnd Nachkhommen, Offentlich In disen brieff,
gegenn menniglichenn, Demnach
Ich verschinner Zeit, das Hansen Hueschers des
Eltern Zue Schönlindt Verlaßnen Hoff, zwischen
Hansen Schirkhers Vnnd Lorentzen Schreyers
Sössen gelegen, Welcher denen Ehrwürdigenn,
Andechtigenn, Vnnd ehrntugenttreichen frawb..
frawenn Magdalena Lochnerin, Äbteßni Vnnd
Conuent S. Clarenn Ordens des Junckhfrawen
Closters Jnn Eger, Als erbherrschafften Zuegehört
Vnnd Vnderworffig, Sambt Eygner habnus Vmb
hundert Vnnd Achtzigkh guldenn, Vndter derer
hinder Auf grichten Kauffzedtl, käufflich
An mich gebracht, Welche Kauffgelder Ir Ehr:
darumben, das Jnen mein Vorfarer, gedachter
Hanns Huescher der Elter Auf solchem guet, Zway
hundert Vnnd fünff gulden Zween Vnnd dreissigkh
Creützer Zuebezahlenn schuldig Vnnd hinder..
Stellig Verbliebenn, auffheben sollen Vnnd mügen,
Anhue aber hab ich an solcher Kauff summa, merer
nichts, dann fünffzigkh gulden erlegt Vnd bezalt,
Alß das Ich Jrer Ehrwürden, An berürter Kauffsuma
noch hundert Vnnd dreissigkh gulden (Idoch äusser
halb Zwaiger Schöck Schöffen, So ich Von solchem meinen
Erkaufften guet Vmb Acht Vnnd Zwaintzigkh
guldenn hinwider Verkaufft,) Zuentrichten
Verpliebenn, So mirdann solche Kauff
gelder, In erwegung meiner Armuth Vnd Vnuer..
Sehenhait Vollents Zuerlegen, Vielweniger