Wencezlaus dei gra(cia) Rex Boem(ie) et Marchio Morauie Omnibus imperpetuum; Cum intime mentis n(ost)re oculo labo
rib(us) religiosor(um) uita(m) inspicimus, creatoris n(ost)ri cui specialiter deseruiunt celestem premiatorem attencius contemplamur, ut eor(um)
deuotis precib(us) benignius condescende(re) induamur, et ip(s)or(um) comodis de benignitate regia liberalius prouide(re). Nouerint igitur pre
sentes ad quos iste priuilegialis tenor peruenerit et posteri no(n) ignorent, q(uod) nos ad peticionem dilecti nobis fratris Sifridi or
dinis premonstraten(sis) uenerabilis prepositi in dokzan, bona ecc(lesi)e dokzanen(sis) ubiq(ue) in Regno n(ost)ro sita sunt, eo lib(er)tatis
honore gaudere uolumus, q(uod) nullus purcrauior(um) baronu(m), nobilium, seu officialiu(m) n(ost)ror(um) tutelam seu iurisdicc(i)o(n)em aliquam
manifesta(m) et illicita(m) bonor(um) eorundem contra uoluntate(m) ip(s)ius et conuentus iam dicte ecc(lesi)e et sine sing(u)lari n(ost)ra licencia sibi as
summere aliquomodo uel exercere presumat. Et ut circa predicta(m) ecc(lesi)am et bona ip(s)ius fauor amplioris n(ost)re gracie
uberius relucescat, purcrauio castri Cubiten(sis) qui pro tempore fuit districtissime inhibemus, ne de bonis ecc(lesi)e ip(s)ius
sitis in districtu Cubiten(sis) inconsueta exigat onera, et illa seruicia que iuxta antiqua(m) consuetudinem de bonis eisdem cubi
ten(si) purcrauio de iure sunt reddenda pro se et no(m)i(n)e castri recipiat, et seruicia eadem nulli alteri submittat seu co(n)ferat loco
sui. Q(uo)d si forsitan factu(m) est uel fieret in posteru(m), illu(m) in irritum reuocamus, cum bona prefata ne ad exhibendu(m) predicta(m)
seruitiu(m) cuiq(ue) alteri q(uam) Cubiten(si) purcrauio teneantur reddimus perpetuo absoluta. Q(uo)d si aliquis n(ost)re d(omi)n(i)o subiectus
cuiuscumq(ue) condic(i)o(n)is existat contra huiusmodi exempc(i)o(n)is n(ost)re gra(cia)m quicq(uam) attemptare presumpsit, indignac(i)o(n)em n(ost)ram
grauissima(m) se nouit incurrisse. In cuius rei testimonium et robur p(er)petuo ualituru(m) presens priuilegiu(m) conscribi et n(ost)ris si
gillis iussimus co(m)muniri. Datu(m) in Eysenburth per manus mag(ist)ri petri prothonotarij Regni n(ost)ri, Anno d(omi)ni Mill(esim)o
ducent(esim)o Nonag(esim)o, Jdibus Septembris, Jndicc(i)o(n)e t(er)cia.