Clemens ep(iscopu)s seruus seruor(um) dei dilectis filijs Abbati et conuentui Monasterij s(an)c(t)i Ioh(ann)is baptiste in Insula Pragen(sis) dioc(esis) sal(u)t(em) et ap(osto)licam ben(edictionem). Religiosam uitam eligentibus ap(osto)licum conuenit adesse presidium ne forte cuiuslibet temeritatis incursus aut eos a p(ro)posito reuocet aut robur q(uo)d absit sacre religionis infringat. Eapropter dilecti in domino filij u(est)ris iustis postulationibus clementer annuimus et Monasterium u(est)r(u)m s(an)c(t)i Iohannis Baptiste in Insula Pragen(sis) dioc(esis) in quo diuino estis obsequio mancipati sub beati Petri et n(ost)ra p(ro)tect(i)one suscipimus et presentis scripti priuilegio communimus. In primis siquidem statuentes ut ordo monasticus qui secundum deum et beati Benedicti regulam in eodem Monasterio noscitur institutus esse dinoscitur perpetuis ibidem temporibus inuiolabiliter obseruetur. Preterea quascumq(ue) possessiones quecumq(ue) bona idem Monasterium inpresentiarum iuste ac canonice possidet aut in futurum concessione pontificum largitione Regum uel principum oblatione fidelium seu alijs iustis modis prestante domino poterit adipisci firma uobis u(est)risq(ue) successoribus et illibata permaneant. In quibus hec proprijs duximus exprimenda uocabulis. Locum ip(su)m in quo prefatum Monasterium situm est cum omnib(us) pertinentijs suis. In eadem dioc(esi) de domazlicz opido Chust uulgariter nuncupato de Sarpel de Bieliez de phrimburch et de Dubin silua Capellas cum omnibus redditibus iuribus et pertinentijs suis. In domazlicz opido In Sarpel In Bieliez In phrimburch et In dubin silua decimas Luben Ocruel Zaborsam Biseodli Olseh Petrouli Sazauka Predlbie Hradische Csey Cuna Trsebsin hirnem Hoshradiez Naulum Schawdiez Wisench Hus hab Sobieslauiah Nesetdiah Lutea Blashin Nahorub Bielia Oletz Nebrsich Longhi Trsebenice Schedelbia Grassuchin Buresinoli Boianobia Mosinege Mechinege Sedlege Padonegi Bozehies dobesies anegim Mlochicei p(ro)dole Bogdaslouice haslo Wice Cisin doletne Sedliec et Hostinu uillas cum aquis fluminibus molendinis pratis pascuis piscarijs et omnibus iuribus et pertinentijs suis de plani de Szelnica Scala uulgariter nuncupata Tria Laron Quarta Uelia Quinta Niezob Cellas cum aquis siluis pratis terris molendinis Curijs et omnibus iuribus et pertinentijs suis Opidum Dablel cum omnib(us) iuribus et pertinentijs suis de Submonte petrinio et de Bosca Curias cum omnibus iuribus et pertinentijs suis cum terris pratis uineis siluisq(ue) nemorib(us) usuagijs et pascuis in bosco et in plano in aquis et molendinis in uijs et semitis cum omnibus alijs libertatibus et immunitatibus suis. Sane noualium u(est)ror(um) que proprijs manibus aut sumptibus colitis de quibus aliquis hactenus non percepit siue de u(est)ror(um) animalium nutrimentis nullus a uobis decimas exigere uel extorquere presumat. Liceat quoq(ue) uobis clericos uel laicos liberos et absolutos e seculo fugientes ad conuersionem recipere et eos absq(ue) contradictione aliqua retinere. Prohibemus insuper ut nulli fratrum u(est)ror(um) post factam in Monasterio u(est)ro professionem fas sit sine Abbatis sui licentia de eodem loco nisi artioris religionis obtentu discedere discedentem uero absq(ue) communium litterar(um) u(est)rar(um) cautione nullus audeat retinere. Cum autem generale interdictum terre fuerit liceat uobis clausis ianuis exclusis excommunicatis et interdictis non pulsatis campanis suppressa uoce diuina officia celebrare dummodo causam non dederitis interdicto. Crisma uero oleum s(an)c(t)um consecrationes altarium seu Basilicar(um) ordinationes clericor(um) qui ad ordines fuerint promouendi a diocesano suscipietis Ep(iscop)o siquidem catholicus fuerit et gratiam et communionem sacrosancte Romane sedis habuerit et ea uobis uoluerit sine prauitate aliqua exhibere. Prohibemus insuper ut infra fines parrochie u(est)re s(an)c(t)am nullus sine assensu diocesani Ep(iscop)i et u(est)ro Capellam seu oratorium de nouo construere audeat saluis priuilegijs Roman(orum) Pontificum. Adhec nouas et indebitas exactiones ab Archiep(iscop)is Ep(iscop)is Archidiaconis seu Decanis alijsq(ue) omnib(us) ecclesiasticis secularibusue personis a uobis omnino fieri prohibemus. Sepulturam quoq(ue) ipsius loci liberam esse decernimus ut eor(um) deuotioni et extreme uoluntati qui se illic sepeliri deliberauerint nisi forte excommunicati uel interdicti sint aut eorum publice usurarij nullus obsistat Salua tamen iusticia illar(um) ecclesiar(um) a quibus mortuor(um) corpora assumuntur. Decimas preterea et possessiones ad ius ecclesiar(um) u(est)rar(um) spectantes que a laicis detinentur redimendi et legitime liberandi de manibus eor(um) et ad ecclesias ad quas pertinent reuocandi liberam sit uobis de n(ost)ra auctoritate facultas. Obeunte uero te nunc eiusdem loci Abbate uel tuor(um) quolibet successorum nullus ibi qualibet surreptionis astutia seu uiolentia preponatur nisi que(m) fratres communi consensu uel fratrum maior pars consilij sanioris secundum deum et beati Benedicti regulam prouiderint eligendum. Paci quoq(ue) et tranquillitati u(est)re paterna inposterum sollicitudine prouidere uolentes auctoritate ap(osto)lica prohibemus ut infra clausuras locor(um) seu Grangiar(um) u(est)rar(um) nullus rapinam seu furtum facere ignem apponere sanguinem fundere hominem temere capere uel interficere seu uiolentiam audeat exercere. Preterea omnes libertates et immunitates a predecessoribus n(ost)ris Roman(is) Pontificibus Monasterio u(est)ro concessas necnon libertates et exemptiones secularium exactionum a Regibus et principib(us) uel alijs xpi(sti)fidelibus rationabiliter uobis indultas auctoritate ap(osto)lica confirmamus et presentis scripti priuilegio communimus. Decernimus ergo ut nulli omnino hominum liceat prefatum Monasterium temere perturbare aut eius possessiones auferre uel ablatas retinere minuere seu quibuslibet uexationibus fatigare sed omnia integra conseruentur eor(um) pro quor(um) gubernatione ac sustentatione concessa sunt usibus omnimodis profutura Salua sedis ap(osto)lice auctoritate et diocesani Ep(iscop)i canonica iusticia et in p(re)dictis decimis moderatione concilij generalis. Siqua igitur in futurum ecclesiastica secularisue persona hanc n(ost)re Constitutionis paginam sciens contra eam temere uenire temptauerit secundo tertioue commonita nisi reatum suum congrua satisfactione correxerit potestatis honorisq(ue) sui careat dignitate reamq(ue) se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris n(ost)ri Iesu xpi(sti) aliena fiat atq(ue) in extremo examine districte subiaceat ultioni. Cunctis autem eidem loco sua iura seruantibus sit pax domini n(ost)ri Iesu xpi(sti) quatinus et hic fructum bone actionis percipiant et apud districtum iudicem premia eterne pacis inueniant. Amen. Amen. Amen.
(Rota) (Monogramma)
Ego Clemens catholice ecclesie Ep(iscopu)s