Clemens ep(iscopu)s seruus seruor(um) dei Venerabili fratri .. Archiep(iscop)o Pragen(si) Sal(u)t(em) et ap(osto)licam ben(edictionem). Significauit nobis dilectus filius Nobilis Vir
Karolus Marchio Morauie q(uo)d in Sclauonie et nonnullis aliis partibus de Sclauonica lingua existentibus misse et alie hore canonice ad lau
dem xp(ist)i in eor(um) uulgari de licentia et ex indulto sedis ap(osto)lice leguntur et etiam decantantur et q(uo)d multa Monasteria et loca Mona
chor(um) nigror(um) sancti Benedicti et alior(um) ordinum in illis partibus huiusmodi ritum ex antiqua consuetudine usq(ue) in hodiernum diem tenen
tium propter brigas et guerras illar(um) partium destructa et ad nichilum sunt redacta Monachi quoq(ue) et fratres Monasterior(um) et
locor(um) predictor(um) occasione huiusmodi nec deo nec xp(ian)is proficere nec etiam Monasteria et loca ip(s)or(um) comode obtinere ualen
tes remanent uagabundi propter quod cultus diuinus et fides xp(ian)a in illis partibus minuuntur. Cum autem sicut huiusmodi
insinuatio subiungebat in confinibus et circa partes Regni Boemie que de eadem lingua et uulgari existunt sint multi
sismatici et infideles qui cum eis sacra scriptura latine dicitur exponitur uel predicatur nec intelligere uolunt nec co
mode ad fidem xp(ian)am possunt conuerti dictiq(ue) Monachi et fratres uulgares predicatores ritum predictum habentes in dicto
Regno et ipsius confinibus summe necessary et utiles pro dei laude et augmentatione xp(ian)e fidei esse noscantur
idem Marchio nobis humiliter supplicauit ut eisdem fratribus et religiosis concedere q(uo)d in Regno Boemie et con
finibus supradictis loca eligere in quibus et circa que possint stare et uerbum dei exponere predicare et missas celebra
re secundum ritum et consuetudinem partium ip(s)ar(um) licentiam concedere de speciali gratia dignaremur. Nos igitur de predictis no
titiam non habentes fraternitati tue de qua plenam in domino fiduciam gerimus eisdem Monachis seu fratribus dicti sancti Benedicti
uel alterius ordinis per sedem eandem approbati recipiendi vnum locum dumtaxat in dicto Regno uel eius confinibus in quo seruare
ualeant dictum ritum alias tamen p(er) sedem approbatum eandem auctoritate n(ost)ra cocedas plenam et liberam facultatem. Jure tamen par
rochialis eccl(esi)e ipsius loci quem ut premittitur dicti Monachi seu fratres receperint et cuiuslibet alterius alieni in omnib(us)
semper saluo. Dat(um) Auinion(e) vij Id(us) May Pontificatus n(ost)ri Anno Quarto.